fbpx

एसएसपीमा बढुवा असन्तुष्टि : एसपी उप्रेतीद्वारा राजीनामा



नेपालबहस संवाददाता
 




काठमाडौं । नेपाल प्रहरीको वरिष्ठ प्रहरी उपरीक्षक (एसएसपी)  बढुवाको विषयलाई लिएर प्रहरीभित्र असन्तुष्टि चुलिएको छ। शनिबार मात्रै सिफारिस भएको प्रहरी उपरीक्षक (एसपी ) बाट एसएसपीको बढुवामा असन्तुष्ट जनाउँदै एक एसपीले राजीनामा दिएका छन्। यसरी राजीनामा दिनेमा एसपी नरेन्द्र उप्रेती रहेका छन् । महानगरीय अपराध महाशाखामा कार्यरत एसपी उप्रेतीले आइतबार नै प्रहरी प्रधान कार्यालय पुगेर राजीनामा दिन लागेका हुन्।

गृह मन्त्रालयले शनिबार २६ डिएसपीलाई एसपीमा र १४ एसपीलाई एसएसपीमा बढुवा सिफारिस गरेको थियो। एसपीबाट एसएसपी बन्ने १४ जनामा नपरेपछि उप्रेतीले राजीनामा दिने निर्णय गरेका हुन्। उनले आफूभन्दै जुनियरको बढुवा हुँदा पनि आफू नपरेको भन्दै असन्तुष्टि जनाएका छन्। उप्रेतीभन्दा जुनियर बढुवामा पर्ने अधिकृतहरूमा दीपक थापा, टेकप्रसाद राई र भीम ढकाल हुन्। उप्रेतीले यसअघि सिन्धुली, बारा, रसुवा, उदयपुरलगायतका जिल्लाको नेतृत्व गरेका थिए। उनलाई प्रहरी संगठनभित्र व्यवसायिक क्षमता भएको प्रहरी अधिकृतका रूपमा लिइन्छ।


सम्बन्धित समाचार