पार्टी एकतामा जुन भयो, त्यो सहमतिमा नै भएको छ : नेता नेपाल

काठमाडौं । नेपाल कम्युनिष्ट पार्टी नेकपाका वरिष्ठ नेता माधव कुमार नेपालले पार्टी एकता सहमतिमा नै भएको बताएका छन् ।

बुधवार मदन स्मृति वाटिका स्थापना दिवसको अवसरमा आयोजित कार्यक्रममा बोल्दै नेता नेपालले पार्टी एकतामा भएको काम सहमतिमै भएको बताएका हुन् ।

जिल्ला कमिटीको एकिकरणको क्रममा शीर्ष नेतृत्वबीच सहमति भएको बताउदैँ आफु त्यसमा सन्तुष्ट रहेको बताएका छन् । सबै पक्षलाई चित्त बुुझ्नेगरी गरिएको एकिकरणमा म पुर्णरुपमा सन्तुष्ट छु, नेता नेपालले भने।

जिल्ला अध्यक्ष र सचिवको नाम आफ्नो हातमा आउने वित्तिकै नेता नेपाल कार्यक्रम स्थलबाट बाहिरिएको समाचारको विषयमा बोल्दै उनले अड्कलबाजीको भरमा गरिएको टिप्पणी रहेको बताए ।