२२ मंसिर २०७८, बुधबार
समाज

आज देशका केही भागमा चट्याङसहित वर्षा र असिना पानीको संभावना !

प्रकाशित मिति :  ४ बैशाख २०७६, बुधबार ०८:२७


काठमाडौं । केही दिनदेखि देशैभरको मौसम बदली भैइरहेको छ । यसरी बदली भएको मौसमको उतारचढावले जनजीवनलाई असर पार्दै आएको छ । छिनमै वर्षा हुने, छिनमै हावाहुरी लाग्ने र छिनमै मेघ गर्जन हुने गर्दा मौसमले धोका दिँदै आएको छ ।

जल तथा मौसम पूर्वानुमान महाशाखाले बुधबार देशैभरि सामान्यदेखि पूर्ण बदली रही पश्चिमी क्षेत्रका अधिकांश क्षेत्रहरुमा तथा पूर्वी तथा मध्य क्षेत्रका केही स्थानहरुमा चट्याङ तथा हुरी बताससहित हल्कादेखि मध्यम वर्षा र असिना पानीको संभावना रहेको बताएको छ ।

त्यसैगरी देशको तराईका स्थानहरुमा हुरी बतासको सम्भावना रहेको महाशाखाले जनाएको छ । उच्च पहाडी तथा हिमाली भूभागहरुमा हिमपातको सम्भावाना रहेको छ ।

महाशाखाले राति पनि देशैभरि सामान्य बदली रही देशका पश्चिमी क्षेत्रका अधिकांश क्षेत्रहरुमा र पूर्वी तथा मध्य क्षेत्रका थोरै स्थानमा चट्याङ तथा हुरी बताससहित हल्कादेखि मध्यम वर्षा र असिना पानीको संभावना रहेको जनाएको छ ।

त्यस्तै तराईका स्थानहरुमा हुरी बतासको सम्भावना रहेको, उच्च पहाडी तथा हिमाली भूभागहरुमा हिमपातको सम्भावाना रहेको छ ।

बैशाख ५ गते ‘बिहीबार’

दिउँसोः देशै भरि आंशिकदेखि सामान्य बदली रहि पश्चिमी क्षेत्रका केहि क्षेत्रहरुमा तथा पूर्वी तथा मध्य क्षेत्रका एक वा दुई स्थानमा मेघ गर्जन सहित वर्षाको संभावना छ ।

राति: देशको पहाडी भेगमा आंशिक बदली रहि देशका पश्चिमी क्षेत्रका थोरै स्थानहरुमा र पूर्वी तथा मध्य क्षेत्रका एक वा दुई स्थानमा मेघ गर्जन सहित वर्षाको संभावना छ ।

बैशाख ६ गते ‘शुक्रबार’

दिउँसोः देशका पहाडि भूभागहरुमा आंशिक देखि सामान्य बदली र तराईका भूभागहरुमा आंशिक बदलि रहनेछ। पश्चिमी भुभागका केहि क्षेत्रहरुमा तथा पूर्वी तथा मध्य क्षेत्रका एक वा दुई स्थानमा मेघ गर्जन सहित वर्षाको संभावना छ ।

रातिः देशको पहाडी भेगमा आंशिक बदली र अन्य भूभागमा सामान्यतया सफा रहनेछ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
NCC-Remit-Ad-nepalbahas
छुटाउनुभयो कि?
ताजा