५ जेष्ठ २०७९, बिहीबार

विप्लवद्वारा विभिन्न जिल्ला बन्द आह्वान, जनजिवन प्रभावित

प्रकाशित मिति :  २३ फाल्गुन २०७५, बिहीबार ०९:११


काठमाडौं । नेत्रविक्रम चन्द नेतृत्वको नेपाल कम्युनिष्ट पार्टीले आह्वान गरेको बन्दका कारण दाङ, रोल्पा, प्यूठान, सल्यान र रूकुमको जनजिवन प्रभावित बनेको छ ।

नेकपा राप्ती ब्यूरोले आह्वान गरेको बन्दका कारण यातायातका साधन चल्न सकेका छैनन् भने शिक्षण संस्था कलकारखाना पनि बन्द रहेका छन् ।

आफ्नो पार्टीका नेता तथा कार्यकर्ता पक्राउको विरोध गर्दै नेकपाले राप्ती बन्दको घोषणा गरेको हो । फागुन २० गते नेकपा रोल्पाका जिल्ला सदस्यहरु टीकाराम परियार, लालबहादुर विक, नृतेन्द्र सेनलाई प्रहरीले पक्राउ गरहेको थियो ।

त्यस्तै, २२ गते दाङ जिल्ला पार्टी सचिवालय सदस्यहरु प्रदीप वली, ईश्वरी पाण्डे र पार्टी जिल्ला सदस्य रुद्र वलीलाई प्रहरीले नियन्त्रणमा लिएको थियो ।

पक्राउ गरिएका आफ्ना नेता तथा कार्यकर्तालाई बिना शर्त रिहाई नगरे थप संघर्षका कार्यक्रम अघि बढाउने चेतावनीसमेत नेकपाले दिएको छ ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा