सगरमाथा आरोही तथा महिला पत्रकार कल्पनाले गरिन उत्तरी ध्रुवबाट सफल आरोहण

काठमाडौं । सगरमाथा आरोही तथा महिला पत्रकार कल्पना महर्जनले उत्तरी ध्रुवबाट विश्व सगरमाथाको सफल आरोहण गरेकी छिन् । उनले २०७६, जेठ ९ गते (२३ मे २०१९) बिहीबार बिहान १० बजेर २० मिनेट जाँदा चीनतर्फको भूभागबाट महर्जन शिखर चुम्न सफल भएकी हुन्।

‘शिक्षाको माध्यमले बालबिबाह रोकथाम अभियान २०१९’ भन्ने नारासहित २०७५ सालको चैत्र २८ बाट विश्वको सर्वोच्च शिखर सगरमाथा आरोहण यात्रा सुरु गरेकी थिइन् ।

पर्वतारोहण व्यवस्थापन कम्पनी एक्पेरियन्स आउटडोर्स नेपाल प्रा.लि.का प्रबन्ध निर्देशक रवीन्द्र महर्जनले दुवै मोहडाबाट सर्वोच्च शिखर सगरमाथाको सफल आरोहण गरेकोमा हार्दिक बधाई दिएका छन्।

आरोही महर्जनले यसअघि २०७५ जेठ ९ गते (२० मे २०१८)का दिन नेपालतर्फको दक्षिणी मोहडाबाट सगरमाथाको सफल आरोहण गरेकी थिइन् । आरोही महर्जन दुवै मोहडाबाट सर्वोच्च शिखर सगरमाथा चुम्ने पहिलो महिला पत्रकार भएको एक्पेरियन्स आउटडोर्स नेपाल प्रा.लि.का प्रबन्ध निर्देशक निर्देशक रवीन्द्र महर्जनले बताए।

आरोही महर्जनले ललितपुर महानगरपालिका स्थापना दिवसको १०० वर्ष पूरा र वाङ्मय शताब्दी पुरुष संस्कृतिविद् सत्यमोहन जोशीको १००औँ जन्मजयन्ति शुभ अवसर पारेर महानगरपालिकाको नाम, लोगो र डा. जोशीको तस्बिर अंकित झण्डा समेत सर्वोच्च शिखर सगरमाथामा फहराएकी छन्।

ललितपुर महानगरपालिका, बुद्ध एयर, उद्योग वाणिज्य संघ ललितपुर, महालक्ष्मी लाइफ इन्स्योरेन्स कम्पनी लगायतको आर्थिक सहयोगमा महर्जनले यसपटक सर्वोच्च शिखर सगरमाथाको आरोहण गरेकी हुन्।