पोर्चुगलमा पर्यटक बस दुर्घटना : २८ जनाको मृत्यु

एजेन्सी । पोर्चुगलको मडिरा टापुमा एउटा पर्यटक बस दुर्घटनाग्रस्त २८ जना पर्यटकको मृत्यु भएको छ । मृत्यु हुनेमध्ये १७ जना महिला र ११ जना पुरुष छन्। दुर्घटनामा अन्य २८ जना घाइते भएका छन्।

जर्मन पर्यटकहरू सवार बस सडकबाट तल खसेको थियो। जर्मन पत्रिका बिल्डका अनुसार बसमा ५५ जना यात्रु सवार थिए र कनिसो नगर नजिक दुर्घटना भएको थियो।

पोर्चुगलका सञ्चारमाध्यमले घरहरू नजिकै बस पल्टिएको समाचारहरुमा उल्लेख गरेका छन् । स्थानीय समय अनुसार बुधबार साँझ साढे छ बजे एउटा चोकमा चालकले नियन्त्रण गुमाउँदा बस सडकबाट तल खसेको थियो।

दुर्घटनाबारे अनुसन्धान थालिएको अधिकारीहरूले बताएका छन्। रोयटर्स समाचार संस्थाका अनुसार पोर्चुगलका प्रधानमन्त्री एन्टोनियो कोस्टाले जर्मन चान्सलर एंगेला मर्केलले बस दुर्घटनामा दुख व्यक्त गरेका छन् ।