रोयल सहकारी १८ औं बर्षमा प्रवेश,बहिरा बिद्यार्थीलाई शैक्षिक सामाग्री बितरण

स्याङ्जा । सदरमुकाम पुतलीबजारमा २०५९ सालदेखि संचालनमा आएको रोयल को–अपरेटिभ सोसाईटी लि. को १८ औं स्थापना दिवसका अवसरमा फरक क्षमताका विद्यार्थीहरुलाई शैक्षिक सामाग्री विरतण गरिएको छ ।

पुतलीजार नगरपालिका ३ बाडखोलामा रहेको चण्डिकालिका बहिरा आधारभूत विद्यालयमा अध्ययनरत २२ जना फरक क्षमताका विद्यार्थीलाई आफ्नो स्थापना दिवसमा रोयलले शैक्षिक सामाग्री स्वरुप कपी, कमल लगायतका सामाग्री वितरण गरेको हो ।

शैक्षिक सामाग्री विरतण कार्यक्रमा पुतलीबजार नगरपालिका ३ का वडाअध्यक्ष अमृत श्रेष्ठले गरिबी निवारणमा सहकारीहरुको भूमिका प्रभाबकारी बन्दै गएको बताए । सहकारीहरुले सामाजिक उत्तरदायित्व अन्र्तगत विभिन्न रचनात्मक कार्य संचालन गर्दै आएकोमा उनले प्रशंसा समेत गरे ।

त्यस अवसरमा सोही वडाका वडासदस्य तेजप्रसाद शर्मा, विद्यालयका पूर्व अध्यक्ष अमिरबक्स मियाँ, संस्थाका प्रबन्ध निर्देशक केशवराज लम्सालले फरक क्षमताका विद्यार्थीको प्रोत्साहनमा संस्थाले पु¥याएको योगदानका बारेमा चर्चा गरेका थिए । उनीहरुले हरेक क्षेत्रमा सहयोगको भावनाको विकास गर्नुपर्ने समेत विचार व्यक्त गरे ।

संस्थाका अध्यक्ष भरतप्रसाद लम्सालको अध्यक्षतामा भएको शैक्षिक सामाग्री वितरण कार्यक्रमको संचालन शिक्षा समितिका सदस्य प्रकाश डोटेलले गरेका थिए भने स्वागत संचालक कुलानन्द लम्साल र धन्यवाद ज्ञापन प्रबन्ध शान्ति ढकाल अर्यालले गरेकी थिईन् ।

रोयलले १७ वर्षको अवधिमा जिल्ला सदरमुकाममा करिब १ रोपनी जग्गा खरिद गरि झण्डै ४ करोड ५० लाखको लागतमा सुविधा सम्पन्न भवन बनाएको छ । कुलपुँजी ३ करोड ७४ लाख रहेको सहकारीले झण्डै २५ करोडको कारोबार गरेको छ ।