प्रहरी अपडेट :– सडकबासीको सहारादेखि शिक्षकमाथि कारबाहीसम्म
इन्द्र रिजाल
जेठ २१, २०७६ बुधबार १:३:३४
काठमाडौं । वर्षाको झरी होस वा प्रचण्ड गर्मी, पुस माघको चिसो मौसम होस वा काठमाडौंको धुलोधुँवा, कलिलो तथा वुढ्यौली उमेर त्यसमाथि खुला आकाशमुनीको कहर सहँदै बस्न कस्लाई पो मन लाग्ला र ? तैपनि काठमाडौंका सडक किनारा, कुनाकाप्चा, फोहोरको छेउछाउ क्षेत्रमा कतिपय बालबालिका, असक्त, असहाय र वृद्धवृद्धाहरू कठिन अवस्थामा बस्न वाध्य छन् । यस्तो दृश्यले कस्को मन चसक्क नछोला ?
आफ्नै वाध्यताले काभ्रेका रमेश तामाङ (नाम परिवर्तन) ५० वर्षको उमेरमा यस्तै निष्ठुरी सडकमा बास बस्न आइपुगे । गत वर्षको दशैं आउन लाग्दा उनी निकै खुशी थिए । तर दशैं मनाउन नपाउँदै घर छोड्न वाध्य भएपछि उनको जीवन भयानक निराशामा वद्लियो । रमेश जस्तै वाध्यतामा पर्नेहरू अन्य धेरै छन् ।
गत माघमा सडकमा फेला परेको एक वेवारिसे शवको अनुसन्धानको क्रममा सडक नजिकै पेटीमा बसेका तामाङलाई प्रहरीले फेला पार्योफ । ‘मलाई आफ्नै परिवारले ठगे । सबैको हेलाहोचो कति सहनु ? अब यही सडकबाहेक मेरो कुनै ओत लाग्ने ठाउँ नै छैन,’ तामाङले भने । आफ्नै घरपरिवारको तिखो वचन र तिरस्कार खप्न नसकेर उनले सडक रोजेको उनको भनाईबाट प्रष्ट हुन्छ । प्रहरीले उद्धार गरेपछि एक बृद्धाश्रममा पुनर्स्थापना गरिएका उनी अहिले खुशी छन् ।
२०७५ पुस १ देखि माघ १६ गतेसम्म ४५ दिनभित्रको अवधिमा खुला आकाशमुनी बस्दै आएका वृद्धवृद्धामध्ये २५ जना मृत अवस्थामा भेटिए । निमोनिया तथा फोक्सोको संक्रमण र चिसोको कारण अधिकांशको मृत्यु भएको पोष्टमार्टम रिपोर्टबाट पुष्टी भएको छ । प्रारम्भिक अनुसन्धानको क्रममा घटनास्थल पुग्ने प्रहरीलाई यस्तो हृदयविदारक घटनाले नछुने कुरै भएन । जसको कारण समुदाय–प्रहरी साझेदारी कार्यक्रम अन्तर्गत यस्ता वृद्धवृद्धा, रोगी, सडक बालबालिका एवम् असहायको उद्दारमा प्रहरी जुट्यो ।
भानु आधारभूत प्रावि मगरगौरीमा राहत कोटामा कार्यरत सोही ठाउँ बस्ने २५ वर्षीया शिक्षिका लक्ष्मी पुनलाई सोमबार प्रहरीले पक्राउ गरेको छ । पुनले जेठ १२ गते सोही स्कुलमा अध्ययनरत १४ जना विद्यार्थीहरुलाई स्कुल किन ढिला आएको भन्दै कुटपिट गर्दा विद्यार्थीहरु घाइते भएका थिए । उनीहरुलाई उपचारको लागि दाङको तुल्सीपुर लगिएकोमा उपचार पश्चाकत् फिर्ता भएका छन् । उनलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरमा थप अनुसन्धानमा भइरहेको छ ।
प्रहरी उद्धार कार्यमा जुटसकेपछि २०७५ पुस १८ देखि माघ १७ गतेसम्म १ महिनाको अवधिमा मात्रै १ सय ८१ जनालाई प्रहरीले उद्धार गर्यो । तीमध्ये १ सय ३५ जना पुरूष र १९ जना महिला गरी जम्मा १ सय ५४ जना वृद्धवृद्धा रहेका छन् भने उद्धारकै क्रममा २० जना किशोर र ७ जना किशोरी गरी जम्मा २७ जना किशोरकिशोरीको उद्धार गरिएको छ । उद्धार गरिएकामध्ये १ सय २४ जना मानव सेवा आश्रम वुढानिलकण्ठ, १३ जना हिमाली वृद्धआश्रम गोंगबु र ८ जनालाई वरिष्ठ नागरिक समाज सोह्रखुट्टेमा लगि पुनर्स्थापना गरियो भने २७ जना किशोरकिशोरीलाई सोभर रिकभरी सेन्टरमा पुनर्स्थापना गरिएको छ । उद्धार गरिएका ९ जना वृद्धलाई आफ्नै घरपरिवारको जिम्मा लगाइएको छ । यसरी उद्धार गरिएका व्यक्तिहरू १६ देखि ८२ वर्षसम्मका छन् ।
काठमाडौं भृकुटीमण्डपस्थित बालबालिका खोजतलास समन्वय केन्द्रको तथ्याङ्क अनुसार चालू आवको १० महिनाको अवधिमा २ सय ७१ जना बालक र १ सय ३८ जना बालिका गरी जम्मा ४ सय ९ जना बालबालिका वेवारिसे अवस्थामा फेला परेका छन् । तीमध्ये १ सय ४८ जना बालक र ८१ जना बालिका गरी जम्मा २ सय २९ जनालाई पारिवारिक पुनर्मिलन गराइदियो । १ सय २३ जना बालक र ५७ जना बालिका गरी १ सय ८० जना बालबालिकालाई बाल संरक्षण गृहमा बसेका छन् ।
चिसो सडक, खुला आकाश, खानेपिउने समस्या, लुगाफाटोको साथै स्वास्थ्य सुविधाको अभावको कारण सडकमा रात विताउनेहरूको जीवन जोखिममा रहन्छ । यस्ता मानिसहरूलाई मानवियताको आधारमा उद्दार गरी पुनर्स्थापना गर्न आवश्यक देखियो र यस कार्यलाई नेपाल प्रहरीले अभियानकै रुपमा संचालन गर्यो ।
अभियानबारे नेपाल प्रहरीका केन्द्रीय प्रहरी प्रवक्ता–सूचना अधिकारी प्रहरी नायब महानिरीक्षक विश्वराज पोखरेल भन्छन्, ‘नागरिकको जीवन र अधिकार रक्षाको काम गर्ने प्रहरी संगठनले यस्तो दुःखमा परेका नागरिकको बाँच्न पाउने अधिकारको संरक्षण गर्नुपर्छ भन्ने उद्धेश्यले अभियान थालिएको हो । यसले केही उपलब्धी हासिल गरेको छ । भावी दिनमा पनि अभियानलाई निरन्तरता दिन्छौं ।’
सडक, मन्दिर पेटी र भत्केका संरचनामुनी कष्टकर जीवन बिताउनु मान्छेको रहर होइन । वाध्यतामा परेका यस्ता असहायको उद्दार गर्नु मानवीय कार्य हो । यस्ता उद्दारबाट एकातर्फ मानवीय सेवा र असहायलाई राहत त हुन्छ नै । अर्कोतर्फ राजधानीको सडक व्यबस्थापनको साथै सडक मर्यादा कायम र सभ्यता प्रदर्शन गर्न टेवा पुग्छ । समुदाय–प्रहरी साझेदारी कार्यक्रम अन्तर्गत थालनी गरिएका काममध्ये यो पनि एउटा सराहनीय काम हो । सडकमा बस्न वाध्य हुनुको कारण, उद्दारको उद्देश्य र प्राप्त उपलब्धीबारे प्रहरी नायब महानिरीक्षक पोखरेल भन्छन्, ‘विपन्नता, परिवारसँग बेमेल र सामाजिक पीडाको कारण केही मानिस सडकमा आउने गरेको पाइएको छ । यस्तो अवस्था आउन नदिन र आएकाहरुको संरक्षण गर्ने उद्देश्यले समुदाय–प्रहरी साझेदारी कार्यक्रम अन्तर्गत जनचेतना फैलाउने, घरमै सम्मान गर्ने र बाँच्ने वातावरण सिर्जना गर्न प्रहरी सक्रिय छ । यसका लागि राज्य, आमनागरिक र प्रहरीले एउटै योजनाकासाथ काम गरेमा थप उपलब्धी हासिल हुन्छ ।’
खुला आकाशमा कसैको वेवारिसे जीवन र मरण नहोस् । ओत नपाएकाले बास पाओस् । कसैको पीडा र व्यथाको अन्त्य होस् । प्रहरी, स्थानीय तह, सरोकारवाला, सङ्घसंस्थाको साथै आमनागरिकले अपनत्वको महसुस गरुन् । दीगो रुपमा मानवीय सेवाको पुन्य कार्यले निरन्तरता पाओस् भन्ने नेपाल प्रहरीको ध्येय रहेको छ ।
यस सम्बन्धमा महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक उत्तमराज सुवेदी भन्छन्, ‘बालबालिका, वृद्धवृद्धा, रोगी, वेसहारा भएर मान्छेहरू सडकमा आएको पाइएपछि उद्धारमा लागिएको हो । सामाजिक विकृति र घरायसी कारणबाट यस्ता समस्या उब्जिने गरेका छन् । समस्या समाधानका लागि स्थानीय सरकार, विभिन्न सामाजिक सङ्घसंस्थाको सहयोगमा उद्धार गर्ने र पुनर्स्थापना गर्ने गर्दछौं । खाद्यान्न, लत्ताकपडा लगायतको व्यवस्थापनमा पनि हाम्रो सहयोग रहन्छ । ठूलो शहर र धेरै जनघनत्वको कारण एकैपटक पुरै समस्या समाधान हुन कठिन भए पनि विस्तारै समाधानका लागि अभियानलाई निरन्तरता दिँदै जानेछौं ।’
यो अभियानमा लायन्स क्लव अफ काठमाडौं, जिल्ला रेडक्रस काठमाडौं, पशुपति क्षेत्र विकास कोष र महानगरीय प्रहरी परिसर काठमाडौंका साथै थुप्रै आश्रम लगायत सामाजिक सङ्घसंस्थाहरूको साझेरदारिता छ । जसबाट उनीहरूका लागि खाद्यान्न, नगद, लत्ताकपडा, साबुनपानी लगायत दैनिक उपभोग्य सामाग्री व्यवस्थापनमा सहयोग जुटेको छ । नेपाल प्रहरी अस्पतालबाट स्वास्थ्य जाँच र केही औषधी ब्यवस्थापनमा सहयोग पुगेको छ ।
कुनै पनि समस्याको दीर्घकालीन व्यवस्थापन हुनुपर्छ । यसका लागि सरकारी तथा गैरसरकारी सङ्घसंस्थाको सहकार्य, समन्वय र साझेदारी आवश्यक छ । घर फर्कन प्रोत्साहनका लागि परामर्श गर्ने र सडकमा बस्दा हुने नकारात्मक असरबारे सम्झाउनेतर्फ ध्यान जानुपर्छ । मागी खाने पेशा बनाउनेलाई कानुनी दायरामा ल्याउन पहल जरूरी छ, जसका लागि प्रहरी सक्रिय छ ।
यसरी विविध कारण सडकमा आएका व्यक्तिहरूलाई यस अभियानले सघाएको छ । पुनर्स्थापनापछि उनीहरू सामान्य जीवनमा फर्कने छन् । आफ्नो उत्पादनशील कर्ममा लाग्न योग्य हुनेछन् । ‘अव मेरो जीवनले नयाँ मोड लिन्छ,’ रमेश तामाङले उत्साहित भएर भने, ‘यस्तो पुनित कामका लागि प्रहरीलाई धन्यवाद छ ।’
समुदाय–प्रहरी साझेदारी कार्यक्रम अन्तर्गत जनचेतनामूलक कार्यक्रम सम्पन्न
कञ्चनपुर, जिल्ला प्रशासन कार्यालय कञ्चनपुरका निमित्त प्रमुख जिल्ला अधिकारी गोकर्ण उपाध्यायको प्रमुख आतिथ्य तथा नेपाल प्रहरी श्रीमती संघकी अध्यक्ष प्रमिला खनालको अध्यक्षतामा समुदाय(प्रहरी साझेदारी अन्तर्गत कञ्चनपुरको महेन्द्रनगरमा मंगलबार जनचेतनामूलक कार्यक्रम सम्पन्न भएको छ ।
नेपाल प्रहरी श्रीमती संघ र आसरा सुधार केन्द्र, रानीबारीको संयुक्त आयोजना र अग्रसरतामा महेन्द्रनगर मावि र बैजनाथ माविमा अध्ययनरत विद्यार्थीहरुलाई उक्त जनचेतनामूलक कार्यक्रम संचालन गरिएको छ ।
कार्यक्रममा प्रहरी निरीक्षक पुर्णिमा चन्दले लागूऔषध दुर्व्यसन, घरेलु हिंसा र यौन हिंसा लगायतका विषयमा प्रस्तुतीकरण गर्नुभएको थियो । सो अवसरमा नेपाल प्रहरी श्रीमती संघका पदाधिकारीहरु, प्रहरी अधिकृतहरु, अभीभावक, विद्यार्थीहरु लगायत स्थानीयबासीको उपस्थिति रहेको थियो ।
प्रहरीलाई आर्थिक प्रलोभनमा पार्न खोज्ने पक्राउ
ललितपुर, प्रहरीलाई आर्थिक प्रलोभनमा पार्न खोज्ने ललितपुर हात्तीवन बस्ने चितवन घर भएका ४३ बर्षीय रोशन बोटेलाई मंगलबार बिहान प्रहरीले पक्राउ गरेको छ ।
महानगरीय प्रहरी परिसर ललितपुरको मुद्दा शाखामा प्रहरीले उनलाई सवारी दुर्घटना सम्बन्धी कागजातको प्रतिलिपि माग्ने क्रममा प्रहरीलाई उक्त प्रतिलिपि कागजातभित्र नगद २ हजार रुपैयाँ दिन खोजेकोले उक्त नगद सहित प्रहरीले पक्राउ गरको हो । यस सम्बन्धमा प्रहरीले आवश्यक अनुसन्धान गरिरहेको छ ।
विद्यार्थीलाई कुटपिट गरेको अभियोगमा शिक्षिका पक्राउ
रोल्पा, आफ्नै विद्यार्थीलाई कुटपिट गरी घाइते बनाएको अभियोगमा रोल्पा रुन्टीगढी गाउँपालिका–८ स्थित भानु आधारभूत प्रावि मगरगौरीमा राहत कोटामा कार्यरत सोही ठाउँ बस्ने २५ वर्षीया शिक्षिका लक्ष्मी पुनलाई सोमबार प्रहरीले पक्राउ गरेको छ ।
पुनले जेठ १२ गते सोही स्कुलमा अध्ययनरत १४ जना विद्यार्थीहरुलाई स्कुल किन ढिला आएको भन्दै कुटपिट गर्दा विद्यार्थीहरु घाइते भएका थिए । उनीहरुलाई उपचारको लागि दाङको तुल्सीपुर लगिएकोमा उपचार पश्चाकत् फिर्ता भएका छन् । उनलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरमा थप अनुसन्धानमा भइरहेको छ ।
विभिन्न धनमाल चोरी
कपिलवस्तु, शिवराज नगरपालिका–१ घर भएका दलर्जन केसीको सोही ठाउँ बालापुर मोडस्थित डिएनडी सप्लायर्स पसलबाट सोमबार राति नगद १५ हजार रुपैयाँ, ल्यापटप १ थान र धाराको सामानहरु समेत गरी करिब २ लाख ५० हजार रुपैयाँ बराबरको धनमाल चोरी भएको छ ।
चोरीमा संलग्न फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको जनाएको छ ।
टिपरको ठक्करबाट मृत्यु
बारा, कलैया उपमहानगरपालिका–२४ श्रीपुरस्थित पिलुवा सडकमा ना. ८ ख ३१२९ नम्बरको टिपरले ना.१६ प ९७५७ नम्बरको मोटरसाइकललाई मंगलबार दिउँसो ठक्कर दिँदा मोटरसाइकलमा सवार ३५ बर्षीया खुश्बुन नेशाको घटनास्थलमै मृत्यु भएको छ । दुर्घटनामा गम्भीर घाइते भएका मोटरसाइकल चालक सोही उपमहानगरपालिका–२६ बस्ने ४२ बर्षीय जाकिर हुसेनलाई जिल्ला अस्पताल कलैया हुँदै थप उपचारको लागि नेशनल मेडिकल कलेज बीरगंज पठाइएको छ । टिपर सहित चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
आगलागीबाट धनमाल नष्ट
झापा, बिर्तामोड नगरपालिका–७ खोपबारी बस्ने महेन्द्र भुजेलको गोठघरमा मंगलबार दिउँसो ग्यास सिलिन्डरमा आगलागी हुँदा गोठभित्र रहेको अन्नपात लगायत सामान जलेर करिब ३ लाख रुपैयाँ बराबरको धनमाल नष्ट भएको छ । स्थानीयबासीको सहयोगमा आगो नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार