भरतमोहन अधिकारीको निधनको शोकमा पार्टीको झण्डा आधा झुकाउने

काठमाडौं । नेपाल कम्युनिष्ट पार्टी ‘नेकपा’ ले आफ्ना नेता तथा पूर्व अर्थमन्त्री भरतमोहन अधिकारीको निधनको शोकमा पार्टीको झण्डा आधा झुकाउने भएको छ । प्रधानमन्त्री तथा नेकपाका अध्यक्ष केपी शर्मा ओलीले आइतबार बिहान बोलाएर बसेको सचिवालय बैठकले अधिकारीको निधनप्रति शोक प्रस्ताव पारित हो ।

सचिवालय बैठकले देशभरका सबै पार्टी कार्यालयहरुमा पार्टीको झण्डा आधा झुकाउने निर्णय समेत गरेको गरेको नेकपाका एक नेताले बताए । आजदेखि तीनदिनसम्म सबै तहका पार्टी कार्यालयमा शोक पुस्तिका राख्ने र फागुन २३ गते काठमाण्डौको भृकुटीमण्डपमा पार्टी केन्द्रको आयोजनामा श्रद्धाञ्जली सभा गर्ने निर्णय पनि बैठकले गरेको छ । नेता अधिकारीको ८२ वर्षको उमेरमा शनिबार राति ९ बजेर ३५ मिनेट जाँदा ह्याम्स अस्पताल काठमाडौंमा निधन भएको हो ।