सङ्घीय संसद्को चौथो अधिवेशन शुरु, गिरिजा र सुशीललाई जस्तो गाह्रो ओलीलाई नभएको सांसदको टिप्पणी
इन्द्र रिजाल
बैशाख १६, २०७६ मंगलबार ०:३७:४८
काठमाडौं । सङ्घीय संसद् (प्रतिनिधिसभा र राष्ट्रियसभा) को चौथो अधिवेशन संसद् भवन नयाँ बानेश्वरमा आजदेखि शुरु भएको छ ।
राष्ट्रपति विद्यादेवी भण्डारीले आह्वान गरेअनुरुप सङ्घीय संसद्को बैठक अपराह्न ४ बजेदेखि शुरुभएको हो । वर्षे अधिवेशनका रुपमा रहेको यो अधिवेशनमा सरकारले आगामी आर्थिक वर्षको नीति तथा कार्यक्रम र बजेट पेश गर्ने छ ।
सभामुख कृष्णबहादुर महराले प्रतिनिधिसभाको आजको बैठक प्रारम्भ भएको घोषणा गर्दै राष्ट्रपति कार्यालयबाट अधिवेशन आह्वानसम्बन्धी प्राप्त पत्र पढेर सुनाए । त्यसपछि सभामुखले नयाँ वर्षको उपलक्ष्यमा शुभकामनासहित सम्पूर्ण सदस्यलाई स्वागत गरे । त्यसपछि बैठकमा मुलुकको राजनीतिक परिवर्तनमा योगदान पु¥याउनुभएका ज्ञात अज्ञात शहीदप्रति मौन धारण गरिएको थियो ।
नेताद्वारा शुभकामना
प्रमुख प्रतिपक्ष दल नेपाली काङ्ग्रेसका सभापति एवं संसदीय दलका नेता शेरबहादुर देउवाले सरकारले जनताको हितका कुनै काम गर्न नसकेको बताएका छन् । प्रतिनिधिसभाको आजको बैठकमा उनले मुलुकमा भ्रष्टाचर बढेको, शान्ति सुरक्षाको अवस्था खस्केको तथा हत्याहिंसाको घटनामा संलग्न दोषीलाई पक्राउ गरी कारबाही गर्न नसकेको आरोप लगाए ।
सभापति देउवाले बारा र पर्सालगायत तराईमा आएको हावाहुरीबाट ठूलो जनधनको क्षति भएकामा दुःख व्यक्त गर्दै पीडितको आवास पुनःनिर्माण सरकारले तत्कालै पुर्नवासको व्यवस्था गर्न माग गरे । सरकारको राम्रा काममा जिम्मेवार प्रतिपक्षको हैसियतले रचनात्मक सहयोग हुने बताउँदै उनले नयाँ वर्षको उपलक्ष्यमा शुभकामना व्यक्त गर्दै सम्पूर्ण सदस्यलाई स्वागत गरे ।
नेपाल कम्युनिष्ट पार्टी ने क पाका संसदीय दलका उपनेता सुवास नेम्वाङले जनताको चाहना र भावनाअनुरुप संसदले कसरी काम गर्छ र कसरी एकताबद्ध भएर अघि बढून् भनेर सबैले यो अधिवेशनलाई निकै चासोका साथ हेरिरहेको बताउनुभयो । यो अधिवेशनले ‘समृद्ध नेपाल, सुखी नेपाली’को आधार तयार गर्नुपर्छ भन्दै उनले यो घडीमा सत्ता पक्ष र प्रतिपक्ष एक भएर अघि बढ्नुपर्नेमा जनता निराश छन् भन्ने भनाइ समयसापेक्ष नभएको धारणा राखे ।
वर्तमान सरकारलाई विगतमा गिरिजाप्रसाद कोइराला नेतृत्वको सरकारलाई जस्तो शान्ति कायम गरी सङ्क्रमणकाल व्यवस्थापन गर्नुपर्ने, सुशील कोइराला नेतृत्वको सरकारको जस्तो संविधान जारी गर्नुपर्ने र शेरबहादुर देउवा नेतृत्वको सरकारको जस्तो निर्वाचन गराउनुपर्ने चुनौती नभएको उल्लेख गर्र्दै सरकारले यस सहज वातावरणको अवधिमा पनि अपेक्षाकृत काम गर्न नसकेको बताए । प्रधानमन्त्रीले भ्रष्टाचारमा शून्य सहनशिला अपनाइने भने पनि मेलम्ची खानेपानी आयोजना, बूढीगण्डकी जलविद्युत् आयोजना, वाइडबडी विमान प्रकरणलगायत राष्ट्रिय आयोजनामा भ्रष्टाचार र अनियमितता बढेको भन्दै नेता पाण्डेले सरकारको ध्यानाकर्षण गराए । साथै उनले बालुवाटार र खुला मञ्चको सार्वजनिक जग्गा अतिक्रमणमा प्रश्न उठाउँदै निष्पक्ष छानबिन गरी दोषीलाई कारवाही गर्न माग गरे ।
उपनेता नेम्वाङले भने, “हामी प्रतिपक्षलाई सम्मान गर्छौँ, प्रतिपक्ष राज्यको अभिन्न अङ्ग हो, प्रतिपक्षले पनि सोहीअनुरुप जिम्मेवारी प्रदर्शन गर्नेछ । हामी मिलेर देशको विकास गर्नुको विकल्प छैन । जनतालाई आश्वस्त तुल्याउन र परिणाम दिन सकेन भने प्रणालीमै खोट लाग्न सक्छ ।” सबै खाले आग्रह र पूर्वाग्रहभन्दा माथि उठेर एकताबद्ध भएर अघि बढ्न आवश्यक रहेको बताउँदै उहाँले जनतालाई सकारात्मक परिणाम देखाउनुको बिकल्प नरहेको उल्लेख गरे ।
संसद सशक्त र प्रभावकारी भएमा पारदर्शी र जवाफदेहीलाई स्थापित गर्न सकिन्छ भन्दै उपनेता नेम्वाङले निरुङ्कुशताको विरुद्ध समाजवाद उन्मुख संविधानको भावनाअनुरुप अघि बढ्न आवश्यक भएको बताए । अधिवेशन ‘समृद्ध नेपाल, सुखी नेपाली’को आधार तयार गर्न सफल हुने उनले विश्वास व्यक्त गरे ।
राष्ट्रियसभामा सत्ता पक्ष र विपक्षमा विभाजित हुन नहुने सुझाव
राष्ट्रियसभाको आजको बैठकमा विभिन्न दलका नेताहरुले राष्ट्रियसभामा सत्ता र प्रतिपक्ष नभनेर सभाको गरिमा र छविलाई उच्च एवं सम्मानित बनाउनुपर्ने बताएका छन् ।
बैठकमा राष्ट्रियसभामा नेपाल कम्युनिष्ट पार्टी ने क पाका संसदीय दलका नेता दीनानाथ शर्माले राजनीतिक शक्तिहरुले यतिखेर लोकतान्त्रिक अभ्यासको उच्चतम प्रयोग गर्न लागेको बताए । उनले राष्ट्रियसभामा विगत झैँ सत्ता र प्रतिपक्ष नभनेर सभाको गरिमा र छविलाई उच्च र सम्मानित बनाउँदै आगामी दिनमा अघि बढ्नुपर्ने धारणा व्यक्त गरे ।
यस अधिवेशनमा प्रस्तुत हुने सरकारको नीति तथा कार्यक्रम र बजेटमा गुणात्मक परिवर्तन हुने किसिमले ल्याइने विश्वास व्यक्त गर्दै उहाँले विगतको विकृतिको भारी बोकेर कसैले सुख पाउँदैन, त्यस्ता विकृति हटाउन सरकारले हिम्मत गर्नुपर्नेमा जोड दिए ।
समाजवादी आर्थतन्त्र विकास लागि दलीय सहमति आवश्यक भएको उल्लेख गर्दै नेता शर्माले सबै मिलेर राष्ट्र निर्माणको सङ्कल्प गर्नुपर्ने र यो अधिवेशनलाई सफल बनाउनु पर्ने उल्लेख गरे । सबै क्षेत्रका जनताका समस्या हल हुने गरी नीति तथा कार्यक्रम र बजेट आउने बताउँदै उनले प्रतिपक्ष दलको सिर्जनात्मक भूमिकाको अपेक्षा गरेको बताए ।
राष्ट्रियसभामा नेपाली काङ्ग्रेसका संसदीय दलको नेता सुरेन्द्रराज पाण्डेले विगतमा संविधानअनुसार कानून बनाउँदा हतारमा पारित गर्न बाध्य पारिएको बताउँदै आगामी दिनमा त्यस्तो अवस्था आउन नदिन सदनको ध्यानाकर्षण गराए ।
उनले वर्तमान सरकारलाई विगतमा गिरिजाप्रसाद कोइराला नेतृत्वको सरकारलाई जस्तो शान्ति कायम गरी सङ्क्रमणकाल व्यवस्थापन गर्नुपर्ने, सुशील कोइराला नेतृत्वको सरकारको जस्तो संविधान जारी गर्नुपर्ने र शेरबहादुर देउवा नेतृत्वको सरकारको जस्तो निर्वाचन गराउनुपर्ने चुनौती नभएको उल्लेख गर्र्दै सरकारले यस सहज वातावरणको अवधिमा पनि अपेक्षाकृत काम गर्न नसकेको बताए ।
प्रधानमन्त्रीले भ्रष्टाचारमा शून्य सहनशिला अपनाइने भने पनि मेलम्ची खानेपानी आयोजना, बूढीगण्डकी जलविद्युत् आयोजना, वाइडबडी विमान प्रकरणलगायत राष्ट्रिय आयोजनामा भ्रष्टाचार र अनियमितता बढेको भन्दै नेता पाण्डेले सरकारको ध्यानाकर्षण गराए । साथै उनले बालुवाटार र खुला मञ्चको सार्वजनिक जग्गा अतिक्रमणमा प्रश्न उठाउँदै निष्पक्ष छानबिन गरी दोषीलाई कारवाही गर्न माग गरे ।
मुलुक सङ्घीयतामा गइसकेका बेला प्रधानमन्त्री कार्यालयमा शक्ति केन्द्रीकरण गर्न लागिएको, स्वतन्त्र पत्रकारितामा आँच आउने गतिविधि भएको, मानवाधिकार आयोगको अधिकार हनन हुने गरी कानून ल्याएको, कर्मचारी, शिक्षक र चिकित्सकको असन्तुष्टि समाधान हुन नसकेको अरोप लगाउँदै उनले सरकारको ध्यानाकर्षण गराए ।
राष्ट्रिय जनता पार्टी नेपालका सांसद वृषेशचन्द्र लालले राष्ट्रियसभामा सत्ता पक्ष र विपक्षबीच सहमतिको वातावरण हुनुपर्ने धारणा व्यक्त गर्दै प्रदेश र स्थानीय तहका संविधानअनुसार अधिकार नपाएको भन्ने गुनासा सङ्घीय सरकारले सम्बोधन गर्नुपर्ने बताए ।
सङ्घीयता र गणतन्त्रमाथि योजनाबद्ध रुपमा हमला भइरहेको बताउँदै उनले मुलुकमा बढेको अराजकता र भ्रष्टाचारले त्यस्ता षडयन्त्रकारीलाई नै फाइदा हुने उल्लेख गरे । यसमा सरकारले समन्वयकारी भूमिका निर्वाह गर्नुपर्ने उनको भनाइ थियो ।
सङ्घीय समाजवादी फोरम नेपालका सांसद प्रमिला कुमारीले संविधानअनुसार महिलाका हकअधिकार स्थापित हुनुपर्ने बताउँदै आगामी दिनमा महिला हिंसा नियन्त्रण गर्न र शान्तिसुरक्षा प्रभावकारी रुपमा कायम गराउन ध्यानाकर्षण गराए ।
अध्यक्ष गणेशप्रसाद तिमिल्सिनाले सांसदहरुले बैठक अवधिमा मोबाइल प्रयोग गरेको पाइएको भन्दै आगामी दिनमा त्यस्तो नगर्न दिर्नेशन दिएका थिए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
लोकरिझ्याईं राजनीतिको ‘महाजात्रा’मा हरिवंश आचार्य
कुसुम भट्टराई
बैशाख ५, २०८१ बुधबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
युएईसँग हारेसँगै नेपाल एशिया कपमा छनौट हुन असफल
बैशाख ७, २०८१ शुक्रबार
अब हामी देशमा अर्को उथलपुथल ल्याउँछौँः माधव नेपाल
बैशाख ८, २०८१ शनिबार
गोदावरीमा एमाले महाधिवेशन प्रतिनिधि परिषद्को बैठक, ओलीले पेश गरे राजनीतिक प्रतिवेदन
बैशाख ८, २०८१ शनिबार
दामदार र आर्थिक चलखेल हुने विभागमा एमाले र माओवादीको तानातान, समय नपुग्दै सरुवा
बैशाख ८, २०८१ शनिबार
मुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार