मेयर शाक्यले उममेयरको कार्यक्षेत्र मिचेको अदालतको ठहर
इन्द्र रिजाल
बैशाख ३१, २०७६ मंगलबार २३:५८:९
काठमाडौं । काठमाडौं महानगरपालिकाका मेयर विद्यासुन्दर शाक्यले सम्पदासम्बन्धी विवादमा गरेको एउटा फैसलामा कार्यक्षेत्र मिचेको काठमाडौं जिल्ला अदालतले ठहर गरेको छ ।
जिल्ला न्यायाधीश नारायणप्रसाद पौडेलको इजलासले क्षेत्रअधिकार नमिलेको भन्दै मुद्दा महानगरकै न्यायिक समितिमा पठाउने फैसला गरेको हाे ।
मेयर शाक्यले उममेयरको कार्यक्षेत्र मिचेर ठमेलको अशोक स्तुपाको फैसला गरेका थिए । ठमेलको लिच्छवीकालिन उक्त स्तुपा परिसरको बाटोसम्बन्धी विवादमा मेयर शाक्यले शंकास्पद फैसला गरेको भन्दै स्थानियबासी जिल्ला अदालत गएका थिए ।
महानगरको यो फैसलाविरुद्ध अशोक चैत्य जीर्णोद्वार समितिका अध्यक्ष सञ्जिवकुमार श्रेष्ठ लगायतले जिल्ला अदालतमा फिराद दर्ता गराएका थिए । त्यही फिरादमाथि सुनवाइ गर्दै अदालतले यस्तो फैसला गरेको हो ।
ठमेलको अशोक स्तुपा पुनर्निर्माण हुँदाहुँदै संधियारले महानगरमा मुद्दा हालिदिएका थिए । त्यही कारण बाह्रौ शताब्दीको चैत्य ९० प्रतिशत काम सकिएर रोकिएको थियो । स्तुपाको छेउमा सर्वसाधारण बस्ने गरी पाटी निर्माण गर्ने र सार्वजनिक इनार संरक्षण गर्ने गरी विहार संरक्षण समितिले काम अघि बढाइरहेकै बेला संधियार विष्णुकुमारी श्रेष्ठले महानगरमा मुद्दा हालेपछि पुनर्निर्माण रोकिएको थियो ।
२०७४ मंसिरमा मंसिरमा मुद्दा हालिएयता चैत्य जिर्णोद्धार समितिका पदाधिकारी महानगरमा मुद्दा खेपिरहेका थिए । उममेयर हरिप्रभा खड्गी श्रेष्ठले न्याय समितिको कार्यक्षेत्र मिचेर मेयरले फैसला गरेको प्रतिक्रिया दिएकी थिइन् । ‘यो केश न्यायिक समितिमा ल्याउनु भनेर मैले कानुन महाशाखा प्रमुख वसन्त आचार्यलाई भनेको थिएँ’, खड्गीले भनिन्, ‘तर न्यायिक समितिमा ल्याइएन । मेयरबाटै फैसला गराइयो ।’
स्थानीय सरकार संचालन ऐन २०७४ अनुसार बाटोसम्बन्धी विवाद मेयरको कार्यक्षेत्रमा पर्दैन । ऐनको दफा ४७ मा न्यायिक समितिको कार्यक्षेत्र तोकिएको छ । ‘संविधानले स्थानिय न्यायपालिकाको परिकल्पना गरेको छ,’ खड्गी भन्छिन्, ‘स्थानीय अदालतसमेत गठन गर्न सक्ने व्यवस्था छ । न्यायिक अंगको मुख्य जिम्मेवारी नै उपप्रमुख हो । तर यहाँ मेयर शाक्यले यो प्रयोग गर्न दिएका छैनन् ।’
नक्सासम्बन्धी विवादमात्रै मेयर र कार्यकारी अधिकृतले मिलाउन सक्ने व्यवस्था छ । घर निर्माण हुनुभन्दा पहिला नक्सामा विवाद आयो भने कार्यकारीको इजलासले मिलाउने व्यवस्था छ ।
भवन बनाइसेकपछि विवाद आयो भनेचाहिं मेयरले हेर्ने व्यवस्था ऐनमा छ । घर बनाइसकेपछि आएको विवादमा घर भत्काउने वा के गर्ने भनेर फैसला गर्ने अधिकार मेयरसँग छ ।
कानुनले स्पष्ट व्यवस्था गरेको अधिकारमा समेत मेयरले हस्तक्षेप गर्दै आएको मेयर खड्गीले गुनासो गर्दै आएकी थिइन् । मुद्दामामला दर्ता भएपछि केसको प्रकृति हेरेर कसको इजलासमा पठाउने भनेर निर्णय गर्ने काम कानुन महाशाखाले गर्छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपआमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार
राम्रो काम गरे प्रचण्ड सरकारलाई निरन्तरता दिन्छौं : महासचिव पोखरेल
बैशाख ७, २०८१ शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार