राजश्व संकलनको दायरा बढाउँदै कञ्चनपुर भन्सार

भीमदत्तनगर । प्रदेश नं ७ को प्रमुख नाका गड्डाचौकीस्थित कञ्चनपुर भन्सार कार्यालयले संकलनको दायरा बढाएसँगै राजश्व संकलनमा वृद्धि हुँदै गएको छ । आर्थिक वर्ष २०७४/0७५ मा भन्सार कार्यालयले रु ३२ करोड ५४ लाख ६३ हजार राजश्व संकलन गरेको कञ्चनपुर भन्सार कार्यालयका सूचना अधिकृत यज्ञराज जोशीले बताए । महाकाली नदीमा चार लेनको पुल निर्माण भएर कञ्चनपुर व्यापारिक नाकाको रुपमा विकास भएसँगै राजश्व संकलन बढ्दै गएको छ । चालू आव २०७५/0७६ का लागि वार्षिक राजश्व संकलनको लक्ष्य रु ४० करोड १२ लाख ८४ हजार तोकेको छ । थप पढ्नुहोस्

कलश सिमेन्टका मालिक नै सुपारी र मरिचको अवैध धन्दामा !

सुपारी किङ्ग अनिल पटवारी फरार, भन्सार अधिकृतमाथि छानविन तीव्र काठमाडौं । सुपारी किङका रुपमा चर्चित बीरगंजका उद्योगी अनिल पटवारी एकाएक भूमिगत भएका छन् । देखाउने दांतका रुपमा सिमेन्ट उद्योगी पनि रहेका पटवारीको मुख्य धन्दा भने सुपारी र कालो मरिचको तस्करी गर्नु रहेको खुलासा भएको छ । गत जेठ २१ गते बीरगंजको मुख्य नाकाबाट भारततर्फ लैजान लागिएको १२ मेट्रिक टन मरिच उनैको भएको रहस्य खुलेपछि उनी मोबाइल स्वीचअफ गरी फरार भएका हुन् । पर्सा प्रहरीले नेपालबाट भारततर्फ लान लागिएको उक्त परिमाणको कालो मरिच बीरगंजको कै भन्सार नाका इनरुवाबाट पक्राउ गरेको थियो । थप पढ्नुहोस्

पेट्रोलियम पदार्थको बर्षायाम माग धेरै हुदा रुपन्देहीमा अभाव

धान रोप्ने कृषकलाई ट्र्याक्टर चलाउन अप्ठेरो बुटवल । भारतीय बजारमा पेट्रोलियम पदार्थको उतारचढाव र ढुवानी गर्ने सवारी साधन कम भएका कारण रुपन्देहीमा पेट्रोलियम पदार्थको अभाव देखिएको छ । खासगरी सैनामैना नगरपालिकामा केहीदिनयतादेखि पेट्रोलियम पदार्थको अभाव हुँदा धान रोप्ने समयमा कृषकलाई ट्र्याक्टर सञ्चालन गर्नसमेत अप्ठेरो भएको सम्बद्ध कृषकले बताएका छन् । सैनामैनाको गैरे आयल डिस्टिब्युटर्स, सुद्धोधन गाउँपालिकाको अञ्जनी आयल स्टोर्सलगायतका पेट्रोल पम्पमा पेट्रोलियम पदार्थको अभाव देखिएको छ । थप पढ्नुहोस्

एभरेष्ट सुगर मिल दुई महिनापछि मंगलबारदेखि सञ्चालन

गौशाला । महोत्तरीको गौशाला नगरपालिका रामनगरस्थित एभरेष्ट सुगर मिल दुई महिनापछि मंगलबारदेखि सञ्चालनमा आएको छ । किसानलाई उखुको मूल्य भुक्तानी गर्न सहमत भएपछि उक्त मिल सञ्चालनमा आएको हो । मिलले करीब रु दुई अर्ब भुक्तानी गर्न बाँकी राखेपछि किसानले सो मिलमा तालाबन्दी गर्दैआएका थिए । सोमबार जिल्ला प्रशासन कार्यालय, उखु उत्पादन कृषक संघ र चिनी मिलबीच सहमति भएपछि मिल सञ्चालनमा आएको हो । सो मिलले महोत्तरी, धनुषा र सर्लाहीका किसानको रु एक अर्ब ७८ करोड भुक्तानी दिन बाँकी छ । मिलले आउँदो साउन मसान्तसम्ममा किसानलाई रु ६० करोड भुक्तानी दिने सहमति गरेको छ । थप पढ्नुहोस्

म्याद नाघेको पाउडर दूध मिसाएर बिक्रीगर्ने निजी डेरीमा मन्त्री खनालले लगाए ताला

डीडीसीलाई जोगाउन खोजेको भित्री तथ्य फेला काठमाडौं । केही डेरी उद्योगले तलर दूधमा म्याद नाघेको पाउडर दूध मिसाएर उपभोक्तालाई बिक्री गरेको पाइएको छ। कृषि, भूमि व्यवस्था तथा सहकारी मन्त्री चक्रपाणि खनालले सोमबार बालाजुस्थित डेरी उद्योगमा अनुगमन गर्ने क्रममा यस्तो तथ्य फेला परेको हो । थप पढ्नुहोस्

बारेकोटको खाराखोलामा भेटियो नून खानी

जाजरकोट । जिल्लाको बारेकोट गाउँपालिका–२ रोकायगाउँस्थित खाराखोलामा नून खानीको सम्भाव्यता देखा परेको छ । खोलाको पानीमा सोडियम क्लोराइड जाँच गर्दा ९० प्रतिशत नूनको मात्रा भेटिएको जाजरकोट प्रदेशसभा ‘क’ का सांसद गणेशप्रसाद सिंहले बताए । खोलाको एक लिटर पानी लिएर ल्याब परीक्षण गराउँदा पानीमा ९० प्रतिशत नूनको मात्रा रहेको तथ्य फेला परेको सांसद सिंहले बताए । खाराखोलाको पानी लिएर वाटर इन्जिनियरिङ एण्ड टे«निङ सेन्टर काठमाडौंमा परीक्षण गरिएको थियो । खानी तथा भूगर्भ विभागका महानिर्देशक राजेश खनालले ल्याब परीक्षण गर्दा राम्रो नतिजा आएको बताए । थप पढ्नुहोस्

राजधानीका दुई पेट्रोल पम्पमा सिलबन्दी

काठमाडौं । मापदण्ड विपरित काम गरेका दुई पेट्रोल पम्पमा सिलबन्दी गरिएको छ । सोमबार बिहान उद्योग वाणिज्य तथा आपुर्ति मन्त्रालय, मातहतका आयल निगम र गुणस्तर तथा नापतौल विभागले राजधानीका विभिन्न पेट्रोल पम्पमा अनुगमन गर्दा मापदण्ड बाहिर काम गरेको भेटिएपछि सिलबन्दी गरेको हो । प्रशान्ति आयल स्टोर एकान्तकुना र ललितपुरको सातदोबाटो १५ स्थित महालक्षमी विश्वकर्मा ट्रेडर्सको पेट्रोल डिस्पेलिङ पम्पमा सिल गरिएको हो । थप पढ्नुहोस्

१० महिनामा विराटनगर भन्सारबाट २ अर्बको चिनी आयात

मोरङ । विराटनगर भन्सारबाट चालु आर्थिक वर्षको १० महिनामा २ अर्ब ६२ करोड ३२ लाख २१ हजार मूल्य बराबरको चिनी आयात भएको छ । साउनदेखि बैसाखसम्ममा चिनी आयातबाट ९० करोड ९ लाख ९४ हजार राजश्व असुली भएको विराटनगर भन्सार कार्यालयको तथ्यांकले देखाएको छ । गत वर्ष २ सय ४४ दशमलव ८२९ मेट्रिक टन आयात भएको चिनी चालु आर्थिक वर्षको १० महिनामा ५७ हजार २ सय ७ दशमलव ८११ मेट्रिक टन आयात भएको छ। गत वर्ष १ करोड ५८ लाख ७६ हजार मूल्य बराबरको चिनी आयात हुँदा ३९ लाख १ हजार राजश्व असुली भएको तथ्यांक फाँटका राजेन्द्र थापाले बताए । थप पढ्नुहोस्

पेट्रोलको भाउ प्रतिलिटर ११० रुपैयाँ

काठमाडौँ । पेट्रोलियम पदार्थको मूल्य फेरि बढेको छ । आज बेलुका बसेको नेपाल आयल निगम सञ्चालन समितिको बैठकले पेट्रोल, डिजेल र मट्टितेलमा प्रतिलिटर दुई÷दुई रुपैयाँ मूल्य वृद्धि गर्ने निर्णय गरेको हो । बुधवार राति १२ बजेपछि लागू हुने गरी बढाइएको मूल्य वृद्धिपछि पेट्रोलको भाउ प्रतिलिटर ११० रुपैयाँ र डिजेल र मट्टितेलको भाउ ९२ रुपैयाँ प्रतिलिटर पुगेको छ । थप पढ्नुहोस्

चिनीको भन्सार मूल्य नबढाउन सर्वोच्चको अन्तरिम आदेश

काठमाडौंं । सर्वोच्च अदालतले चिनीको भन्सार मूल्यमा शतप्रतिशत वृद्धि गर्ने निर्णय कार्यान्वयन नगर्न अन्तरिम आदेश दिएको छ । ज्ञान इन्टरप्राइजेजले दायर गरेको मुद्दामा सुनुवाइ गर्दै न्यायाधीश वमकुमार श्रेष्ठको एकल इजलासले जेठ १४ गते दुबै पक्षलाई छलफलमा बोलाएको छ । साथै सरकारले निर्णय गर्नुअघि नै एलसी खोलेर खरिद प्रक्रिया अघि बढाएको स्थितिलाई मध्यनजर गर्दै जेठ १४ भन्सार मूल्य वृद्धिको निर्णय कार्यान्वयन नगर्न सरकारलाई अन्तरिम आदेश दिएको छ । सर्वोच्चले लिखित जवाफ १५ दिनभित्र पेश गर्न पनि सरकारलाई भनेको छ । थप पढ्नुहोस्
1 2 3 8