३ कार्तिक २०७८, बुधबार
पूर्वाधार/विकास

यसबर्ष ९० वटा पुल,अर्कोबर्ष झण्डै ३ सय पुल : रघुवीर महासेठ

प्रकाशित मिति :  १२ चैत्र २०७५, मंगलवार १९:१२


काठमाडौं । राष्ट्रिय गौरवका आयोजनाहरुको काम अलपत्र परेकाले तत्काल काम थाल्न सम्वन्धित मन्त्रालयलाई संसदको विकास समितिले निर्देशन दिएको छ ।

मंगलबार बसेको बैठकले यस्तो निर्देशन दिएको हो । अर्थ र भौतिक योजना मन्त्रालयलाई समन्वय गरी रोकिएका आयोजनाहरु अगाडि बढाउन निर्देशन दिएको हो ।

समितिका सदस्यहरुले सरोकारवाला मन्त्रालयबीच समन्वयको अभाव, विजुलीका पोल,जग्गाको मुआब्जा,रकम भुक्तानीलगायतका समस्याका कारण समयमै काम सम्पन्न हुन कठिनाई भइरहेको भन्दै ध्यानाकर्षण गरेका थिए ।

रणनीतिक महत्वका सडक र पुलहरुको निर्माण पनि समयमै रकम भुक्तानी नभएकै कारण अलपत्र परेको सांसदहरुले बताएका छन् । सरकारको विकासशैलीप्रति जनता सन्तुष्ट नभएकोले संघ, प्रदेश र स्थानीय तीनै तहलाई परिचालन गर्दै अधुरा आयोजनाहरुलाई पुरा गर्न सांसदहरुको जोड छ ।

बैठकमा भौतिक योजना तथा पूर्वाधारमन्त्री रघुवीर महासेठले मन्त्रालयले सडक निर्माणलाई तिव्रता दिएको बताउँदै आगामी आर्थिक वर्षसम्म अधिकांश सडक निर्माणको काम सम्पन्न भइसक्ने दावी गरे । उनले यसबर्ष ९० वटा पुल बनिसकेको र अर्कोबर्ष झण्डै ३ सय पुल बन्ने जानकारी दिए ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा








चीनबाट रासायनिक मल आउन सुरु
नेपालबहस संवाददाता