धोवीखोला नदीभित्र किन पस्यो स्काभेटर ? (फाेटाे फिचर)

काठमाडौं । काठमाडौं उपत्यकाको सभ्यता तथा धार्मिक महत्व बोकेको बाग्मती नदी स्वच्छ र सुन्दर हुने प्रक्रियामा नै छ । उपत्यका हुँदै बग्ने बाग्मती नदी र यसका सहायक नदीहरुमा वर्षैं पहिलेदेखि सहरका ढल सोझै मिसाइंदा नदी दुसित हुँदै आएपछि खोला सफा गर्न भन्दै डोजर(स्काभेटर) कुद्न थालेको छ । यसरी स्काभेटर कुदाउँदा नदी सफा त होला तर त्यही नदीमा जग खनेर बनाइएका बाटोका पर्खालहरुमा गम्भिर धक्का र कम्पन परिरहेको स्थानीयहरु बताउँछन् ।

बाग्मतीमा मिसिने ढललाई मात्र रोकेर नदी सफा नहुने अधिकार सम्पन्न बागमती सभ्यता एकिकृत विकास समितिका उप–आयोजना प्रमुख योगेन्द्र चित्रकारले बताएका छन् ।

‘बाग्मती नदीका सहायक नदी उपत्यका भित्र ७ वटा छन् । वागमती नदिका सहायक नदिहरु टुकुचा, इच्छुमती, मनहरा, बल्खु, नख्खु, गोदावरी, हनुमन्ते, साङ्ला खोला नदीमा मिसिने ढललाई पनि रोक्न सकेमा बाग्मती नदी स्वच्छ र सुन्दर हुनेछ ।

बाग्मतीलाई स्वच्छ र सुन्दर बनाउनका लागि बाग्मती, बिष्णुमती र धोबीखोलामा मिसिने ढललाई नदीमा मिसिन्न नदिने प्रक्रियामा समितिले डाजर लगाएर काम गरिरहेको छ ।

नदीमा मिसिने ढललाई रोक्न सुन्दरीजल–गोकर्ण खण्डको बाग्मती नदी २०४५ सालको नापीसँग मेल खाएको थिएन । सो खण्डको ८.५ किलोमिटर बहाव क्षेत्रलाई पुरानै नापीअनुसार धार परिवर्तन गरिसकिएको छ ।

बाग्मती, धोबीखोल र बिष्णुमतीको उपत्यका भित्रको लम्बाई बाग्मती –२८ किलोमिटर, बिष्णुमती – १७.३ किलोमिटर, धोवी खोला–१८.२ किलोमिटर रहेको छ ।