अब पानी जहाजमार्फत ‘चलखेल’ गर्ने भारतको दाउ

काठमाडौँ, ३२ असार । नेपाल–भारत जल यातायात सञ्चालनका लागि दुवै पक्षबीच द्विपक्षीय संस्थागत संरचना गठन गर्ने सहमति भएको छ । जल यातायात सञ्चालन सम्बन्धमा नेपाली पक्ष र भारतीय पक्षबीच भएको वार्तामा अध्ययन टोलीहरुको स्थलगत अध्ययनबाट प्राप्त सिफारिसका आधारमा संस्थागत संरचना बनाउने सहमति भएको हो । थप पढ्नुहोस्

सौराहामा अब सुविधासम्पन्न बस चल्ने

चितवन। सौराहाबाट पोखरा र पोखराबाट सौराहाका लागि सुविधासम्पन्न पर्यटक बस सञ्चालनमा ल्याइने भएको छ।पोखरा जगदम्बा ट्राभल्सले भोलि मंगलबारदेखि दैनिक सौराहाबाट पोखराका लागि एउटा र पोखराबाट सौराहाका लागि एउटा बस सञ्चालन गर्न लागेको हो। ट्राभल्सका अध्यक्ष केशव अधिकारीका अनुसार २१ जनाको क्षमता भएको सो बसको एकतर्फी भाडादर एक हजार ५०० रहेको छ।भाडाबापत यात्रुले बिहानको खाजा, खाना, चिया, कफी, चिसो पेय पदार्थसँगै पत्रपत्रिका पढ्न पाउने उनले जानकारी दिए। बसमा आरामले सुतेरसमेत यात्रा गर्न सकिने अधिकारीको भनाइ छ । थप पढ्नुहोस्

बन्दीपुरमा पर्यटकको आकर्षण बढ्दै, केबुलकार निर्माण गरिने

दमौली । तनहुँको ऐतिहासिक नगरी बन्दीपुरमा केबुलकार सञ्चालन गरिने भएको छ । आर के बी रियल स्टेट एण्ड कन्सट्रक्सन लिमिटेड र स्थानीय व्यापारी ताराप्रसाद उपाध्यायको लगानीमा बन्दीपुर केबुलकार निर्माण प्रक्रिया अगाडि बढेको हो । ठूलढुंगाबाट बराल चोकसम्म सञ्चालन हुने केबुलकार रू ५६ करोडको लागतमा निर्माण हुने उक्त केबुलकारका अध्यक्ष रहनुभएका उपाध्यायले बताए । केबुलकारका लागि आर के वी रियल स्टेट एण्ड कन्सट्रक्सनले ७० प्रतिशत र आफूले ३० प्रतिशत लगानी व्यहोर्ने उनले बताए। एक किमी ६०० मिटर लामो उक्त केबुलकारमा सात वटा टावर रहनेछन् । थप पढ्नुहोस्

राधेमाई मन्दिरमा सरसफाई ‘फोटो फिचर’

बीरगंज । हिन्दू युवा परिसद पर्साले आज बीरगंजको प्रसिद्ध राधेमाई मन्दिर बृहत सरसफाई गरेको छ। बीरगंज महानगरपालिका बड़ा न.१३ राधेमाईमा रहेको मन्दिरलाई हिन्दू परिसद नेपालका अगुवानेता,कार्यकर्ता,नेपाल प्रहरी,मन्दिर व्यवस्थापन समितिका सदस्यहरुले सरसफाई गरेका थिए । थप पढ्नुहोस्

कार्गो विमान चढेर भद्र र रुपसी चीन पुगे

काठमाडौं । विश्वमै दुर्लभ मानिने एक सिँगे गैडाको एक जोडी बिहीवार चीन प्रस्थान गरेको छ ।चीनबाट आएको विशेष विमान‘युनिट अफ कार्गो एअरलाइन्स’बाटभद्र र रुपसी नाम दिइएका गैंडा चीन पठाइएको हो । गैंडा बोकेको विमान त्रिभुवन अन्तराष्ट्रिय विमानस्थलबाट पौने ५ बजे नेपालबाट चीनका लागि उडेको थियो । करिब पाँच घण्टाको उडानपछि ती गैँडा चीनको गोन्जाओ पुगेका छन् । गैंडालाई गोन्जाओकै च्याम्बुलुङ सफारी पार्कमा राखिने छ । करिब पाँच घण्टाको उडानका लागि गैँडालाई चाहिने खाना, पानी जहाजमै व्यवस्था गरिएको छ । थप पढ्नुहोस्

करको दायरामा पर्यटकीयस्थल र होटल ल्याउने निर्णय पारित

बाबियाचौर ( म्याग्दी ) । अन्नपूर्ण गाउँपालिकाले पर्यटकीयस्थल, होटल तथा रेष्टुरेन्टलाई कानून र करको दायरामा ल्याएको छ । संविधानले दिएको अधिकारको प्रयोग गरेर हालै भएको गाउँसभाबाट पर्यटकीयस्थल, होटल, लज र व्यवसायलाई दर्ता प्रक्रियासँगै करको दायरामा ल्याउने निर्णय पारित गरेको हो । घोडेपानी, पुनहिल, खोप्रा, भुरुङ तातोपानी, मोहरेडाँडा लगायतका पर्यटकीयस्थलको भ्रमणमा आउने पर्यटकबाट शुल्क उठाउने निर्णय भएको गाउँपालिकाका प्रवक्ता कृष्णप्रसाद बरुवालले बताए । थप पढ्नुहोस्

‘रुपसी र भद्र’आइपुगे काठमाडौं, जादैछन् चीन !

