मोदीलाई शुभकामना दिन ओलीलाई हताराे !

काठमाडौं । भारतमा लोकसभा निर्वाचनको मतगणना आज बिहीबार बिहानदेखि सुरु भएको छ । प्रधानमन्त्री नरेन्द्र मोदीको नेतृत्वमा चुनावमा होमिएको नेशनल डेमोक्रेटिक एलाइन्सले अहिलेसम्म बहुमत सिटमा अग्रता लिएको देखेर नेपालका प्रधानमन्त्री केपी शर्मा ओलीले सामाजिक सञ्जालमा शुभकामना व्यक्त गरेका छन् ।

उनले बिहीबार दिउँसो सामाजिक सञ्जालमा टिवटरमार्फत शुभकामना व्यक्त गरेका हुन् । प्रधानमन्त्री ओलीले लेलेख्दै भनेका छन्, ‘लोकसभा चुनाव २०१९ मा प्रचण्ड जितका लागि प्रधानमन्त्री मोदीजीलाई बधाई दिन चाहन्छु । साथै उहाँको आउँदो कार्यकालको सफलताको कामना गर्दछु ।  तपाईँसँग सहकार्य गरेर अघि बढ्ने आशा राख्दछु ।’

मतगणना जारी रहदा वाराणासीको बहुचर्चित चुनाव क्षेत्रमा मोदीले पनि आफ्नो अग्रता बढाउँदै लगेका छन् । उनले २ लाख मतको अग्रता लिएको भारतको निर्वाचन आयोगले जनाएको छ । उनलाई समाजवादी पार्टी कि शालिनी यादवले पछ्याइरहेकी छन् ।

ओलीले सामाजिक सञ्जालबाटै शुभकामना दिएपछि कतिपयले कस्तो हतार हो हौ ? पूर्ण नतिजा आइसक्या छैन त ? संसारमै बधाई दिने पहिलो सरकार प्रमुख हुनु भएछ , नेपालीले पाए गर्छन के भन्ने जस्ता कमेन्ट पनि गरेका छन् । अरुले के कस्तो कमेन्ट गरे त हेर्नुस जस्ताको तेस्तै :