किन गइन राष्ट्रपति भण्डारी सुटुक्क नेपालगञ्ज ?

काठमाडौं । वन तथा वातावरण मन्त्रालयको जलवायुसम्बन्धी गोष्ठीको उद्घाटन गर्न राष्ट्रपति विद्यादेवी भण्डारी नेपालगञ्ज पुगेकी छिन् ।

मंगलबार श्री एयलाइन्सको नियमित उडानबाट नेपालगञ्ज पुगेको उनको स्वकीय सचिव दीपा शर्माले नेपाल बहस डटकमलाई जानकारी दिइन् । स्वकीय सचिव शर्माका अनुसार राष्ट्रपति आज साँझ मुश्लिम धर्मावलम्बीहरूको चाड इदमा पनि सहभागी हुने कार्यक्रम छ ।

यस्तै, बाँकेको प्रभात माध्यमिक विद्यालयको स्वर्ण जयन्ती समारोहलाई पनि राष्ट्रपति भण्डारीले बुधबार बिहान सम्बोधन गर्ने कार्यक्रम रहेको राष्ट्रपतिको सचिवालयले जनाएको छ । नेपालगञ्ज पुगेकी राष्ट्रपति स्नेहा होटल नेपालगंजमा बसेकी छन् । उनी बिहीबार काठमाडौं फर्कने कार्यक्रम छ ।

यसअघि नेपालगञ्जै भएको आठौँ राष्ट्रिय खेलकुद प्रतियोगिता उद्घाटन गर्न जाँदा भने राष्ट्रपति भण्डारी ‘चार्टर’ गरेर पुगेकी थिइन् । जसको व्यापक आलोचना भएको थियो ।

राष्ट्रपति भण्डारीले भोलि जलवायुसम्बन्धी गोष्ठीमा देशका विभिन्न महानगर, उपमहानगर, नगर, गाउँका जनप्रतिनिधि सहभागी हुनेछन् ।