श्रीलङ्का आक्रमण : सरकारले सामाजिक सञ्जालमा किन प्रतिबन्ध !
इन्द्र रिजाल
बैशाख ११, २०७६ बुधबार १७:३१:५
एजेन्सी । श्रीलङ्कामा शृङ्खलाबद्ध विस्फोटनको केही समयपछि मिथ्या समाचार फैलिन थालेपछि सरकारले समाजिक सञ्जाललाई प्रतिबन्ध लगाउने कठोर निर्णय लिएको छ ।
ुमिथ्या समाचारलाई फैलनुबाट रोक्न फेसबुक, ह्वाट्सएप, इन्स्टाग्राम, युट्युब, स्न्यापच्याट र भाइबरमाथि प्रतिबन्ध लगाइएको अन्तराष्ट्रिय समाचार संस्थाले बताएका छन् । सरकारले भने प्रतिबन्ध कहिले हट्छ भन्ने बारे बताएको छैन ।
तर यो प्रतिबन्ध यस्तो समयमा आएको छ जुन समयमा सामाजिक सञ्जालहरू मिथ्या समाचार र मिथ्या समाचारको बाढी रोक्न असफल भइरहेका छन्।
आइतवारको आक्रमणमा तीन सयभन्दा धेरैको ज्यान गएपछि प्रधानमन्त्री रनिल विक्रमसिङ्घले नागरिकहरूलाई ‘अप्रमाणित समाचार र अनुमान’ नफैलाउन अनुरोध गरेका थिए।
त्यो आग्रहपछि सरकारले समाजिक सञ्जालमाथि पूर्ण प्रतिबन्ध लगायो। सरकारले प्रतिबन्ध अस्थायी भएपनि अनुसन्धान नसकिएसम्म रहने बताएको छ। ट्विटरमाथि भने प्रतिबन्ध लगाइएको छैन। विज्ञहरूका अनुसार ट्विटर अन्य समाजिक सञ्जालजति चर्चित छैन।
तर श्रीलङ्कामा सामाजिक सञ्जालमाथि प्रतिबन्ध लगाइएको यो पहिलो पटक भने होइन। एक वर्षअघि मुस्लिम समुदायमाथि हिंसा बढेको बेला फेसबुकमाथि केही समय प्रतिबन्ध लगाइएको थियो।
गएको नोभेम्बरमा फेसबुकले म्यान्मारमा हिंसा फैलाउन आफ्नो प्रयोग भएको बताएको अवस्थामा श्रीलङ्काली सरकारको यो कदम आश्चर्यजनक भने नहुन सक्छ। गत मार्च महिनामा पनि न्यूजिल्यान्डमा भएको मस्जिद आक्रमणको भिडिओ हटाउन फेसबुकलाई हम्मेहम्मे परेको थियो।
न्यूजिल्यान्डको आक्रमणको प्रत्यक्ष प्रसारण फेसबुकमा गरिएको थियो भने त्यो भिडिओ अनगिन्ती पटक सामाजिक सञ्जालमा राखिएको थियो जुन हटाउन फेसबुक, ट्विटर र युट्युबले रातदिन मेहनत गरे पनि पूर्ण सफल भएका थिएनन्।
कतिपयका लागि समाजिक सञ्जालहरूको अकर्मण्यताका हिसाबले प्रतिबन्ध टार्नै नसकिने अवस्था हो। इन्टरनेटमा मिथ्या समाचार र सूचनाको विषय भ्यान्कुभरमा भइरहेको टेड सम्मेलनको मूल विषय हो जसमा थुप्रै वक्ताहरूले मिथ्या समाचारका कारण घातक घटना भएको भन्दै इन्टरनेट भत्किएको भनेका छन्।
तर अन्य केहीले भने श्रीलङ्कामा जस्तो सरकारले हतारमा निर्णय लिँदा सूचनाको स्वतन्त्र प्रवाहमा असर पार्ने बताएका छन्। सामाजिक सञ्जालहरू मिथ्या सूचना रोक्न असमर्थ देखिएका छन् ।अध्ययनकर्ता योधान्जया विजेरत्नले बजफिडलाई यो जटिल समस्या भएको बताएका छन्।
सामाजिक सञ्जाल सरकारी सेन्सरशिपबीचमा सूचनाको प्रजातान्त्रिकीकरणमा महत्त्वपूर्ण शक्ति हो। तर यसको अर्थ यो राम्रो मात्रै भएका भने होइन। घृणायुक्त अभिव्यक्ति फैलिरहेका छन् र फेसबुक त्यसविरुद्ध नराम्ररी हारेको छ।
सामाजिक सञ्जालहरूले मिथ्या समाचार र सूचना फैलाउने प्रयोग हुने कुरामा दुईमत छैन तर ती कठिन परिस्थितिमा आफ्नो साथी र परिवारका सदस्यहरूको अवस्थाका बारेमा बुझ्ने महत्वपूर्ण सञ्चार सामग्री पनि हो।
फेसबुकले एक वक्तव्यमा भनेको छ, ‘मानिसहरू आफ्नो नजिकका मानिसहरूसँग सम्पर्कमा बस्न हाम्रो सेवा प्रयोग गर्छन् र हामी समुदाय र देशलाई यस्तो दुस्खद परिस्थितिमा सहयोग गर्न आफ्नो सेवा सञ्चालन गर्न प्रतिबद्ध छौँ।’
यूकेमा बसिरहेको एउटा परिवारले सामाजिक सञ्जालमा कुनै सम्पर्क नभएपछि श्रीलङ्कामा रहेका नातेदारहरूलाई फोनमा सम्पर्क गर्नुपरेको बताएको छ। केहीले भर्चुअल प्राइभेट नेटवर्क प्रयोग गरेर प्रतिबन्धलाई तोडिरहेका छन्।
तर संसारभरि इन्टरनेटमाथिको प्रतिबन्धको निगरानी गर्ने नेटब्लक्सले श्रीलङ्कामा टनेलबियर नामक भर्चुअल प्राइभेट नेटवर्कसमेत प्रतिबन्धित भएको छ।
मिथ्या सूचनाबारे अनुसन्धान गर्ने फर्स्ट ड्राफ्टका संस्थापक डा क्लेयर वार्डेलले भन्छिन्, ूयस्तो अवस्थामा किन सामाजिक सञ्जालमाथि प्रतिबन्ध लगाइन्छ भन्ने बुझिए पनि अन्य स्थानको अनुभवको आधारमा के भन्न सकिन्छ भने यस्तो प्रतिबन्धले चाहेजस्तो काम गर्दैन।
‘कुनै पनि सशक्त सञ्चारमाध्यम नभएको अवस्थामा प्रतिबन्धले उल्टो असर गर्नसक्छ। र सामाजिक सञ्जाल एकअर्कासँग सम्पर्क गर्नका लागि वरदान हो।’
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
डढेलोले पाइप जल्यो, खानेपानीको समस्या
बैशाख १३, २०८१ बिहिबार
सडकको लम्बाई बढाएर ३८ लाख भ्रष्टाचार गरेको आरोपमा शाहीसहित ९ जनाविरुद्ध मुद्दा दायर
बैशाख १३, २०८१ बिहिबार
सडकमा पल्टिएको जीप
बैशाख १३, २०८१ बिहिबार
रुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार