११ मंसिर २०७८, शनिबार

स्मार्ट सिटी र नयाँ शहरको एकीकृत मापदण्ड बनाउन सरकारलाई निर्देशन

प्रकाशित मिति :  १७ चैत्र २०७५, आईतवार २२:२५


काठमाडौं । प्रतिनिधिसभा अन्तर्गतको विकास तथा प्रविधि समितिले स्मार्ट सिटी र नयाँ शहरहरुको एकीकृत मापदण्ड बनाइ काम अघि बढाउन सरकारलाई निर्देशन दिएको छ ।

सिंहदरबारमा आइतबार बसेको समिति बैठकले हिमाल पहाड र तराईमा निर्माण हुने स्मार्ट सिटि र नयाँ शहरहरुको एकीकृत मापदण्ड बनाइ शहरी बिकास मन्त्रालयले तयार पारेको सुचकांकहरु समेत समावेश गरि काम अघि बढाउन शहरी बिकास मन्त्रालयलाई निर्देशन दिएको हो ।

बैठकले हाल अध्ययन भई काम सुरु भइरहेका नया शहर र स्मार्ट सिटीहरुको काम प्राथमिकताका आधारमा अघि बढाउन शहरी बिकास मन्त्रालयलाई निर्देशन पनि दिएको छ । त्यस्तै बैठकले बाहिरि चक्रपथ सडक आयोजनाको निर्माण स्म्बन्धमा छलफल गर्नुपर्ने भन्दै अर्थमन्त्रालय, शहरी बिकास मन्त्रालय र सरोकारवाला निकायहरुसंग छलफल गर्ने निर्णय पनि गरेको छ ।

बैठकमा शहरीबिकास मन्त्री मोहम्मद इश्तियाक राईले मन्त्रालयका कार्यक्षेत्रका कारण पनि समस्या देखिएको बताउनुभयो । उहाले अहिले नगरपालीकाहरुले नै शहरका अधिकांश काम गर्ने भएकाले मन्त्रालयले हस्तक्षेप गर्न नमिल्ने बताए । स्मार्ट सिटी निर्माणलाई सरकारले प्राथमिकतामा राखेको उनको भनाइ छ ।

त्यस्तै सांसदहरुले काठमाडौं उपत्यकामा नभइ ग्रामिण क्षेत्रलाई स्मार्ट सिटि बनाउनुपर्ने सुझाव दिए । सांसद प्रभु शाहले गुरुयोजनाका लागी डिपिआरमा करौडौ रुपैया खर्च गरेपनि कुनै उपलव्धी हुन नसकेको बताए । डिपिआर बनाउने काम नगरपालीकाका इन्जिनियरलाई जिम्मा दिनुपर्ने बताए । सांसद टोप बहादुर रायमाझीले काठमाडौ उपत्यकाको संरचनालाई नभत्काइ स्मार्टसिटी निर्माण गर्न नसकिने धारणा राखे ।

बैठकमा काठमाडौ् उपत्यका विकास प्राधिकरणका विकास आयुक्त भाइकाजी तिवारीले बाहिरी चक्रपथ विकास आयोजनाको डिपिआर नै संसोधन गर्नुपर्ने धारणा राखेका थिए ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
NCC-Remit-Ad-nepalbahas
छुटाउनुभयो कि?
ताजा