छुटेका भूकम्प प्रभावितको पुनःसर्वेक्षण गरिने
इन्द्र रिजाल
चैत १, २०७५ शनिबार ४:१०:१
काठमाडौं । लाभग्राहीमा नपरेको भनी गुनासो दर्ता गराएका ३२ जिल्लाका भूकम्प पीडितको छुट तथा पुनःसर्वेक्षण यही चैत १५ देखि शुरु गरिने भएको छ ।
भूकम्प प्रभावित जिल्लाका स्थानीय तहमा तोकिएका इञ्जिनीयरमार्फत स्थलगत लगत सङ्कलन गर्न लागिएको राष्ट्रिय पुनःनिर्माण प्राधिकरणले जनाएको छ । निजी आवास पुनःनिर्माण लाभग्राहीमा सूचीकृत हुन पाउँ भनी गुनासो दर्ता गराइ पहिलेको मुख्य सर्वेक्षणमा छुट भएका, थप एकिन गर्नुपर्ने भनी तोकिएका गुनासोकर्ताका हकमा सर्वेक्षण हुने प्राधिकरणका प्रवक्ता पीताम्बर घिमिरेले जानकारी दिए ।
विसं २०७४ मा छुट तथा पुनःसर्वेक्षण लगत सङ्कलन नभएका गुनासोकर्ता र तोकिएको समयसीमाभित्र नयाँ दर्ता गरिएका गुनासोको पनि सर्वेक्षण गर्न लागिएको उनले बताए । प्राधिकरणका सहप्रवक्ता एवं सर्वेक्षणको समन्वय गरिरहनुभएका उपसचिव मनोहर घिमिरेले यही चैत १५ देखि सर्वेक्षण शुरु गर्ने गरी तयारी भइरहेको बताए । यसमा करीब ५५० इञ्जिनीयर परिचालन गरिएको छ ।
“कुनै वास्तविक पीडित नछुट्नु भनेर स्थानीय जनप्रतिनिधिको सिफारिस र अनुगमनमा सर्वेक्षण गर्ने व्यवस्था मिलाइएको छ”, उनले भने । प्राधिकरणले स्थानीय तहमा परिचालन गरेका इञ्जिनीयरमार्फत तोकिएको समयमा आ–आफ्नो लगत सङ्कलन गराउन गुनासोकर्तालाई अनुरोध गरेको छ । स्थानीय तहका पदाधिकारीलाई वास्तविक पीडितको यथार्थपरक लगत सङ्कलनमा सहयोग गरिदिन पनि प्राधिकरणले आग्रह गरेको छ ।
सर्वेक्षणका बारेमा थप जानकारी चाहिएमा सम्बन्धित जिल्लाका जिल्ला आयोजना कार्यान्वयन एकाइमार्फत सम्पर्क गर्न वा प्राधिकरणको पैसा नलाग्ने टेलिफोन नम्बर (टोल फ्रि) १६६०–०१–७२००० र ९८०१५–७२१११ मा फोन गर्न आह्वान गरिएको छ । तोकिएका इञ्जिनीयर एवं जिल्ला सहयोग इञ्जिनीयरका लागि ‘प्रशिक्षक प्रशिक्षण’ कार्यक्रम सम्पन्न भएको छ ।
प्रशिक्षित इञ्जिनीयरले आ–आफ्ना जिल्लामा गएर सर्वेक्षणमा खटिने इञ्जिनीयरलाई तालीम दिनेछन् । विसं २०७६ वैशाख मसान्तसम्ममा सर्वेक्षण सक्ने प्राधिकरणको लक्ष्य छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपभेरी करिडोरमा तीनवटा पक्की पुल निर्माण हुने
बैशाख १३, २०८१ बिहिबार
रौनियारसहित २९ ठेकेदारका निमार्ण कम्पनी कालोसूचीमा
बैशाख ११, २०८१ मंगलबार
पेट्रोलियम पदार्थ उत्खननको प्रगतिबारे मन्त्री भण्डारीलाई जानकारी
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
त्रिवि भूगोल केन्द्रीय विभागमा माटो परीक्षण तालिममा २० जना सहभागी
बैशाख १३, २०८१ बिहिबार
जाभी हर्नानडेज बार्सिलोनाको प्रशिक्षकमा रहिरहने
बैशाख १३, २०८१ बिहिबार
राष्ट्रपतिद्वारा हिमालयन हाइड्रो एक्स्पोको उद्घाटन [ फोटोफिचर ]
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
कर्णालीका हिमाली जिल्लामा देखिन थाल्यो औलो रोग
बैशाख १३, २०८१ बिहिबार
अभिताभ बच्चनलाई लता दीनानाथ मंगेशकर अवार्ड
बैशाख १३, २०८१ बिहिबार