१३ असार २०७९, सोमबार

निर्मला हत्या प्रकरण : अछामबाट शंकास्पद दुईजना पक्राउ

प्रकाशित मिति :  १५ चैत्र २०७५, शुक्रबार ०७:४५


अछाम । कञ्चनपुरकी १३ वर्षीया निर्मला पन्तको बलात्कार तथा हत्या प्रकरणमा विभिन्न पाटोबाट अनुसन्धान जारी राखेको नेपाल प्रहरीले अछामबाट शंकास्पद दुई जनालाई पक्राउ गरेको छ ।

पक्राउ परेका व्यक्तिबारे प्रहरीले केही खुलाएको छैन । कञ्चनपुरमै रहेर अनुसन्धान गरिरहेको प्रहरीको केन्द्रीय अनुसन्धान ब्युरो ‘सीआईबी’को टोलीले निर्मला हत्या प्रकरणमा संलग्न रहेको आशंकामा अछामबाट दुई जनालाई पक्राउ गरेको प्रहरी उच्च स्रोतले बताएको छ । तर कसलाई पक्राउ गरेको हो रती व्यक्ति को हुन् भन्नेबारे प्रहरीले केही खुलाएको छैन ।

पक्राउ गरेलगत्तै उनीहरुसँग ब्युरोले बयानसमेत लिइसकेको छ । बयानकै क्रममा शंका उब्जिएपछि उनीहरुलाई डीएनए जाँचका लागि र अन्य थप अनुसन्धानका लागि भन्दै राजधानी ल्याउन लागिएको हो ।

पक्राउ परेका दुवैजना निर्मलाको हत्या भएको दिन कञ्चनपुरमै रहेको र घटनालगत्तै उनीहरु अछाम गएको बताइएको छ । राजधानी दैनिकबाट


13
Shares
इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा


फिल्म ‘दोख’को ट्रेलर रिलिज
नेपालबहस संवाददाता