केपी ब्राण्डको मिनरल वाटर र बगाले बेकरीमा शिलबन्दी
इन्द्र रिजाल
चैत ७, २०७५ शुक्रबार ०:४६:४५
प्रकाश डोटेल
स्याङ्जा । जिल्ला प्रशासन कार्यालय स्याङ्जा र खाद्य प्रबिधि गुण नियन्त्रण कार्यालय पोखराको संयुक्त टोलीले वालिङ नगरपालिकाका क्षेत्रका उद्योगमा छड्के अनुगमन गरेको छ । छड्के टोलीले वालिङ् नगरपालिका ८ स्थित खनाल प्रशोधित पिउने पानी उद्योग र बगाले वेकरी उद्योगलाई शिलबन्दी गरेको छ भने सिद्धबाबा चाउमिन उद्योगलाई सचेत गराइएको छ ।
बजारमा उपलब्ध गराउने केपी ब्राण्डको मिनरल र जारमा भनिएझैं प्रशोधित पिउनेपानी मापदण्ड सम्बन्धी निर्देशिका २०७४ मा उल्लेख अधिकांश बुँदाहरु पालना नगरेको, अनुमतिपत्र नविकरण, आवश्यक अनुरुप सरसफाई नगरेको, जार, बोतल सफा गर्ने र बिर्को लगाउने मेशिन नभएको, प्रयोगशाला, गुणस्तरीय उत्पादन सम्बन्धी म्यानुअल नभएको भन्दै अनुगमन टोलीले शिलबन्दी गरेको प्रशासकिय अधिकृत सुरेशराज ढकालले जानकारी दिए ।
“खानेपानी जस्तो सम्बेदनशिल वस्तुका विषयमा संचालकले लापरबाही गरेको भेटियो, सिल गर्न बँध्य बनौं ।” अधिकृत ढकालले भने, “उद्योगले पुरा गर्नुपर्ने मापदण्ड मध्ये कुनै पनि पूर्वाधार बनाएको भेटिएन त्यसैले सिलबन्दी गरेको हौं ।” उद्योगले सर्वसाधारणको स्वास्थ्यमा गम्भिर खेलवाड गरेको अधिकृत ढकालले बताए ।
आफ्नो पानी उद्योगमा सिलबन्दी गरेपछि पानी प्रशोधन प्लान्ट खरिदको प्रक्रिया अगाडी बढाएको बताउ“दै उद्योग संचालक खेमप्रसाद खनालले अनुगमन टोलीले सचेतको मौका समेत नदिएर सिलबन्दी गरेको बताए । सिलबन्दी गर्नुपूर्व सचेत गराई दिएको भए तोकिएको समयमा उद्योगको स्तरउन्नती गर्ने थिए, उनले भने ।
खनाल प्रशोधित पिउने पानी उद्योगले केपी पानीको बोतलमा प्रशोधित नभएको पानी प्रयोग गरेको स्थानीयले यसअघि पनि आरोप लगाएका थिए । कम्पनीले नाला, वर्षातमा खेतबारी प्रयोग भएको पानी समेत प्रयोग गरेर बजारमा बिक्री वितरण गरेको स्थानीयको दाबी थियो ।
त्यसैगरी, टोलीले बगाले वेकरी उद्योगमा म्याद गुज्रेका सामाग्री फेला परेको, कच्चा पदार्थ लगायत पेय पदार्थ (फेन्टा, कोकाकोला, घिउ लगायत ) ३ बोरा नष्ट गरेर सिलबन्द गरिएको प्रशासनले जनाएको छ । अधिकृत ढकालले अनुसार जबसम्म मापदण्ड पुरा हुँदैनन्, तबसम्म उद्योग खोलिने छैन । अनुगमन गरिएका अन्य उद्योगको स्तरपनि सन्तोषजनक नरहेको ढकालले जानकारी दिए ।
सिद्धबाबा चाउमिन उद्योगलाई सरसफाईमा ध्यान दिई उत्पादन र समय सकिने म्याद राख्न अनुगमन टोलीले निर्देशन दिइएको छ । यसअघि पनि सोहि टोलीले स्याङ्जा सदरमुकामस्थित यूकी मिनरल वाटर कम्पनी (पानी उद्योग) मा सिलबन्दी गरेको थियो । सिलबन्दी उक्त उद्योग संचालनको प्रक्रियामा छ ।
उद्योग अनुगमनमा खाद्य प्रबिधि गुण नियन्त्रण कार्यालय पोखराका प्रमुख प्रशान्त पोखरेल, वालिङ उद्योग वाणिज्य संघका प्रतिनिधी, घरेलु तथा उपभोक्ता समितिका प्रतिनिधी लगायतको सहभागिता रहेको थियो । बजारमा लापरबाही भएको जानकारी पाए तत्काल छड्के चेक गरिने टोलीले बताएको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपबजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
त्रिवि भूगोल केन्द्रीय विभागमा माटो परीक्षण तालिममा २० जना सहभागी
बैशाख १३, २०८१ बिहिबार
जाभी हर्नानडेज बार्सिलोनाको प्रशिक्षकमा रहिरहने
बैशाख १३, २०८१ बिहिबार
राष्ट्रपतिद्वारा हिमालयन हाइड्रो एक्स्पोको उद्घाटन [ फोटोफिचर ]
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
कर्णालीका हिमाली जिल्लामा देखिन थाल्यो औलो रोग
बैशाख १३, २०८१ बिहिबार
अभिताभ बच्चनलाई लता दीनानाथ मंगेशकर अवार्ड
बैशाख १३, २०८१ बिहिबार