समृद्ध मुलुक बनाउने अभियानमा सरकार : अध्यक्ष प्रचण्ड

काठमाडौं । कम्युनिष्ट पार्टी 'नेकपा' का अध्यक्ष पुष्पकमल दाहाल ‘प्रचण्ड’ ले पाँच वर्षभित्र समृद्ध नेपाल बनाउने अभियानलाई ध्यानमा राखेर सरकार अघि बढेको बताए । उनले भने, “हामीलाई चुनाव जित्नु र हार्नुभन्दा पनि देश र जनतालाई समृद्ध बनाउने लक्ष्यका साथ अघि बढेको पाँच वर्षभित्र जनताको समृद्धको सपना पूरा गर्ने छौं ।” प्रदेश नं २ अन्य प्रदेशभन्दा उत्कृष्ट र समृद्ध प्रदेश नभएसम्म मुलुक सम्बद्ध हुन नसक्ने जिकिर गर्नुहुँदै उनले प्रदेश नं २ अर्थात् मधेशमा सडक, खानेपानी, स्वास्थ्य, शिक्षालगायत सबै कुरा समेटेर विशेष ‘प्याकेज’ ल्याइएको स्पष्ट पारे । थप पढ्नुहोस्

भारतीय पूर्व प्रधानमन्त्री अटल बिहारीलाई धर्मपुत्रीले दिइन दागबत्ती

काठमाडौं । दिवंगित भारतीय पूर्वप्रधानमन्त्री अटल बिहारी वाजपेयी पञ्चतत्वमा विलीन भएका छन् । उनलाई यमुनाको किनारमा रहेको स्मृतिस्थलमा धर्मपुत्री नमिता भट्टाचार्यले दागबत्ती दिएकी हुन् । दिल्लीमा रहेको भारतीय जनता पार्टीको मुख्यालयबाट निस्किएको शवयात्रामा भारतीय प्रधानमन्त्री नरेन्द्र मोदी, बीजेपी अध्यक्ष अमित शाह, मन्त्रीहरु तथा कुटनीतिज्ञहरु सहभागी थिए । थप पढ्नुहोस्

भारतीय प्रधानमन्त्री केरलाको बाढी निरीक्षणमा

नयाँ दिल्ली । भारतका प्रधानमन्त्री नरेन्द्र मोदी शुक्रबार केरला राज्यमा आएको बाढीको अवस्था बुझ्न त्यसतर्फ जान भएका छन् । केरलाका मुख्यमन्त्री पिनारायी भिजायनसँग बाढीको अवस्थाको विषयमा टेलिफोन वार्ता भएको र आफू केरलातर्फ जाने प्रधानमन्त्री मोदीले बिहीबार गर्नु भएको ट्वीटमा जानकारी दिएका छन् । केरलाका १३ ओटा जिल्ला अझै पनि खतराको स्थितिमा रहेको अधिकारीहरुले जनाएका छन् । केरलाका केही जिल्लामा परेको अबिरल वर्षापछिको बाढी र पहिरोको कारण कम्तीमा ९४ जनाको मृत्यु भइसकेको छ । थप पढ्नुहोस्

बाढीका कारण दुई जलविद्युत् आयोजना बन्द !

म्याग्दी । बाढीले बाँधमा क्षति पु¥याएपछि म्याग्दी र मुस्ताङका दुई जलविद्युत् आयोजना बन्द भएका छन् । बाढीले असर पु¥याउँदा मुस्ताङको थासाङ गाउँपालिका–१ टुकुचेस्थित १३।६ मेगावाट क्षमताको थापाखोला जलविद्युत् आयोजना र म्याग्दीको अन्नपूर्ण गाउँपालिका–४ घरापस्थित दुई मेगावाट क्षमताको तातोपानी साना जलविद्युत आयोजना बन्द भएको हो । टुकुचे हिमालको फेदीमा रहेको थापाखोलाको बाँधमा बाढीले क्षति पु¥याएपछि मुस्ताङको थासाङ गाउँपालिका–१ टुकुचेस्थित थापाखोला जलविद्युत् आयोजना बन्द हुँदा मुस्ताङमा विद्युत् आपूर्ति प्रभावित बनेको प्रजिअ शिशिर पौडेलले बताए । थप पढ्नुहोस्

महाकाली नदीमा पानीको बहाव घट्यो, बाढीपीडित घर फिर्ता

कञ्चनपुर । कञ्चनपुरको महाकाली नगरपालिका–१० का जगबुढा नदीको बाढीका कारण विस्थापनमा परेका परिवार घर फर्केका छन् ।नगरपालिकाको शान्ति टोल, गिरी टोल, प्रतिभा टोल र गुरुङ टोलका स्थानिय बासिन्दा नदीमा पानीको बहाव घटेपछि घर फर्केका हुन् । बाढीको पानी टोलमा पस्दा ३० परिवारका १८४ जनाले घर छाडेर सुरक्षित स्थानमा गएका थिए । अपाङ्ग, गर्भवती, वृद्धवृद्धा र बालबालिकालाई स्थानीय विद्यालयमा राखिएको थियो । अन्य स्थानीय आफन्तका घरमा शरण लिन बाध्य भएका थिए । थप पढ्नुहोस्

बन्दकर्ताद्धारा गाडीमा आगजनी तथा तोडफोड

काठमाडौं । बन्दकर्ताले मकवानपुर र नुवाकोटमा गाडीमा आगजनी गरेका छन् । मकवानपुरमा रित्तो बस र नुवाकोटमा बालुवा बोकेका ट्रिपरमा आगजनी तथा तोडफोड भएको हो । मकवानपुरको थाहा नगरपालिका–११ देउरालीमा नम्बर प्लेट नराखेको पहेंलो रंगको बसमा बिहान ६ः४५ बजे आगजनी भएको प्रहरीले जनाएको छ । सो बस वीरगञ्जबाट काठमाडौंतर्फ जाँदै थियो । पहेंलो रंगको भएकाले सो बस कुनै स्कुल वा कलेजको हुनसक्ने अनुमान गरिएको छ । आगजनीबाट बस क्षतिग्रस्त भएको छ । मकवानपुरका बजार बिहानैदेखि बन्द छन् । यसैगरी नुवाकोटको शिवपुरी गाउँपालिका ८ काफल डाँडामा बा ४ ख ८५१६ नम्बरको मिनी ट्रकमा आगजनी भएको छ । थप पढ्नुहोस्

विपद्पछिको उद्धार भरपर्दो नहुँदा ठूलो जनधनको क्षति : विज्ञ

काठमाडौं । नेपाल बाह्रैमास कुनै न कुनै खालको प्राकृतिक विपदको उच्च जोखिममा रहेको भए पनि पूर्वतयारी तथा विपद्पछिको उद्धार कार्य भरपर्दो नहुँदा ठूलो जनधनको क्षति हुने गरेकोतर्फ राज्य र आम नागरिक सचेत बन्न नसकेको सम्बन्धित विज्ञले बताएका छन् । थप पढ्नुहोस्

भारतीय दुईजना नागरिक लागू औषधसहित पक्राउ

वीरगञ्ज । प्रहरीले वीरगञ्जबाट भारतीय दुई जनालाई लागू औषधसहित नियन्त्रणमा लिएको छ । पक्राउ पर्नेमा भारतको बिहार मोतिहारी जिल्ला ग्राम पञ्चायत भेलाही बस्ने ३० वर्षीय निराजनकुमार र गाडीमा सवार भारतकै रक्सौलका १९ वर्षे राजन गुप्ता रहेका छन् । वीरगञ्ज महानगरपालिका-१६ वीरगञ्ज भन्सार कार्यालय अगाडिको सडकबाट उनीहरुलाई नियन्त्रणमा लिइएको जिल्ला प्रहरी कार्यालय पर्साले जनाएको छ । थप पढ्नुहोस्

नेपाली कांग्रेसका सभापति देउवा स्याङजा जादै

काठमाडौं । पूर्व प्रधानमन्त्री तथा नेपाली कांग्रेसका सभापति शेर बहादुर देउवा आइतबार स्याङजा जाने बताइएको छ । शनिबार साझ पार्टीको गतिविधी बारे छलफल गरेर सुतेका नेपाली कांग्रेस स्याङ्जाका सभापति एवम् पूर्व सभासद कमल पंगेनीको हृदयाघातका कारण निधन भएपछि श्रद्धानजली दिन सभापति देउवा स्याङजा जान लागेको नेपाली कांग्रेसको केन्द्रिय पार्टी कार्यालयले जानकारी दिएको छ । आइतबार दिउँसो २ बजे केन्द्रिय नेताहरुको साथमा सभापति देउवा स्याङजा लागेको पार्टी कार्यालयले जनाएको छ । थप पढ्नुहोस्

ट्याक्सी नदीमा खस्दा दुई जना बेपत्ता

म्याग्दी । म्याग्दीको बेनीमा भर्खरै चलाउन सिक्दै गरेको ट्याक्सी नदीमा खस्दा दुई जना बेपत्ता भएका छन् ।बेनीस्थित जिल्ला प्रहरी कार्यालयको पछाडिको बहुद्देश्यीय खेल मैदानबाट ध १ ज २५१ नं को ट्याक्सी म्याग्दी नदीमा खस्दा जलजला गाउँपालिका बगरफाँटकी ३० वर्षीया शोभा अधिकारी खाती र उनका आठ वर्षीय छोरा सागर बेपत्ता भएको प्रहरीले जनाएको छ । अधिकारीले छोरालाई सँगै राखेर ट्याक्सी सिक्ने क्रममा खेल मैदानको डिलबाट नदीमा खसेर बेपत्ता भएको प्रहरी नायब उपरीक्षक वीरबहादुर बुढामगरले बताए । थप पढ्नुहोस्
1 2 3 14