११ मंसिर २०७८, शनिबार

आइजिपी खनाल भन्छन्, ‘प्रहरी बढुवा र भर्नामा भेदभाव छैन’

प्रकाशित मिति :  २ बैशाख २०७६, सोमबार १४:३५


काठमाडौं । सशस्त्र प्रहरी महानिरीक्षक शैलेन्द्र खनालले सशस्त्र प्रहरी बढुवा र भर्नामा भेदभाव नगरेको बताएका छन् ।

सशस्त्र प्रहरी बल हल्चोकमा सोमबार आयोजित पत्रकार सम्मेलनमा खनालले प्रहरी नियमावलीमा रहेर कर्मचारीको भर्ना र बढुवा गरेका बताएका हुन् । प्रहरी भर्ना र बढुवामा अनियमितता समेत नभएको उनले बताए।

१ वर्षको अवधिमा विभिन्न दर्जामा सशस्त्र प्रहरीमा ३५ सय ६४ भर्ना भएका छन् । ३४ सय १ जना भर्ना प्रक्रियामा रहेका छन् । २९ हजार ३७ जनाको सरुवा र समायोजन भएको छ। ४ हजार ४ सय ३६जनाको बढुवा भएको छ। आचरण विपरित काम गर्ने ५ सय ४८ जना प्रहरी कारबाहीमा परेका छन् ।

साथै खनालले पक्राउ पुर्जीका विषयमा नेपाल प्रहरीसँग आफूहरुको विवाद नभएको समेत प्रष्ट पारे। सशस्त्र र नेपाल प्रहरीको मिलेमतोमा आम नागरिकलाई शान्ति सुरक्षा दिने भइरहेको उनले बताए। इतिहासमा नै यसरी दुई प्रहरी संगठन मिलेर काम नगरेको उनको भनाइ थियो ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
NCC-Remit-Ad-nepalbahas
छुटाउनुभयो कि?
ताजा