देशका विभिन्न ठाउँमा भएका घटनामा १२ को मृत्यु
इन्द्र रिजाल
बैशाख १७, २०७६ मंगलबार २०:५:२४
काठमाडौं । देशका विभिन्न ठाउँमा सोमबार र मंगलबार भएका घटनामा परेर १२ जनाको मृत्यु भएको छ । पाल्पा, कैलाली, अर्घाखाँची, सप्तरी, ललितपुर र नवलपरासी ‘पूर्व’ मा भएका छुट्टाछुट्टै सवारी दुर्घटनामा १२ जनाको मृत्यु भएको हो ।
पाल्पा, निस्दी गाउँपालिका–७ गुघुरी भिरस्थित सडकमा भिरपानीबाट हुवासतर्फ जाँदै गरेको जन्ती बोकेको लु.१ ज १९४१ नम्बरको जिप दुर्घटना हुँदा ५ जनाको घटनास्थलमै मृत्यु भएको थियो ।
सोमबार बेलुका अनियन्त्रित भई सडकबाट करिब ३ सय ५० मिटर तल खसेर दुर्घटना हुँदा जिप चालक सोही गाउँपालिका–५ गल्धाह बस्ने २७ वर्षीय बुद्धिबाल सोती समेत ५ जनाको घटनास्थलमै मृत्यु भएको हो । जिपमा सवार १ जना सकुशल रहेका छन् ।
यस्तै,कैलालीकाे गोदावरी नगरपालिका–७ स्थित हरैया चोकमा से.१ च १६९० नम्बरको पिकअप जिपले से.६ प ८०५२ नम्बरको मोटरसाइकललाई र साइकललाई ठक्कर दिँदा गम्भीर घाइते भएका साईकल चालक सोही नगरपालिका–६ लालपुर बस्ने २० वर्षीय दिपेन्द्र चोखालको उपचारको लागि धनगढीतर्फ लैजाने क्रममा बाटोमै मृत्यु भएको छ ।
सोही दुर्घटनाका घाइते भएका अन्य ३ जनाको पदमा अस्पताल अत्तरियामा उपचार भइरहेको छ । यता अर्घाखाँची, शितगंगा नगरपालिका–६ फुर्सामाटास्थित सडकमा ग.१ ज ४८७६ नम्बरको जिप अनियन्त्रित भई सोमबार बेलुका दुर्घटना हुँदा गम्भीर घाइते भएका जिपमा सवार कपिलवस्तु शिवराज नगरपालिका–५ बस्ने १८ वर्षीया सिता उपाध्यायको प्रादेशिक अस्पताल बुटवलमा उपचारको क्रममा मृत्यु भएको छ ।
चालकलाई प्रहरीले नियन्त्रणमा लिएको छ ।
यस्तै, सप्तरीकाे खड्क नगरपालिका–७ स्थित सडकमा बा.६५ प १३१ नम्बरको मोटरसाइकलले २ वटा साइकललाई सोमबार बेलुका ठक्कर दिँदा गम्भीर घाइते भएका साइकल चालक शम्भुनाथ नगरपालिका–८ बस्ने ६५ वर्षीय हरिहर मण्डलको सप्तऋषि अस्पताल लहानमा उपचारको क्रममा मृत्यु भएको छ ।
दुर्घटनामा घाइते भएका मोटरसाइकल चालक २३ वर्षीय सन्तोष कुमार साहको सोही अस्पतालमा र साइकल चालक सोही नगरपालिका–८ बस्ने २७ वर्षीय राजेश चौधरीको एडभान्स अस्पताल कल्याणपुरमा उपचार भइरहेको छ । मोटरसाइकललाई प्रहरीले नियन्त्रणमा लिएको छ ।
यस्तै, ललितपुरकाे बागमती गाउँपालिका–३ नयाँगाउँस्थित सडकमा बा.५ च ५६९६ नम्बरको गाडी आनियन्त्रित भई सडकबाट करिब ३ सय मिटर तल खसेर सोमबार बेलुका दुर्घटना हुँदा गाडी चालक भट्टेडाँडा बस्ने महोत्तरी घर भएका १९ वर्षीय विशाल मगरको घटनास्थलमै मृत्यु भएको छ । साथै दुर्घटनामा गम्भीर घाइते भएकी सोही ठाउँ बस्ने १७ वर्षीया सुनिता लोप्चन र २८ वर्षीया सरिता मोक्तानको आनन्द वन अस्पताल टिकाभैरवमा उपचारको क्रममा मृत्यु भएको छ ।
अर्का घाइते सोही ठाउँ बस्ने मकवानपुर घर भएका १९ वर्षीय रमेश खुपुङ तामाङलाई आनन्द वन अस्पताल टिकाभैरव हुँदै थप उपचारको लागि पाटन अस्पताल रिफर गरिएको छ । यता, नवलपरासी ‘पूर्व’, विनयीत्रिबेणी गाउँपालिका–२ स्थित पूर्वपश्चिम राजमार्गमा भारतीय युपी।३१ टि २९४७ नम्बरको ट्रक अनियन्त्रित भई सोमबार राति दुर्घटना हुँदा गम्भीर घाइते भएका ट्रकमा सवार हाल नाम, थर, वतन नखुलेका १७ वर्षीय पुरुषको जिल्ला अस्पताल चितवनमा उपचारको क्रममा मृत्यु भएको छ ।
ट्रक चालक फरार रहेकोले प्रहरीले खोजिगरिरहेको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको बताइएको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपअचानक आएको हावाहुरीले फेवातालमा डुङ्गा दुर्घटना, पाँच जनाको सकुशल उद्धार
बैशाख १२, २०८१ बुधबार
काभ्रेको भुम्लुमा सुमो दुर्घटना हुँदा १० जना घाइते
बैशाख १२, २०८१ बुधबार
औषधिमा प्रयोग हुने केमिकल बोकेको ट्रकमा आगलागी
बैशाख ११, २०८१ मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
कतारका राजा अमिर थानी काठमाडौं आइपुगे ( फाेटाे फिचर )
बैशाख ११, २०८१ मंगलबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
कर्तव्य ज्यान मुद्दाका फरार प्रतिवादी १७ वर्षपछि पक्राउ
बैशाख १२, २०८१ बुधबार
कतारका अमिरको नेपाल भ्रमणः उपलब्धि थोरै, चर्चा धेरै
बैशाख १२, २०८१ बुधबार
त्रिपालको ओतमुनि तातोपानी कुण्ड : बिरामीलाई सास्ती
बैशाख १२, २०८१ बुधबार
आयुर्वेद औषधालयमा बिरामीलाई चौबिसै घण्टा सेवा
बैशाख १२, २०८१ बुधबार
चिकित्सक अभावले हेटौँडा अस्पतालमा थन्किए उपकरण
बैशाख १२, २०८१ बुधबार
ट्राफिक प्रहरी र यातायातको सेटिङमा १५ हजारमै पाइन्छ ड्राइभिंङ लाइसेन्स
बैशाख १२, २०८१ बुधबार