श्रीलंकामा श्रृङ्खलावद्ध बिस्फोट : मृत्यु हुनेको संख्या २०७ पुग्यो

एजेन्सी । हरुमा भएको श्रृङ्खलावद्ध बिस्फोटमा परी मृत्यु हुनेको संख्या २सय ७ पुगेको छ । भने ५०० भन्दा बढी घाइते भएका छन् ।

आइतबार ईसाई धर्मावलम्बीहरुले ‘इस्टर सन्डे’ पर्व मनाइरहेका बेला चर्च तथा होटलमा बिस्फोट भएको थियो । अन्तराष्ट्रिय समाचार संस्थाका अनुसार कोच्चादाईस्थित सेन्ट एन्थोनी, बाट्टीकोला र नेगोन्बा चर्चमा विस्फोट भएको छ ।

यस्तै कोलम्बोमा साङ्ग्री–ला स्टार, किङ्गबरी र सिनेमन ग्राण्ड होटलमा बिस्फोट भएको छ । सातौ विस्फोट चिडिया घर नजिकैको होटलमा भएको थियो ।

सरकारको कर्फ्यु लगाएको छ । त्यसपछि भएको आठौं बिस्फोटमा तीन प्रहरी पनि मारिएका छन् । प्रहरीले कोलम्बोस्थित एक घरमा खानतलासी लिइरहेका बेला विस्फोट भएको हो । दुई संदिग्धलाई पक्राउ गरिएको प्रहरीले जनाएको छ । सरकारले तत्कालका लागि मुख्य सामाजिक सञ्जालहरु प्रयोगमा रोक समेत लगाइएको छ ।

पहिलो विस्फोट चर्चमा

ईस्टर सन्डे इसाई क्यालेन्डरमा एक ठूलो पर्व हो र यो दिन चर्चमा भेला भएर प्रार्थना गर्ने गरिन्छ । सेन्ट एन्थोनी र अन्य चर्चामा प्रार्थनाका लागि मानिसहरु भेला भएका थिए ।

पहिलो विस्फोट कोलम्बोका कोच्चकेड जिल्लाको लोकप्रिय चर्च सेन्ट एन्थोनीमा भएको थियो । त्यहाँ ठूलो क्षति भएको छ । मानवीय क्षति पनि बढी भएको छ ।

नौ विदेशी पनि मारिए

विस्फोटमा विदेशी नागरिकहरु पनि परेका छन् । ९ विदेशी नागरिकको मृत्यु भएको श्रीलंका सरकारले पुष्टि गरेको छ । घाइतेहरुको संख्या भने यकिन भएको छैन ।

आत्मघाती आक्रमणकारीले विस्फोट

श्रीलंका सरकारले आइतबार भएको श्रृखलावद्ध विस्फोट आत्मघाती आक्रमणकारीले गराएको बताएको छ । यसको योजना विदेशमा बनेको सरकारको दाबी छ ।

रक्षामन्त्री आर विजयवर्धनले भने, ‘यो आत्मघाती आक्रमण हो र अहिलेसम्म ७ जना पक्राउ परेका छन् ।’ उनका अनुसार गुप्तचर एजेन्सीले आक्रमणबारे सर्तक गराएको थियो । तर, उनीहरुलाई रोक्नु अगाडि नै विस्फोट भएको भन्दै भने, आक्रमणको योजना विदेशमा बनेको हो ।’ मानिसहरुलाई भने अझै विस्फोटका घटना हुने हो कि भन्ने डर छ ।

विश्वभरका नेताले गरे निन्दा

घटनाको विश्वभरका नेताहरु निन्दा गरेका छन् । प्रधानमन्त्री केपी शर्मा ओलीले श्रीलंकाली समकक्षी रनिल विक्रमासिंगेलाई फोन गरेर घटनाको निन्दा गरेका छन् । साथै उनले आतंकवादको विरुद्धमा उभिने प्रतिवद्धता समेत जनाएका छन् ।

नेपाली कांग्रेसका सभापति शेरबहादुर देउवाले पनि श्रीलंका सरकार र त्यहाँका जनताप्रति सहानुभूति प्रकट गरेका छन् । उनले घटनामा परी निधन भएकाहरुप्रति श्रद्धाञ्जली प्रकट गरेका छन् ।