वरिष्ठ पत्रकार कुसुम भन्नुहुन्छ, ‘भविश्यको पुर्वाभास खै’ ?

काठमाडौं । पछिल्लो समय मानिसहरुलाई मनभित्रका भावना, रमाइला पल अनि दुख सुख साट्ने माध्यम बनेको छ, सामाजिक सञ्जाल फेसबुक !!!!!

फेसबुकमा कतिपयले रमाइला कुरा लेखेर पोष्ट गर्छन् । कतिपयले आफुले गरेका दैनिक गतिविधी भित्रका कुरा पोष्ट गर्छन् । सहज अर्थमा भन्ने हो भन्ने सामाजिक सञ्जाल नै सुचना छिटो र छरितो माध्यमका रुपमा धेरै जसोले प्रयोग गरेका छन् ।

अहिले नेपालका अधिकांश मानिसहरु कुनै कुनै तवरले समय निकालेर दिनमा एक फेर सामाजिक सञ्जालमा जोडिएका हुन्छन् । यो  त भयो फेसबुकको कुरा, यतिबेला नेपालबहसको डेसमा यो कुरा लेखिरहदा वरिष्ठ पत्रकार कुसुम कुसुमले आफ्नो सामाजिक सञ्जालमा  आफ्ना विचारहरु बारम्बार पोष्ट गर्नुभएको छ । वरिष्ठ पत्रकार कुसुमले ‘भविश्यको पुर्वाभास खै’ शिर्षक लेखेको विचार हामी जस्ताको तेस्तै यहाँ राखेका छौ ।

उहाँले यसरी अघि लेख्नु हुन्छ,,,,

संसार परिवर्तनशील छ । भविश्यमा हुनसक्ने परिवर्तनको पुर्वाभास गर्न सकिएन भने मानिस सफल नहुँदोरहेछ । हामी निम्न मध्यमबर्गीय मानिसहरुको एउटा बिडम्बना हामी बर्तमानलाई चुम्न सक्दैनौं । उदाहरणका लागि बर्तमान आइफोनको हो, तर आइफोन किन्ने पैसा हुँदैन । जुन दिन आइफोन किन्नसक्ने हैसियत बन्नेछ, त्यो भूत भइसक्नेछ । किनकी, बर्तमानमा चाहिँ आइफोनभन्दा उन्नत अर्को कुनै प्रविधि आइसक्नेछ, जसमा पहुँच हुनेछैन ।

एउटा रमाइलो प्रसँग छ । एकताका पेजरको जमाना थियो । मानिसहरु कम्मरमा पेजर बाँधेर हिँडथे । पेजरको फेसन चलुन्जेल ममा पेजर किन्ने हैसियत भएन, एकदिन कसो कसो पेजर किनेर कम्मरमा के बाँधेको थिएँ, मोबाइल फोनको जमाना आइहाल्यो, पेजर कम्पनी बन्द भए ।