अविरल बर्षाले ठाउँ ठाउँमा पहिरो, आवत जावतमा समस्या

मुगु । वर्षा यामसंगै भईरहेको अविरल वर्र्षाका कारण आएको बाढि पहिरोले जिल्लाभर आवत जावतमा समस्या भएको छ । वर्षाका कारण जिल्ला भरबाट सदरमुकाम जोड्ने मुख्य बाटोहरु मा पहिरो जाँदा सदरमुकाम तथा स्थानीय क्षेत्रमा आवतजावत गर्न समस्या सिर्जना भएको छ । खत्याड गाउँ पालिकाको पैंखु पानी देखि निगाली बोट सम्म दर्जनौं स्थानमा पहिरो जाँदा मान्छेलाई समेत आवत जावतमा समस्या भएको छ ।वर्षाका कारण नाग्म गमगढी सडक अबरुद्ध भएको छ भने जुम्ला गोठि ज्युउला देखि मुगुको गम्था सम्मको सडक यातायात समेत हप्तौ देखि अबरुद्ध भएको छ । थप पढ्नुहोस्

केरुङ–काठमाडौं रेलमार्ग : ९ वर्षभित्र निर्माण

काठमाडौं । सरकारले वार्षिक २८ अर्ब ५५ करोड लगानी गरे आगामी ९ वर्षभित्र केरुङ–काठमाडौं रेलमार्ग स्वदेशी लगानीमा नै निर्माण गर्न सकिने देखिएको छ। रेल विभागका सिनियर डिभिजनल इन्जिनीयर प्रकाशभक्त उपाध्यायकाअनुसार सो रेलमार्गको कूल लागत २ खर्ब ५७ अर्ब हुने देखिएको छ। सोही आधारमा वार्षिक २८ अर्ब ५५ करोड लगानी गर्नुपर्ने देखिएको हो। चिनियाँ कम्पनीले तयार पारेको प्रारम्भिक अध्ययन प्रतिवेदनलाई अन्तिम रूप दिन नेपाली र चिनियाँ अधिकारी छलफलमा जुटेका बेला विभागबाट उक्त जानकारी प्राप्त भएको हो । थप पढ्नुहोस्

गोसाइँकुण्ड जाने पुल बाढीले भत्कायो, तीर्थयात्री बाटोमै अलपत्र

नुवाकोट । बाढीले गए राति पुल भत्काएपछि गोसाइँकुण्ड जाने तीर्थयात्री प्रभावित भएका छन् । पासाङल्हामु राजमार्गमा पर्ने त्रिशूली–बेत्रावती खण्डको विदुर नगरपालिका–१ र १० जोड्ने सिमुटारस्थित गेर्खुखोला पुल बाढीले भत्काएपछि तीर्थयात्री मारमा परेका हुन् । पुल बगाएपछि रसुवासँगको यातायात सम्पर्क टुटेको छ । बाढीले पुलको रसुवापट्टिको सडक १० मिटर बगाएको छ । रसुवालाई काठमाडौंसँग जोड्ने सडक अवरुद्ध भएपछि तीर्थयात्री बाटोमै अलपत्र परेका छन् । अहिले गोसाइँकुण्डमा जनैपूर्णिमा मेला लागेको छ । मुलुकका विभिन्न ठाउँबाट तीर्थयात्री मेला भर्न यहाँ आएका छन् । थप पढ्नुहोस्

मुसलधारे बर्षाले पुल बगाएपछि आवागमन ठप्प

चौतारा । गए राति मुसलधारे वर्षापछि आएको बाढीेले बाह्रबिसे बजारको पक्की पुल बगाएको छ । बाढीले बाह्रबिसे नगरपालिका–३ र ४ को बीचमा रहेको साँदी खोलाको पुल बगाएको हो । पुल बगाएपछि उक्त क्षेत्रमा आवागमन ठप्प भएको छ । बजार क्षेत्रका २२ घरमा बाढी पसेको इलाका प्रहरी कार्यालय बाह्रबिसेका प्रहरी निरीक्षक यादव थापाले जानकारी दिए । अरनिको राजमार्गमा पर्ने ४० फिट लामो सो पुल चीन सरकारले २०२४ सालमा निर्माण गरेको हो । बाढीका कारण सडक सतहभन्दा करीब पाँच फिटसम्म ढुङ्गा र माटो थुप्रिएको छ । खोलाको पानी घरभित्र पस्न थालेको छ । स्थानीयबासी बाढीका कारण त्रसित छन् । थप पढ्नुहोस्

काठमाडौंमा डुकाटी मोटरसाइकल गुडाउन रोक

काठमाडौं । प्रहरीले उपत्यकाभित्र डुकाटी मोटरसाइकल गुडाउनमा प्रतिबन्ध लगाएको छ । अत्यधिक ध्वनी प्रदूषणका कारण नागरिकको स्वास्थ्यमा प्रतिकूल असर पुगेको निष्कर्षसहित महानगरीय ट्राफिक प्रहरी महाशाखाले डुकाटी ब्रान्डका कुनैपनि मोटरसाइकल उपत्यकाभित्र सञ्चालन गर्न नपाइनेगरी प्रतिवन्ध लगाएको हो । महानगरीय ट्राफिक प्रहरी महाशाखा प्रमुख एसएसपी वसन्त पन्तले राजधानीको सडक डुकाटी मोटरसाइकलको गति धान्न सक्ने क्षमताको नभएको र यहाँको जनघनत्व त्यही अनुसार रहेका कारण यसको प्रयोगमा रोक लगाइएको स्पष्ट पारे । थप पढ्नुहोस्

बाढीले सडक कटान गरेपछि पासाङल्हामु राजमार्ग अवरुद्ध

नुवाकोट । गेर्खु खोलामा आएको बाढीले सडक कटान गरेपछि नुवाकोटमा पासाङल्हामु राजमार्ग अवरुद्ध भएको छ । नुवाकोटको त्रिशूली–बेत्रवती खण्डको गेर्खु पुलमा खोलाले सडक कटान गर्दा नुवाकोट र रसुवाको यातायात ठप्प भएको हो । आइतबार बिहान खोलामा आएको बाढीले विदुर नपा–१ र विदुर नपा–१० जोड्ने पुलको दायाँबायाँको सडक कटान गरेकोले यातायात ठप्प भएको जिल्ला प्रहरी कार्यालयले जनाएको छ । सडक नै कटान भएकोले निर्माणको लागि गल्छी–त्रिशूली–मैलुङ–स्याफ्रुवेसी रसुवागढी सडक योजनाको ठेकेदारसँग सहकार्य गरी सडक खुलाउने प्रयास भैरहेको प्रहरीले जनाएको छ । थप पढ्नुहोस्

मुसलधारे बर्षाले पुतलीसडक क्षेत्र जलमग्न !

काठमाडौं । लगातारको बर्षाले हिलाम्मे भएको काठमाडौं स्थित पुतलीसडक मुसलधारे वर्षा हुदाँ जलमग्न भएको छ । शुक्रबार साझ ५ बजेतिर परको मुसलधारे बर्षाले सडकमा ढल फुटेपछि पुतलीसडक जलमग्न भएको हो । यो त सामान्य एउटा उदाहरण मात्र हो काठमाडौंका विभिन्न स्थानमा ढल फुट्ने समस्या पुरानै छ । यस्ता समस्याले यात्रु तथा सवारीहरु साधनका चालकहरु जोखिम मोलेर यात्रा गर्न बाध्य भएका छन् । सडक जलमग्न भएपछि आवतजावतमा केहीबेर समस्या भएको थियो । सडकमा ढल फुटेका कारण केही मोटरसाइकलहरु लड्दा व्यवस्थापन गर्न ट्राफिकलाई निकै समस्या भएको पुतली सडक ट्राफिक कार्यालयले जनाएको छ । थप पढ्नुहोस्

नारायणगढ–मुग्लिन सडक : १७ किलोमा सडक भासिने क्रम जारी

चितवन । नारायणगढ–मुग्लिन सडकखण्डको १७ किलोमा सडक भासिने क्रम जारी रहेको छ । एक महिनादेखि विस्तारै भासिन शुरु गरेकामा हालसम्म आइपुग्दा १ दशमलब ५ मिटर सडक भासिएको छ । नारायणगढ–मुग्लिन सडक आयोजनाका इञ्जिनियर शिव खनालका अनुसार सो ठाउँमा नौ मिटर सडक चौडा छ । जसमध्ये पाँच मिटर भाग भासिएको छ । चार मिटरबाट एकतर्फीरुपमा सवारी चलेका छन् । चालीस मिटर लामो भागमा सडक भासिएको हो । सो ठाउँमा विसं २०६० मा सडक भासिएपछि ‘रक स्वायल एङ्करिङ’ गरिएको थियो । सडक छेउबाट त्रिशूली नदी बगेको छ । विज्ञले भासिएको ठाउँको निरीक्षण गरी वर्षात्को समयमा नचलाउन सुझाव दिएका छन् । थप पढ्नुहोस्

कलंकी अण्डरपास संचालन, अब घण्टौंको जाम कम हुने

काठमाडौं । चीन सरकारको सहयोगमा निर्माण भएको कलंकीको अण्डरपास सञ्चालनमा आएको छ । साउन १ गतेदेखि नै सञ्चालन गर्ने गरी निर्माण भएको अण्डरपास अन्नत भदौ १ गते देखि सञ्चालनमा आएको हो । चक्रपथ सुधार आयोजना प्रमुख प्रकाशचन्द्र भण्डारीले शुक्रबार मध्यान्हदेखि अण्डरपास सञ्चालनमा आएको जानकारी दिए । तत्कालका लागि भने २ लाइनमात्रै अण्डरपास सञ्चालन गरिएको भण्डारीले बताए । ‘शुक्रबार पूर्ण रुपमा नै अण्डरपास सञ्चालन गर्ने हाम्रो योजना थियो’ उनले भने, ‘निर्माण कम्पनीको सामानहरु हटाउन बाँकी रहेकाले हाललाई २ लेन खुला भएको छ, अब चाडै ४ लेननै सञ्चालन हुनेछ । थप पढ्नुहोस्

यसैसाता भित्र ‘मकालु’को पहिलो बैंकक उडान

काठमाडौं । राष्ट्रिय ध्वजावाहक नेपाल वायुसेवा निगमको दोस्रो वाइड बडी ए ३३०–२०० सिरिजको ‘मकालु’ विमानले यसैसाताभित्र थाइल्याण्डको बैंककबाट व्यावसायिक उडान शुरु गर्ने भएको छ । नियामक निकाय नेपाल नागरिक उड्डयन प्राधिकरण 'क्यान' बाट बिहीबार वायुयान उडान सञ्चालन अनुमतिपत्र 'एओसी' पाएको मकालुले आउँदो मङ्गलबारसम्म उडान थाल्ने भएको हो । मकालुले आउँदो सातादेखि बैंककबाट उडान शुरु गर्ने निगमका महाप्रबन्धक सुगतरत्न कंसाकारले जानकारी दिए । थप पढ्नुहोस्
1 2 3 27