मध्यपुरथिमीको मूर्त, अमूर्त सम्पदा संरक्षणका लागि गुरुयोजना निर्माण
इन्द्र रिजाल
बैशाख २९, २०७६ आइतबार २०:२२:५२
भक्तपुुर । मध्यपुरथिमी नगरपालिकाको ऐतिहासिक एवं सांस्कृतिक सम्पदाको संरक्षण एवं विकास गर्दै नमूनाको साँस्कृतिक नगरी निर्माण गर्न नगरपालिकाले सांस्कृतिक गुरुयोजना निर्माण शुरु गरेको छ ।
नगरपालिकाले आयोजना गरेको समारोहमा गत चैत ३ गते प्रदेश नं ३ का प्रमुख अनुराधा कोइरालाले मध्यपुरथिमिलाई ‘सांस्कृतिक नगरी मध्यपुरथिमि’ घोषणा गरेपछि नगरपालिकाले यसको संरक्षण र विकासका लागि गुरुयोजना निर्माण शुरु गरेको हो ।
नगरपालिकाले पुरातात्विक, धार्मिक, ऐतिहासिक सांस्कृतिक सम्पदाको खोज, अनुसन्धान र संरक्षणका लागि शुरु गरेको गुरुयोजना निर्माणकार्य अन्तिम चरणमा पुगेको नगरप्रमुख मदनसुन्दर श्रेष्ठले जानकारी दिएका छन् ।
नगरपालिकाभित्र भौतिक संरचनाका रूपमा रहेका धार्मिक सम्पदा एवं मठ मन्दिर, पाटी पौवा, ढुङ्गेधारा तथा ऐतिहासिक इनार, सम्पदा, ऐतिहासिक बस्ती, चौताराको खोज, अनुसन्धान, उत्खनन्, संरक्षण, पुनःनिर्माण, जीर्णोद्धार र विकास गर्दै यसको संरक्षण गर्नेगरी नगरपालिकाले गुरुयोजना निर्माण गरेको उनले बताए ।
त्यसैगरी अमूर्तरूपमा रहेका यहाँका परम्परागत भाषा, हस्तलिपि, वेषभूषा, गीत÷सङ्गीत, बाजागाजा, नृत्य तथा झाँकी, रीतिरिवाज तथा परम्परा, गरगहना, जात्रा, परम्परा, ऐतिहासिक दस्तावेज, ग्रन्थ, पम्परागत खानेकुराको समेत खोज तथा अनुसन्धान गरिने, लोप भइसकेकालाई पुनरजीवन दिने र लोपोन्मुख अवस्थामा पुगेकालाई समेत संरक्षण गरिने भएको छ ।
नगरपालिकाभित्र रहेका विशेष व्यक्तित्व एवं गुरुको समेत योगदानको कदर गर्ने र उनीहरुको जीवनी तयार पार्ने, उनीहरुको कला एवं शिक्षालाई संरक्षण गर्ने योजना समेत नगरपालिकासँग रहेको छ । “मध्यपुरथिमि नगरपालिकाभित्र रहेका मूर्त तथा अमूर्त कला, संस्कृति, सम्पदादेखि सम्पूर्ण विषयको खोज, अनुसन्धान, संरक्षण र विकास गर्नेगरी गुरुयोजना निर्माण भइरहेको छ”, नगरप्रमुख श्रेष्ठले भने, “गुरुयोजना निर्माण सम्पन्न भएसँगै त्यसलाई कार्यान्वयनमा लैजान्छौँ, मध्यपुरथिमिभित्र जीवित सङ्ग्रहालयसमेत निर्माण शुरु भएको छ, मध्यपुरथिमिलाई नमूना साँस्कृतिक नगरी बनाउछौ ।”
नगरपालिकाभित्रको परम्परागत बस्तीलाई जीवित सङ्ग्रहालयसमेत बनाउने गरी नगरपालिकाले कार्ययोजना अगाडि बढाएको र यसले आन्तरिक तथा बाह्य पर्यटकको आगमन समेत बढाउने उनको भनाइ छ ।
नगरपालिकाले सांस्कृतिक नगरीको गुरुयोजना निर्माणका लागि बनाएको तर्जुमा समितिका सदस्य नवीन प्रकाश श्रेष्ठले गुरुयोजना निर्माण अन्तिम चरणमा पुगेको बताए ।
“काम भइरहेको छ, गुरुयोजना निर्माणपछि नगरपालिकाले तीन वर्ष, पाँच वर्ष र १० वर्षभित्र सम्पन्न गर्ने कुन कुन योजना रहन्छ भन्ने समेत निक्र्योल गर्नेगरी सुक्ष्मरूपमा अध्ययन गर्दै गुरुयोजना निर्माण गरिरहेका छौँ ।” गुरुयोजनालाई पूर्णरूपमा कार्यान्वयनमा ल्याएपछि आगामी १० वर्षभित्र मध्यपुरथिमि नगरपालिका देशकै नमूना नगरपालिकाको रूपमा स्थापित हुने विश्वास लिएको उनले बताए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपधार्मिक पर्यटकीय गन्तव्य बन्दै देवचुली डाँडा
बैशाख १२, २०८१ बुधबार
बन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
किन बढ्दैछ विश्वभर प्रोस्टेट क्यान्सर ?
बैशाख १३, २०८१ बिहिबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
आजको मौसम : यी ठाउँमा हुरीबताससहित वर्षाको सम्भावना
बैशाख १३, २०८१ बिहिबार
दिल्लीले चार रनले हरायो गुजरातलाई
बैशाख १३, २०८१ बिहिबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार