बजेटमाथि छलफल आजबाट : अर्थनीतिमा रङरोगन गरेर ल्याएको कांग्रेसको धारणा

काठमाडौं । सरकारले पेस गरेको आगामी आर्थिक वर्ष २०७६/७७ को बजेटमाथि संसदमा आजबाट छलफल सुरु हुने भएको छ ।

प्रतिनिधिसभाको आजको बैठकमा बजेटबारे छलफल गर्ने कार्यसूची छ । जेठ १५ गते सरकारले संसदमा पेस गरेको बजेटमा प्रमुख प्रतिपक्षी दल नेपाली कांग्रेसले बजेटमाथि टिप्पणी गर्न सांसदलाई रुलिङ नै गरेको छ ।

कांग्रेसले वर्तमान सरकारले ल्याएको बजेटलाई हावादारी भएको संज्ञा दिँदै आएको छ । कांग्रेस संसदीय दलको बैठकले जनपेक्षा सम्बोधन नगरेको भन्दै टिप्पणी समेत गरेको छ ।

अर्थमन्त्री युवराज खतिवडाले १५ गते संघीय संसदमा १५ खर्ब ३२ अर्बको ९६ करोड ९१ लाख रुपैयाँको बजेट पेश गरेका थिए ।

कुल विनियोजित बजेटमध्ये वित्तीयतर्फ १ खर्ब ६७ अर्ब ८८ करोड ‘११ प्रतिशत’, पुँजीगततर्फ ४ खर्ब ८ अर्ब ५९ करोड ‘२६.६ प्रतिशत’ र चालुतर्फ ९ खर्ब ५७ अर्ब १० करोड ६२.४ ‘प्रतिशत’ बजेट छुट्याइएको छ ।