यस्ता पनि सामुदायिक विद्यालय : भर्नाको दबाब थेग्न नसकेर ‘मोबाइल अफ’ !
इन्द्र रिजाल
चैत २९, २०७५ शुक्रबार १२:१९:३६
विराटनगर । नयाँ शैक्षिक सत्रको सुरुवातसँगै यतिखेर अधिकाँस सामुदायिक विद्यालय विद्यार्थी खोज्दै ‘घरदैलो’ अभियानमा छन् तर विराटनगरको एक सामुदायिक विद्यालयका शिक्षक भने नयाँ विद्यार्थी भर्नाको दबाब थेग्न नसकेर मोबाइल बन्द गरेर बसेका छन् ।
यहाँको पोखरीया उच्च माविले नयाँ विद्यार्थी भर्नाका लागि लिइने प्रवेश परीक्षामा विद्यालयको कोटाभन्दा पाँच गुणा बढीले आवेदन फारम भरेपछि प्रवेश परीक्षा अगावै सबै शिक्षक ‘मोबाइल अफ’ गरेर बसेका हुन् ।
विद्यार्थी भर्नाका लागि उच्च तहका कर्मचारी मात्र होइन, उपल्लो तहका राजनीतिक नेताको समेत दबाब आउन थालेपछि प्रवेश परीक्षाअघि सबै शिक्षक ‘मोबाइल अफ’ गरेर बस्नुपरेको विद्यालयका प्रधानाध्यापक खेम भट्टराईले जानकारी दिए ।
‘प्रवेश परीक्षा सुरु भएदेखि त्यसको नतिजा नआउञ्जेल हामी सबै शिक्षकको मोबाइल अफ हुन्छ,’ प्रधानाध्यापक भट्टराईले भने। उपल्लो तहको दबाब कम गर्न विद्यालयले प्रवेश परीक्षाको प्रवेश पत्र समेत परीक्षा सुरु हुनुभन्दा एक घण्टा अगाडि मात्र वितरण गरेको थियो ।
विद्यालयले कुल ४०३ जना नयाँ विद्यार्थी भर्नाका लागि लिइने प्रवेश परीक्षामा दुई हजार ७७ विद्यार्थीले फारम भरेका थिए । भर्नाका लागि फारम भरेकामध्ये कक्षा ६ देखि ९ सम्मको प्रवेश परीक्षा बुधबार सम्पन्न भएको छ भने कक्षा ३ देखि ५ सम्मको र प्राविधिक धारतर्फको प्रवेश परीक्षा बिहीबार सकिएको छ ।
नेपाली माध्यममा पठनपाठन हुँदै आएको त्यस विद्यालयमा विद्यार्थी सङ्ख्या न्यून हुँदै आएपछि शैक्षिक गुणस्तर सुधार गर्ने भन्दै २०७० सालबाट अङ्ग्रेजी माध्यमबाट पनि पठनपाठन सुरु गरिएको हो । अङ्ग्रेजी माध्यमको पठनपाठानसँगै विद्यालयमा विद्यार्थीको चाप बढ्दै गएको विद्यालयका शिक्षक महेश गौतम बताउछन् ।
सुरुमा कक्षा ६ र ७ मा अङ्ग्रेजी माध्यमबाट पठनपाठन सुरु गरेको त्यस विद्यालयले अहिले कक्षा १ देखि १० सम्म नै अङ्ग्रेजी माध्यममा पठनपाठन गर्दछ । “पठनपाठन अङ्गे्रजी माध्यम र एसईईको नतिजा पनि राम्रो भएपछि निजी विद्यालय छाडेर आउने विद्यार्थीको चाप थेगिनसक्नु भएको छ,” शिक्षक गौतमले भने ।
विद्यालयले कक्षा ९ देखि १२ सम्म कम्प्युटर इन्जिनियरिङको अतिरिक्त कक्षा ११ र १२ मा व्यवस्थापन र शिक्षा विषयको कार्यक्रम सञ्चालन गर्दै आएको छ । यस वर्ष ११ र १२ मा विज्ञान विषयको पनि पठनपाठन सञ्चालन गर्ने तयारी भइरहेको विद्यालयले जनाएको छ ।
हाल एक हजार ७९५ जना विद्यार्थी अध्ययनरत त्यस विद्यालयमा यस वर्ष ३१२ जना विद्यार्थी एसईई परीक्षामा सहभागी भएका थिए । पोखरीयासँगै विरानटनगर महानगरपालिकाभित्रका आदर्श, सत्य नारायण, गोग्राह, जनपथ, सरस्वती, राधाकृष्ण भूपालमान सिंह उच्च मावि लगायत आधारभूत तह र प्रावि तहका झण्डै तीन दर्जन विद्यालयले अङ्गे्रजी माध्यममा पठनपाठन सुरु गरेका छन् ।
विराटनगर महानगरपालिका शिक्षा महाशाखा प्रमुख रुद्र दुलालका अनुसार अङ्ग्रेजी माध्यममा कक्षा सञ्चालन भएका अधिकांश विद्यालयमा विद्यार्थीको चाप पनि बढ्दै गएको छ ।
विराटनगरस्थित आदर्श र सत्यनारायण उच्च माविले पनि केही दिनअघि नयाँ विद्यार्थी भर्नाका लागि प्रवेश परीक्षा लिइसकेका छन् ।
आदर्श उच्च माविको प्रवेश परीक्षामा ३२६ जना विद्यार्थी भर्नाका लागि एक हजार ८५ जना सहभागी भएका थिए । हाल उक्त विद्यालयमा प्राविधिक, कक्षा ११ र १२ समेत गरेर दुई हजार २०० विद्यार्थी अध्ययनरत रहेको विद्यालयका प्रधानाध्यापक तुलसी दुलालले जानकारी दिए ।
आदर्श उच्च माविले कक्षा ११ र १२ तर्फ विज्ञान, शिक्षा र व्यवस्थापन विषयको पठनपाठन गराउँदै आएको छ । यस वर्ष उक्त विद्यालयबाट २०२ जना विद्यार्थी एसईई परीक्षामा सहभागी भएका थिए ।
यहाँका कतिपय सामुदायिक विद्यालयले अङ्ग्रेजी माध्यममा पठनपाठन सुरु गरेपछि साना लगानीका निजी विद्यालय भने सङ्कटमा पर्दैै जाने निजी विद्यालयका सञ्चालनक बताउँछन् । गाेरखापत्र
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
चीनिया आइफोनमा व्हाट्सएप र थ्रेड्स प्रतिबन्ध
बैशाख ८, २०८१ शनिबार
भारतले बेच्यो फिलिपिन्सलाइ सुपरसोनिक क्रुज मिसाइल
बैशाख ८, २०८१ शनिबार
आइपिएलमा आज दिल्ली र सनराइजर्स खेल्दै
बैशाख ८, २०८१ शनिबार
संस्कृति संरक्षण गर्न दलित समुदायलाई नौमती बाजा
बैशाख ८, २०८१ शनिबार
एसीसी प्रिमियर कप : तेस्रो स्थानको लागि आज नेपाल र हङकङ भिड्दै
बैशाख ८, २०८१ शनिबार
एमालेको प्रतिनिधि परिषद् बैठक आजदेखि, २ हजार ४५४ जना सहभागी हुदै
बैशाख ८, २०८१ शनिबार