काठमाडौं । नेपाल सरकारले यहि असार २८ गते  उपहारका लागी चीन पठाउन लागेको दुर्लभ एकसिंगे गैंडाको एक जोडी ‘रुपसी र भद्र’ काठमाडौं आइपुगेका छन् । चितवनबाट मंगलबार एक कार्यक्रमकाबीच बिदाई गरिएको गैंँडा गएराति विशेष सुरक्षा सर्तकताका साथमा काठमाडौं ल्याएको छ । राष्ट्रिय प्रकृति संरक्षण कोष सौराहाका प्रमुख रामकुमार अर्यालले सडकमार्ग भएर गैंँडा सहज रुपमा काठमाडौं भित्र्याइएको बताए । काठमाडौं ल्याइएको गैँडा चीन पठाउने तयारी भइरहेको छ । अहिले उक्त गैंँडाको जोडीलाई ललितपुरको खुमलटारस्थित राष्ट्रिय प्रकृति संरक्षण कोषको केन्द्रीय कार्यालयमा राखिएको छ । थप पढ्नुहोस्

अतिक्रमण हटाउन नसक्दा लोपोन्मुख कृष्णसार संकटमा

गुलरिया  ।नेपालकै र्दुलभ एवम् लोपोन्मुख बन्यजन्तु कृष्णसारको वासस्थान क्षेत्रमा भएको अतिक्रमण हटाउन नसक्दा कृष्णसार संकटमा परेका छन् । यो वन्यजन्तु ऐन २०२९ ले संरक्षित वन्यजन्तुको सुचिमा सुचिकृत क्षेत्र हो । बन विभागमा पटक पटक पहल गर्दापनि पुर्नस्थापनको लागि केन्द्रले कुनैचाँसो नदिँदा संरक्षण कार्यालयलाई हम्मेहम्मे परेको संरक्षण कार्यालयले जनाएको छ । अतिक्रमित संरक्षणक्षेत्रको वस्ती पुर्नस्थापन हुन नसक्दा कृष्णसार संरक्षणमा समस्या परेको कृष्णसार संरक्षण क्षेत्र कार्यालय खैरापुरका प्रमुख पुरुषोत्तम शर्मा वताउँछन् । थप पढ्नुहोस्

चितवन निकुञ्जबाट विभिन्न देशलाई २६ गैँडा उपहार

चितवन । चितवन राष्ट्रिय निकुञ्जबाट बिभिन्न देशमा हालसम्म २६ गैँडा उपहारस्वरुप पठाइएको छ । निकुञ्जका प्रमुख संरक्षण अधिकृत वेदप्रसाद ढकालका अनुसार अमेरिकामा छ र भारतमा चार तथा बंगलादेश, पाकिस्तान, थाइल्याण्ड, म्यान्मा, जापान, जर्मनी, बेलायत र अष्ट्रियामा दुई दुई गैँडा पठाइएको छ । निकुञ्ज तथ्यांकअनुसार पहिलो पटक सन् १९८५ मा भारतको दुधुवामा चार गैँडा पठाइएको थियो । पछिल्लो पटक सन् २००६ मा अष्ट्रियामा एक जोडी गैँडा पठाइएको थियो । बाह्र वर्षपछि पुनः अहिले दुई जोडी गैँडा चीन पठाउन लागिएको हो । यससँगै निकुञ्जबाट पठाइएका गैँडा ३० पुग्नेछन् । थप पढ्नुहोस्

बजेटको आकार सही र संघीय संरचना सन्तुलित छ : अर्थमन्त्री डा खतिवडा

काठमाडौं । अर्थमन्त्री डा युवराज खतिवडाले आगामी आर्थिक वर्ष २०७५÷७६ का लागि विनियोजित बजेटको आकार सही र संघीय संरचनाअनुसार सन्तुलित भएको बताए । राष्ट्रियसभाको बैठकमा विनियोजन विधेयकमाथिको छलफलमा सदस्यहरुले उठाएका प्रश्नको आज जवाफ दिँदै उनले संघ, प्रदेश र स्थानीय तहमा राजश्वको बाँडफाँड एवं स्रोत परिचालनमा सन्तुलन कायम गरिएको बताए । अर्थमन्त्री डा खतिवडाले भने, “बजेट उपयुक्त आकारको छ । प्रादेशिक तवरले बजेट सन्तुलित छ । भूगोलको आधारमा बजेट दिएको छैन । सत्तरी प्रतिशत जनसंख्या र बाँकी प्रतिशत अन्य क्षेत्रलाई दिएर सन्तुलन कायम गरिएको छ । थप पढ्नुहोस्
1 2 3 13