पत्रकार अर्जुन गिरी साधारण तारेखमा रिहा, बिधुतीय काराेबार ऐन खारेज हुने
इन्द्र रिजाल
बैशाख ५, २०७६ शुक्रबार ०:२५:१६
काठमाडौं । ठगीको समाचार लेखेकै कारण साइबर अपराधको आरोपमा पक्राउ परेका पोखराका पत्रकार अर्जुन गिरी साधारण तारेखमा रिहा भएका छन् । अधिवक्ता स्वागत नेपाल लगायतले बहस गरेपछि काठमाडौं जिल्ला अदालतका न्यायाधिश अम्बरराज पौडेलको एकल इजलासले पत्रकार गिरीलाई साधारण तारेखमा रिहा गर्न आदेश दिएको हो ।
गत सोमबार उनलाई पोखराबाट सीबीआईको टोलीले पक्राउ गरि काठमाडौं ल्याएको थियो । प्रेस काउन्सिलका एक कर्मचारीको लापरवाहीका कारण पत्रकार गिरीले चार दिनदेखि अनाहकमा दुख पाएका थिए । अदालतले साधारण तारेखमा रिहा गरेपछि सूचना तथा सञ्चार प्रविधि मन्त्री गोकुलप्रसाद बाँस्कोटालाई ज्ञापनपत्र बुझाएर जिल्ला अदालत काठमाडौं पुगेको पत्रकार महासंघको टोली एवं त्यहाँ उपस्थित अन्य पत्रकारहरुले गिरीलाई खादा र अबिरजात्रा गरि अदालत परिसरमै स्वागत गरेका थिए ।
महासंघका अध्यक्ष गोबिन्द आर्चाय,महासचिव रमेश विष्ट,प्रेस चौतारीका पूर्व अध्यक्ष गणेश बस्नेत , नेपालबहस डटकमका प्रधानसम्पादक इन्द्र रिजाल ,पत्रकार सुरज प्याकुरेल, रामप्रसाद दाहाल लगायत दर्जनौ पत्रकारहरुको उपस्थिति थियो ।
पत्रकार गिरीको रिहाईको माग गर्दै बिहीबार पत्रकार महासंघका जिल्ला शाखामार्फत देशभरका सबै जिल्ला प्रशासन कार्यालयमा १ घण्टा धर्ना दिइएको थियो । त्यस्तै नेपाल पत्रकार महासंघ केन्द्रीय समितिको प्रतिनिधिमण्डले बिहीबार नै सूचना तथा सञ्चार प्रविधि मन्त्रालय र गृह मन्त्रालयमा ज्ञापनपत्र बुझाएको छ ।
ज्ञापनपत्र बुझ्दै माननीय सूचना तथा सञ्चार प्रविधि मन्त्री गोकुलप्रसाद बाँस्कोटाले विद्युतीय कारोबार ऐन खारेज गर्ने र नयाँ बन्ने कानुनमा प्रेस स्वतन्त्रतालाई सुनिश्चित गर्ने प्रतिवद्धता व्यक्त गरेका छन् । मन्त्री बाँस्काेटाले महासंङले उठाएका मागहरू संबाेधन हुने बताउदै साना लगानीका स्वराेजगारमुलक संचारमाध्यामकाे समस्यालाई हाल व्यवहारिक रूपमा सहजिकरण गर्ने पछि ऐनमाफर्त संबाेधन हुने दावी गरे । पत्रकार गिरीकाे पक्राउकाे घटनाबाट अाफुलाई दुख लागेकाे बताउदै उनले प्रेस काउन्सिललाई सचेत गराउने बताए ।
विद्युतीय कारोबार ऐनको दफा ४७ र ४८ अन्तर्गत पत्रकारलाई पटकपटक पक्राउ गर्ने र मुद्दा लगाउने क्रम बढेपछि नेपाल पत्रकार महासंघले देशैभर आन्दोलनको घोषणा गरेको थियो ।
यसैबीच महासंघको आज बसेको केन्द्रीय समितिको बैठकले अब बन्ने कानुनलाई प्रेस स्वतन्त्रतामैत्री बनाउन दबाब अभियान जारी राख्ने निर्णय गरेको छ । बैठकले महासंघले घोषणा गरेको आन्दोलनमा ऐक्यवद्धता र सहभागिता जनाउने सञ्चारमाध्यम, पत्रकार र संघसंस्थालाई धन्यवाद व्यक्त गरेको छ ।
यो पनि:
नेपाल पत्रकार महासंघको गम्भीर ध्यानाकर्षण
कास्की महासंघको अगुवाइमा पत्रकार पक्राउ विरुद्ध धर्ना
नेपाल पत्रकार महासंघले देशभर आन्दोलन गर्ने, कारण यस्तो छ !
देशभरका पत्रकार जागे ,सरकारबिरुद्ध जिल्ला प्रशासन कार्यालयमा धर्ना
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपआईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
छोटै समयमा प्रदीप अधिकारीले देखाएको आर्थिक लिला, यो घर कसरी ठडियो डीजी साप ?
चैत १४, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परिक्षामा निरीक्षक बसेका १० जना निष्काशित
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार
परम्परागत होली पछ्याउँदै राना थारू समुदाय
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार