जंगली च्याउ खाँदा शेर्पाको मृत्यु

ओखलढुंगा । मोलुङ गाउँपालिका ७ मा जंगली च्याउ खाँदा एक महिलाको ज्यान गएको छ । जंगली च्याउ खाएर मोलुङ ७, पात्लेकी ३८ वर्षीया निम्टी शेर्पाको ज्यान गएको हो । वडा अध्यक्ष हेम सुनुवारका अनुसार जंगलबाट ल्याएको च्याउ खाएर विहीबार साँझ सुतेकी शेर्पाको सुतेकै ठाउँमा ज्यान गएको हो । घटनापछि प्रहरी टोली खटाएर पोष्ट मार्टमका लागि मृतकको शव जिल्ला अस्पताल रुम्जाटार लगिएको जिल्ला प्रहरी कार्यालय ओखलढुंगाका प्रहरी निरीक्षक निरञ्जन भट्टराइले बताए । थप पढ्नुहोस्

पुराना पत्रकार एवं साहित्यकार खनालको निधन

झापा । पुराना पत्रकार एवं साहित्यकार गोपीकृष्ण खनालको दुर्घटनामा परी निधन भएको छ । नयाँ कामना साप्ताहिकका प्रधानसम्पादक एवं नेपाल पत्रकार संघका पूर्व अध्यक्ष खनाल ७१ वर्षको थिए । बिहीबार दिउँसो ३ः३० बजे सवारी दुर्घटनामा परेर गम्भीर घाइते भएपछि उनलाई उपचारका लागि बिर्तामोडको बीएण्डसी अस्पतालमा भर्ना गरिएको थियो । उपचारकै क्रममा गए राति खनालको निधन भएको उनका भतिजा भानुभक्त खनालले बताए । पूर्व–पश्चिम राजमार्गअन्तर्गत बिर्तामोड–२ रामचोकमा साइकलमा यात्रारत उनलाई मे१ज ६५८ नंको जीपले पछाडिबाट ठाक्कर दिएको थियो । थप पढ्नुहोस्

ओली सरकारले गर्यो जुम्लीमाथि दमन !

जुम्ला । अनसनरत डाक्टर गोविन्द केसीलाई सरकारी टोलीसँग काठमाडौ ल्याउन नदिएको भन्दै डाक्टर गोविन्द केसी समर्थक जुम्लीहरुमाथि प्रहरीले व्यापक दमन गरेको छ । झडपका क्रममा प्रहरीले अस्पतालमा पसेर अन्धाधुन्द लाठी प्रहार गरेको छ । त्यसक्रममा केसी समर्थक विद्यार्थीसँगै डाक्टर र विरामी कुरुवा गरि केसीका तीस चालिस जना समर्थकहरु घाइते भएका छन् । घाइते विद्यार्थीहरुको अस्पतालकै इमर्जेन्सीमा उपचार भइरहेको छ । आमरण अनसनरत डा.गोविन्द केसीलाई लिन डाक्टरहरुको टोलीसहित नेपाली सेनाको हेलिकोप्टर जुम्ला पुगेको थियो । थप पढ्नुहोस्

जीप नालीमा पल्टिदा १४ घाइते, ४ जनाको अवस्था गम्भीर

बागलुङ । बागलुङ बजारदेखि बुर्तिबाङका लागि छुटेको ध १ ज १४९ नंको जीप गलकोट नगरपालिका–११ रिघामा बुधबार साँझ दुर्घटना हुँदा १४ यात्रु घाइते भएका छन् । घाइतेमध्ये चारको अवस्था गम्भीर रहेको प्रहरीले जनाएको छ । मध्यपहाडी पुष्पलाल लोकमार्गको नालीमा पल्टिएर जीप दुर्घटनाग्रस्त भएको इलाका प्रहरी कार्यालय, हरिचौरका प्रहरी नायब निरीक्षक मनबहादुर विकले बताए । थप पढ्नुहोस्

विद्युत् सर्ट हुदा ६० लाखको क्षति

विराटनगर । विराटनगर महानगरपालिका–१२, पञ्चालीमा सञ्चालित गीतगजल रेष्टुराँमा बिहीबार बिहान आगलागी हुँदा करीब रु ६० लाख बराबरको सम्पत्ति जलेर खरानी भएको छ । विराटनगर वडा प्रहरी कार्यालयका अनुसार आज बिहान करीब ४ः१५ बजे भएको आगलागी विद्युत् सर्ट भएर भएको र सो क्षतिको प्रारम्भिक अनुमान प्रहरीले गरेको छ । स्थानीय नवीन घिमिरेको घर बहालमा लिई योग्य श्रेष्ठद्वारा सञ्चालित पञ्चाली गीतगजल रेष्टुराँमा लागेको आगोलाई दमकल, स्थानीय प्रहरी र सर्वसाधारण जनताको सहयोगमा नियन्त्रणमा लिइएको थियो । थप पढ्नुहोस्

पहिरोमा परेर १२ वटा बाख्रा पुरिए

दार्चुला । मार्मा गाउँपालिका–६ चेतकल्लीका अम्भु सितोलीका १२ वटा बाख्रा पहिरामा पुरिएका छन् । मंगलबार राति परेको वर्षापछि आज दिउँसो उक्त स्थानमा पहिरो खसेको थियो । सितोलीका चराउन लगिएका २८ वटा बाख्रामध्ये १२ वटा पहिराले पुरेको जिल्ला प्रहरी कार्यालय दार्चुलाले जनाएको छ । पहिरोले बाख्रा पुरिएपछि पीडित सितोलीले क्षतिपूर्तिका लागि गाउँपालिका कार्यालयमा निवेदन दिने बताएका छन् । थप पढ्नुहोस्

अबिरल बर्षापछिको पहिरामा परी चारको मृत्यु

पोखरा । गण्डकी प्रदेशअन्तर्गत गोरखा र पर्वत जिल्लामा अविरल वर्षाको कारण पहिरामा परी चार जनाको मृत्यु भएको छ । गोरखाको शहीद लखन गाउँपालिका–६ घैरुङ अँधेरीस्थित नवराज कुँवरको चार कोठे घरमा माथिबाट आएको पहिरो घरभित्र पस्दा कोठामा सुतेका तीन जनाको मृत्यु भएको प्रदेश प्रहरी कार्यालयले जनाएको छ । प्रहरीका अनुसार मृत्यु हुनेमा सोही ठाउँ बस्ने २० वर्षीया सरु कुँवर, मृतकको आठ महिने छोरो युनिक र बलबहादुर कुँवरको छोरी ११ वर्षीया प्रवीना रहेका छन् । त्यसैगरी, अविरल वर्षाका कारण पर्वतको जलजला गाउँपालिका–८ लस्ती बेरनेटामा पहिरोले घर पुरिँदा एक जनाको मृत्यु भएको छ । थप पढ्नुहोस्

धारापानीमा जीप दुर्घटना हुँदा ७ जनाको मृत्यु, ४ घाइते

काठमाडौं । रुकुम पूर्वको सिस्ने गाउँपालिका-५ धारापानीमा जीप दुर्घटना हुँदा ७ जनाको मृत्यु भएको छ । रुकमकोटबाट धौलापैरा जाँदै गरेको लु १ ज २५७३ नम्बरको जीप दुर्घटना हुँदा ४ जनाको घटनास्थलमा र ३ जनाको उपचारका क्रममा मृत्यु भएको जिल्ला प्रहरी कार्यालय रुकुमपूर्वका डीएसपी प्रविणलाल श्रेष्ठले बताए । दुर्घटनामा घाइते भएका ४ जनालाई हेलिकोप्टरमार्फत उपचारका लागि काठमाडौं ल्याइएको छ । थप पढ्नुहोस्

पहिरोले ४ घर पुरिदा एक जनाको ज्यान गयो, ४ को सकुशल उद्धार

पर्वत, २ साउन । पहिरोले पर्वतको जलजला गाउँपालिका –८, लस्तीका ४ घर पुरेको छ । घर पुरिदा एक जनाको ज्यान गएको छ भने अरु ४ जनाको सकुशल उद्धार गरिएको छ । मंगलबार राति वर्षासँगै आएको पहिरोले जलजला –८, लस्तीका बमबहादुर परियारको घरसहित ४ घर पुरेको हो । पहिरोमा परेकाको नेपाली सेना र प्रहरीले उद्धार गरेको हो । तर एक जनालाई मृत्त अवस्थामा फेला पारिएको प्रहरीले जनाएको छ । मृत्तकको पहिचान खुलेको छैन । पहिरोले गर्दा मालढुंगा–बेनी सडकखण्ड अवरुद्ध हुँदा गाडी चल्न सकेका छैनन । गाडी नचल्दा यात्रु भने अलपत्र परेका छन । थप पढ्नुहोस्

रक्सी खाएका बृद्ध मनिरामलाई खोलाले बगायो

फलेवास, पर्वत, २ साउन । पर्वतमा खोलाले बगाउँदा मंगलबार साँझ एकजनाको मृत्यु भएको छ । पर्वतको कुश्मा नगरपालिका–११ स्थित जहरे खोलाले बगाउँदा सोही ठाउँका ६० वर्षीय मनिराम विकको मृत्यु भएको हो । कुस्मा नगरपालिका वडा नं ११ र १४ को बीचमा पर्ने गंगटेमा साँझ ७ बजेको समयमा विकलाई खोलाले बगाएको हो । खेतमा काम सकेर घर फर्कँदै गर्दा खोला तर्न पसेका विकको शव १०० मिटर तल भेटिएको स्थानीयवासी सुरेन्द्र गौतमले जानकारी दिए । विकले मादकपदार्थ सेवन गरेर खोला तर्न पसेको पाइएको जिल्ला प्रहरी कार्यालय पर्वतले जनाएको छ । थप पढ्नुहोस्
1 2 3 19