प्रभु बैंकको परियोजना धितोमा ५ करोडसम्म कर्जा
इन्द्र रिजाल
बैशाख ६, २०७६ शुक्रबार १९:२५:१०
काठमाडौं । प्रभु बैंकले सहुलियत कर्जा उपलब्ध गराउने भएको छ । बैंकले उद्यमीलाई परियोजना धितोको आधारमा सहुलियत कर्जा उपलब्ध गराउन लागेको हो ।
बैंकले सरकारले कार्यान्वयमा ल्याएको सहुलियतपूर्ण कर्जाका लागि ब्याज अनुदानसम्बन्धी व्यवस्था बमोजिम उक्त ऋण दिन लागेको बताएको छ । कर्जा योजनाअन्तर्गत व्यावसायिक कृषि, शिक्षित युवा बेरोजगार, वैदेशिक रोजगारीबाट फर्केका युवा, दलितका लागि कर्जा र उच्च र प्राविधिक शिक्षा अध्ययनका लागि कर्जा पाइनेछ ।
के–के छन् कर्जा सुविधा ?
बैंकले व्यावसायिक कृषि कर्जा योजनाअन्तर्गत ५ करोड रुपैयाँसम्म कर्जा प्रवाह गर्नेछ । योजनाअन्तर्गत १० लाख रुपैयाँभन्दा बढी ऋण लिन भने संस्था हुनुपर्ने र १ करोड रुपैयाँभन्दा बढीका लागि कम्पनी दर्ता भएको हुनुपर्ने शर्त बैंकले राखेको छ ।
बैंकले ल्याएको नीतिअनुसार शिक्षित युवा बेरोजगार कर्जाको लागि बैंकले उज्ज्वल कर्जा योजना ल्याएको छ । उक्त कर्जा लिनका लागि स्नातक उत्तीर्ण गरी ४० वर्ष ननाघेको हुनुपर्नेछ । बैंकले महिला उद्यमीका लागि उजेली कर्जा योजना ल्याएको छ ।
यो योजनामा ५ वर्षका लागि १५ लाख रुपैयाँसम्म विनाधितो ऋण पाइनेछ । यसैगरी वैदेशिक रोजगारीबाट फर्किएको ३ वर्ष नपुगेका पीआर तथा ग्रीन कार्ड नभएका युवाले विनाधितो १० लाख रुपैयाँसम्म ऋण पाउनेछन् ।
साथै, बैंकले दलित समुदायका लागि कर्मवीर कर्जा योजना ल्याएको छ । यो योजनामा पनि ५ वर्षसम्मका लागि १० लाख रुपैयाँसम्म ऋण पाइनेछ । यस्तै उच्च र प्राविधिक शिक्षा अध्ययनका लागि बैंकले ५ लाख रुपैयाँसम्म कर्जा दिने जनाएको छ ।
चेतना बचत खाता
यसैबीच, बैंकले ‘प्रभु चेतना बचत खाता’ सञ्चालनमा ल्याएको छ । नेपाल सरकारले सञ्चालन गरेको ‘खोलौँ बैंक खाता अभियान, २०७६’लाई सहयोग पुर्याउने उद्देश्यले बैंकले नयाँ खाता योजना सञ्चालन गरेको हो ।
प्रभु बैंकले सञ्चालनमा ल्याएको खातामा बैंकका तर्फबाट १ सय रुपैयाँ जम्मा गरिदिने व्यवस्था रहेको छ । खातामा जम्मा हुने रकममा वार्षिक ५ प्रतिशतका दरले ब्याज प्राप्त हुने बताइएको छ । योजनाअन्तर्गतका खातामा १ वर्षका लागि निःशुल्क भिसाकार्ड तथा एसएमएस सेवा शुल्कमा ५० प्रतिशत छुट उपलब्ध छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपनेपालका वित्तीय संस्थामा समस्या छैनः गभर्नर
चैत १४, २०८० बुधबार
अमेरिकी डलरसँगै युरोको भाउ बढ्यो, अन्यको कति ?
चैत १४, २०८० बुधबार
संयोजक नभेटिएपछि राष्ट्र बैंकले पुनः खुलायो आवेदन
चैत १३, २०८० मंगलबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार
बाँकेमा बालविवाह न्यूनीकरण चुनौतीपूर्ण
चैत १६, २०८० शुक्रबार
जुगल हिमाल आरोहणको अन्तिम तयारीमा
चैत १६, २०८० शुक्रबार