पुटिन र ट्रम्पबीच द्विपक्षीय वार्ता हुदै

हेल्सिन्की । रुसी राष्ट्रपति भ्लादिमिर पुटिन र अमेरिकाका राष्ट्रपति डोनाल्ड ट्रम्पबीच सोमबार हेल्सिन्कीमा द्विपक्षीय वार्ता हुदै छ ।अमेरिकी राष्ट्रपति ट्रम्पले आफ्ना रुसी समकक्षी भ्लादिमिर पुटिनसँग भेटवार्ताका लागि फिनल्याण्ड पुगेका छन् । उनीहरुबीचको भेटवार्तालाई विश्वका सञ्चारमाध्यमहरुले पनि निकै प्रचार गरिरहेका छन् ।राष्ट्रपति ट्रम्पको हालैमात्र गर्नुभएको युरोपको उतारचढावपूर्ण भ्रमणपछि पुटिनलाई भेट्न उनी पुगेका हुन् । तर सो भेटबाट त्यति ठूलो प्रगति भने नहुने राष्ट्रपति ट्रम्पले बताए । थप पढ्नुहोस्

पाकिस्तानमा चुनावी हिंसा जारी, सभामा बम हमला

इस्लामावाद । पाकिस्तानमा यही जुलाई २५ मा हुन लागेको आमनिर्वाचनको प्रचारप्रसारका लागि आयोजना गरिएका विभिन्न राजनीतिक दलका कार्यक्रममा हिंसा पनि बढेको छ । इस्लामावादबाट प्राप्त समाचारअनुसार यस्तो हिंसाको क्रम आइतबार पनि जारी रहेको छ । आइतबार पनि राजधानी इस्लामावादकै एक सभामा बम आक्रमण भएको छ । यस आक्रमणमा भएको हताहतको भने समाचार आएको छैन । शनिबारमात्र पनि यस्तै हिंसाका घटनामा परी कम्तीमा १०५ जनाको मृत्यु भएको थियो । आइतबार बिहान इस्लामावादमा निर्वाचन प्रचारको लागि आयोजना गरिएको निर्वाचन सभामा बम हमला भएको समाचार प्राप्त भएको छ । थप पढ्नुहोस्

इटाली र माल्टाको सामूद्रिक इलाकामा ४५० आप्रवासी अलपत्र

रोम । माल्टा र इटालीबीच कसले जिम्मेवारी लिने र समुद्रमा फसेका आप्रवासी शरणार्थीलाई सहयोग गर्ने भन्ने निश्चित नहँुदा लिवियाबाट यूरोप हिडेका कम्तीमा ४५० जना आप्रवासी शरणार्थीहरू शनिबार समूद्रमा अलपत्र परेका छन् । शुक्रबार इटालीका दक्षिणपन्थी समूहका तर्फबाट गृहमन्त्री बनेका माटेओ साल्भिनीले आप्रबासी चढेको डुङ्गालाई आफ्नो इलाकामा प्रवेश गर्न नदिएपछि यूरोपेली संघको सीमा क्षेत्रमा काम गर्ने निकाय ९फ्रन्टेक्स०ले दुईवटा डुङ्गा उपलब्ध गराएको र डुङ्गा डुब्ने खतरालाई टारेको थियो । थप पढ्नुहोस्

हमास लडाकूहरुका विरुद्धमा गाजामा ठूलो हमला

जेरुसेलम । हमास लडाकूहरुका विरुद्धमा गाजामा शनिबार शक्तिशाली हमला भएको समाचार छ । यस हमलालाई सन् २०१४ को युद्धयताकै सबैभन्दा ठूलो हमला भएको बताइएको छ । इजरायली प्रधानमन्त्री बेन्जमिन नेतन्याहुले यो आक्रमणको पुष्टि गरेका छन् । गाजातर्फबाट इजरायलमा रकेट हानिएको र ती रकेटकहरुको जवाफी आक्रमणका रुपमा यताबाट हमला गरिएको उनले बताए । यसका साथै उनले आवश्यक परेमा थप कारबाही पनि गरिने जानकारी समेत दिएका छन् । तर उता प्यालेस्टिनीहरूले भने युद्धविराममा सहमति भएको र आक्रमण स्थगित भएको जनाएका छन् । थप पढ्नुहोस्

पुटिन र ट्रम्पबीच सोमबार वार्ता हुने

पेरिस । रुसका राष्ट्रपति भ्लादिमिर पुटिन र अमेरिकाका राष्ट्रपति डोनाल्ड ट्रम्पबीच आगामी सोमबार द्विपक्षीय वार्ता हुने भएको छ । सोमबार हेलसिन्की शिखर सम्मेलनका क्रममा उनीहरुबीच वार्ता हुने बताइएको छ । पछिल्लो समयमा रुस र अमेरिकाबीच कूटनीतिक विवाद उत्कर्षमा पुगेको थियो । दुई महिना मात्र अघि पनि पुटिनको कडा आलोचना गर्दै अमेरिकाले रुसी कूटनीतिज्ञलाई देश निकाला गरेको थियो । अमेरिकाको यो कदमको स्वागत गर्दै केही बेलायत र युरोपेली देशले पनि रुसी कूटनीतिज्ञलाई आ–आफ्ना देशबाट निकाला गरेका थिए । यो कार्यको अपजस सबै अमेरिकालाई गएको थियो । थप पढ्नुहोस्

भ्रष्टाचारी पाकिस्तानी प्रधानमन्त्रीलाइ १० वर्ष जेल

काठमाडौं । पाकिस्तानका पूर्वप्रधानमन्त्री नवाज शरिफ पक्राउ परेका छन् । बेलायतबाट अबुधाबी हुँदै शुक्रबार राति स्वदेश फर्किएका शरिफसँगै उनकी छोरी मरियमलाई पाकिस्तानी सुरक्षाकर्मीले गिरफ्तार गरेका हुन् । भ्रष्टाचारसम्बन्धी मुद्दामा दोषी देखिए पछि जेल सजाय सुनाइएको हो। ६ जुलाईमा भएको फैसलामा शरिफलाई १० र उनकी छोरी मरियमलाई सात वर्ष जेल सजाय सुनाइएको थियो । तर शरिफ फैसला सुनाउने बेला श्रीमतीको उपचारका लागि परिवारसहित बेलायतमा थिए । थप पढ्नुहोस्

काइली बीस वर्षमै ९ सय मिलियन डलरकी मालिक

काठमाडौं । फोर्ब्स म्याग्जिनका अनुसार, ‘किपीङ्ग अप वीथ कार्डसियनस्’ टेलिभिजन कार्यक्रमकी कलाकार काइली जेनर बीस वर्षमै आफ्नै बलबुतामा ९ सय मिलियन डलरकी मालिक भएकी छन् । अमेरिकामा फेसन गुरुको रुपमा ख्याति प्राप्त जेनर कार्डसियन परिवारकी सबैभन्दा कान्छी सदस्य हुन् । उनले दुई वर्ष अगाडि श्रृङ्गार सामग्री व्यापारको शुरुआत गरेकी थिइन् । उनलाई ३७ वर्षीया दिदी किम कार्डसियन वेस्टसँग तुलना गर्दा जेनर नै बढी धनी छिन् । उनकी दिदीको सम्पत्ति ३ सय ५० मिलियन डलर रहेको छ । किम पनि लोकप्रिय अमेरिकी कलाकार र व्यक्तित्व हुन् । थप पढ्नुहोस्

निर्वाचन नजिकिँदै गर्दा हिंसा बढ्दै, २० को मृत्यु, ५० घाइते

इस्लामावाद । निर्वाचनको दिन नजिकिदै गर्दा पाकिस्तानमा दिनप्रतिदिन हिंसाका घटनामा बृद्धि हुदै गएका छन् । शुक्रबार भएका दुई छुट्टा छुट्टै घटनामा परी कम्तीमा २० जनाको मृत्यु भएको छ भने अरु ५० भन्दा बढी घाइते भएका छन् । बलुचिस्तान प्रान्तमा भएको चुनावी ¥यालीमा भएको बम आक्रमणमा परी कम्तीमा २० जनाको मृत्यु भएको अधिकारीहरूले बताएका छन् ।सो घटनामा मात्रै अन्य ४० जनाभन्दा बढी घाइते भएका छन् । यो एकैदिनमा भएको दोस्रो आक्रमण हो । शुक्रबार यस पहिले पाख्तुङखवा प्रान्तमा पनि आक्रमण भएको र उक्त आक्रमणमा कम्तीमा ११ जना घाइते भएका थिए । थप पढ्नुहोस्

औद्योगिक पार्कमा बिस्फोट : १९ जनाको मृत्यु, १२ जना घाइते

चीन । चीनको सिचुवान प्रान्तस्थित एक औद्योगिक पार्कमा बिस्फोट हुँदा कम्तीमा १९ जनाको मृत्यु भएको छ भने १२ जना घाइते भएका छन् । चीनको सरकारी समाचार एजेन्सी सिन्ह्वाले औद्योगिक क्षेत्रमा विस्फोट भएको बताएको छ । स्थानीयलाई उद्धृत गर्दै रोयटर्सले दिएको जानकारी अनुसार यिबिन हेङ्डा टेक्नोलोजीले चलाएको रासायनिक भट्टीमा बिस्फोट भएको हो । एक अधिकारीले भने यिबिन हेङ्डा खाद्य र दबाइ उद्योगहरुको लागि रसायन बनाउँछ। सन् २०१५ मा, उत्तरी-पूर्वी पोर्ट शहर टियांजिनको रासायनिक गोदाममा विस्फोटमा हुदा १७३ जना व्यक्तिको मृत्यु भएको थियो । थप पढ्नुहोस्

सानैमा विवाह गर्ने, छोराछोरी जन्माउने, अनि विदेश गएर फर्केपछि डिभोर्स !

सल्यान । बढ्दो बेरोजगारी र वैदेशिक रोजगारीका कारण सम्बन्धबिच्छेदका घटना बढेका छन् । जिल्ला अदालतका अनुसार एक वर्षका अवधिमा १०० भन्दा बढी सम्बन्धबिच्छेदका मुद्दा दर्ता भएका छन् । चालू आवमा सम्बन्धबिच्छेदका १०१ र अंशसहित सम्बन्धबिच्छेदका ३२ गरी १३३ मुद्दा परेको जिल्ला न्यायाधीश मदनबहादुर धामीले बिहीबार आयोजित पत्रकार सम्मेलनमा जानकारी दिए । धामीका अनुसार १४ देखि १९ वर्ष उमेर समूहका किशोरीले सबैभन्दा बढी सम्बन्धबिच्छेदको निवेदन दिने गरेका छन् । थप पढ्नुहोस्
1 2 3 34