६ कार्तिक २०७८, शनिबार
राजनीति

संघीय संसदको एक वर्ष पूरा, कार्यान्वयनसँग जोडिएका अधिकांश कानुन निर्माण

प्रकाशित मिति :  २१ फाल्गुन २०७५, मंगलवार १२:१५


काठमाडौं । पाँच वर्षको कार्यकाल निर्वाचित संघीय संसदले मंगलबारबाट एक वर्षे कार्यकाल पुरा गरेको छ । संसदको पहिलो अधिवेशन गत वर्ष फागून २१ मा शुरु भएको थियो । संघीय संसदले एक वर्षमा संविधान कार्यान्वयनसँग जोडिएका अधिकांश कानुन निर्माण गरेको छ ।

मौलिक हक कार्यान्वयन गर्ने १७ वटा र संविधानसँग बाझिएका १ सय ६१ वटा कानुन संशोधन भएको संसद सचिवालयले जानकारी दिएको छ । यसबाहेक संघ, प्रदेश र स्थानीय सरकारको साझा अधिकारसम्बन्धी कानुन बनाउने प्रक्रियासमेत शुरु भएको छ ।

पहिलो अधिवेशनमै संसदले राष्ट्रपति, उपराष्ट्रपतिसहित सभामुख, राष्ट्रियसभाको अध्यक्ष उपाध्यक्ष, उपसभामुख र राष्ट्रियसभाको उपाध्यक्ष निर्वाचित गरेको थियो ।

गत वर्ष मंसिरमा चुनाव भएपनि राष्ट्रियसभाको गठन हुन ढिलाई हुँदा अधिवेशन केही ढिलो गरी फागुन २१ गतेदेखि सुरु भएको थियो ।

संघीय संसदमा चारवटा मात्र राष्ट्रिय मान्यता प्राप्त राजनीति दल सहभागि छन् । सत्तारुढ नेकपा, प्रतिपक्ष नेपाली कांग्रेस, राष्ट्रिय जनता पार्टी र संघीय समाजवादी फोरम संसदमा राष्ट्रिय मान्यता प्राप्त दल भएका छन् ।

यो संसदमा सत्तारुढ नेकपासँग झण्डै दुई तिहाई मत रहेको छ, भने प्रतिपक्ष कांग्रेसको भने कमजोर उपस्थिती रहेको छ ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा