विभाजित मानसिकतामा कांग्रेसको जागरण अभियान !
इन्द्र रिजाल
बैशाख १७, २०७६ बुधबार २:१८:२३
काठमाडौं । “विनाश काले विपरित बुद्धि ।” संस्कृतको यो उक्ति अहिले प्रमुख प्रतिपक्षमा सिमित रहेको नेपाली कांग्रेसका लागि सान्दर्भिक बनेको छ । प्रतिपक्षी भूमिकामा पुगेको वर्ष दिन नाघिसक्दासमेत कांग्रेस न त सडकमा देखियो न सदन मै ।
बल्लतल्ल जागरण अभियान सुरु गर्ने निर्णय त भयो , त्यो पनि विवादास्पद । गएको महाधिवेशनबाट शेरबहादुर देउवा पार्टी सभापतिमा निर्वाचित भएयता नै भाँडभैलो चुलिएको हो पार्टीको आन्तरिक जीवनमा । देउवा सिंगो पार्टीको सभापति भन्दा आफ्नो गुटको संरक्षकको भूमिकामा मात्र केन्द्रित भएकाले यस्ता समस्या निम्तिएका हुन् ।
अहिले मुलुकमा अघोषित रुपमा साम्यवादको अभ्यास भइरहेको छ । दुई तिहाईको दम्भमा ओली सरकार जथाभावी गर्दैछ । उसका हरेक निर्णय पूर्वाग्रही र कम्युनिष्ट पक्षपोषणमा मात्र केन्द्रित छन् । साथै अहिले उजागर भएका कतिपय भ्रष्टाचार र अनियमितता प्रकरणमा पार्टीका शीर्ष नेता नै संलग्न भएको सार्वजनिक भएको छ । यस्तो बेला पनि कांग्रेसले आवाज उठाउन सकिरहेको छैन । किन होला ? जिज्ञासा उठ्नु स्वभाविक छ ।
अहिले सरकार एकपक्षीय र जनविरोधी काममा लिप्त छ । हत्या हिंसा र बलात्कारका घटना दिनहुँ भइरहेका छन् । पछिल्लो चरणमा बालुवाटारको जग्गा प्रकरणले सत्तारुढ दलको भ्रष्टाचारपे्रमी चरित्र उदांगो भएको छ । यस्तो बेला पनि कांग्रेसले सडक र सदनमा सशक्त आवाज उठाउन नसक्नु विडम्बनाको विषय हो । जागरण अभियानमा पनि त्यही नियति दोहरिने छनक आइसकेको छ ।
खासगरी देउवाले देखाएको गुटप्रिय चरित्र नै यसको कारक बन्न पुगेको छ । अहिलेको बेला कांग्रेसका लागि उर्जाशील बन्ने अवस्था हो । सत्तासिनहरु अहिले लुट अभियानमा छन् । जताततै बेथिति र अस्तव्यस्त छ । जनता कम्युनिष्टको नामा निर्वाचित सरकारको कामप्रति दिग्दार बनेको अवस्था छ । तर कांग्रेस यसलाई उपयोग गर्नसक्ने अवस्थामा अझैं छैन । त्यो पनि आफू भित्रकै समस्याले गर्दा । जागरण अभियान जस्तो महत्वपूर्ण कार्यक्रम एकपक्षीय रुपमा घोषणा गरेको आरोप रामचन्द्र पौडेल र कृष्णप्रसाद सिटौला पक्षले लगाएको छ ।
सभापति निर्वाचित भएको यतिका समय वितिसक्दा पनि विभागसमेत गठन गर्न नसक्ने र गर्दा पनि भागबण्डामा गर्ने नीति अपनाउने प्रवृत्तिले सग्लो कांग्रेस एक बनाउन नसकेको आरोप छ देउवामाथि । हुन पनि देउवाले गुट निमिट्यान्न पार्ने भन्दा मलजल गर्ने नीति अख्तियार गरेका छन् । त्यसैले सिटौला गुट पनि अस्तित्वमा आएको छ । अहिले जागरण अभियान शुरु गर्नु पूर्व आफू निकट नेतासँग मात्र परामर्श गरेको आरोप इतर पक्षले लगाएको छ । यस्तो विभाजित मनस्थितिमा हुने जागरण अभियान कत्तिको सशक्त र प्रभावकारी होला ? प्रश्न उठेको छ ।
अहिले मुलुकमा अघोषित रुपमा साम्यवादको अभ्यास भइरहेको छ । दुई तिहाईको दम्भमा ओली सरकार जथाभावी गर्दैछ । उसका हरेक निर्णय पूर्वाग्रही र कम्युनिष्ट पक्षपोषणमा मात्र केन्द्रित छन् । साथै अहिले उजागर भएका कतिपय भ्रष्टाचार र अनियमितता प्रकरणमा पार्टीका शीर्ष नेता नै संलग्न भएको सार्वजनिक भएको छ । यस्तो बेला पनि कांग्रेसले आवाज उठाउन सकिरहेको छैन । किन होला ? जिज्ञासा उठ्नु स्वभाविक छ ।
तर खोजी पस्दा हरेक अनियमितता र गलत काममा कांग्रेस नेतासमेतको सहभागिता देखिन थालेको छ । जसले गर्दा तैं चूप , मै चूपको अवस्था निर्माण भएको छ । चाहे त्यो संबैधानिक परिषदको बैठकमा विपक्षी दलको नेतालाई नबोलाइएको प्रसंग होस् या बालुवाटारको ललितानिवास जग्गा प्रकरण नै किन नहोस् । सरकारले विगतमा नियुक्त गरेका राजदूतलाई भटाभट फिर्ता बोलाइरहेको छ । राम्रो काम गरेर स्यावासी पाएका राजदूतलाई समेत आस्थाका आधारमा फिर्ता बोलाउँदा कांग्रेसले प्रश्न सोध्न सकेको छैन । कारण सभापति देउवाकी सासु प्रतिभा राणालाई भने यो सरकारले निरन्तरता दिएको छ । उनी जापानका लागि नेपाली राजदूत हुन् ।
बैशाख २५ देखि जेठ २५ सम्म एक महिनाका लागि जागरण अभियानको घोषणा गरेको नेपाली कांग्रेसले ७७ जिल्लामा पठाउने केन्द्रीय नेता पनि देउवा गुटले एकपक्षीय रुपमा खटाएको गुनासो रहेको छ । पौडेल हुन् वा सिटौला दुबैले यस्तो संबेदनशील विषयमा कुनै ठोस छलफल नभएको आरोप लगाएका छन् । यो विभाजित मानसिकतामा जिल्ला पुग्ने नेता कार्यकर्ताले कस्तो जागरण ल्याउलान् ?
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
अमेरिकाले युक्रेन, इजरायल र ताइवानलाई दिने सहायता प्याकेज अनुमोदन
बैशाख १२, २०८१ बुधबार
लुम्बिनीमा नेपालको झण्डाको अवस्था !
बैशाख १२, २०८१ बुधबार
कर्णालीमा मन्त्रालयको भागबण्डामै सकस, आज सानो आकारको मन्त्रीमण्डल बन्ने
बैशाख १२, २०८१ बुधबार
१६ औं योजनालाई अन्तिम रुप दिने छलफलमा उच्च तहका सबैलाई निम्तो
बैशाख १२, २०८१ बुधबार
सोलुखुम्बुमा डढेलो बस्तीमा फैलिँदा पाँच घर जलेर नष्ट
बैशाख १२, २०८१ बुधबार
समुन्द्रमा ५ आप्रावासीको मृत्यु भए पछि बेलायतमा हंगामा
बैशाख १२, २०८१ बुधबार