६ कार्तिक २०७८, शनिबार
नेपाल प्रहरी

प्रधानमन्त्री ओलीको निर्देशन : घाइतेहरुको उपचारमा कुनै कमी नहोस

प्रकाशित मिति :  १८ चैत्र २०७५, सोमबार ०७:१६


काठमाडौं । प्रधानमन्त्री केपी ओलीले बारा र पर्सामा भीषण आँधीहुरीले पुर्याएको जनधनको क्षतिप्रति दुःख व्यक्त गरेका छन् ।

आइतबार राती सामाजिक सञ्जाल ट्वीटरमार्फत प्रधानमन्त्री ओलीले दुःख व्यक्त गरेका हुन् । आइतबार साँझ आएको भीषण आँधीहुरीमा परेर बारा र पर्सामा अनुमानित ७० जनाको मृत्यु भएको छ भने ६ सयजना भन्दा बढी घाइते भएका छन् । यो संख्या बढ्ने अनुमान गरिएको छ ।

प्रधानमन्त्री ओलीले मृत्यवरण गर्नेहरुप्रति शोक व्यक्त गर्दै शोकाकुल परिवारमा समवेदना व्यक्त गरेका छन् । उनले उद्धारमा सुरक्षाकर्मीहरु परिचालन भैसकेको जनाउँदै सोमबार बिहानबाट उद्धारका लागि हेलिकोप्टरसमेत तयारी अवस्थामा राखिएको जनाएका छन् । उनले उद्धारमा गम्भीर हुन र घाइतेहरुको उपचारमा कुनै कमी हुन नदिन निर्देशन समेत दिएका छन् ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा