फाष्टट्र्याकमा करोडौंको भ्रष्टाचार ,रक्षामन्त्रीको संरक्षणमा जर्नेल खाँणकाे चलखेल
इन्द्र रिजाल
जेठ २३, २०७६ बिहिबार १६:१८:२७
काठमाडौं । काठमाडौंलाई तराईसँग जोड्ने द्रुतमार्ग– फाष्टट्र्याकको निर्माण कछुवा गतिमा छ । सरकारले फाष्टट्र्याक नेपाली सेनालाई जिम्मा दिएको २ वर्ष पुगिसकेको छ । तर अहिलेसम्म डीपीआरसमेत तयार भएको छैन ।
सेनाको विकास निमार्ण विभागका जनरल एवं आयोजनाका प्रमुख योगेन्द्रबहादुर खाँड फाष्टट्र्याक बनाउने भन्दा पनि कसरी हुन्छ लम्ब्याउने र आफ्नो समयावधि सकिएपछि थप गर्ने योजनामा सक्रिय छन् । उनी आगामी असार १० गते अवकाश हुँदैछन् । अवकाशपछि पनि करारमा आर्थिक अधिकारसहित फाष्टट्र्याक आयोजनाको प्रमुख हुन उनले न्वारानदेखिको बल लगाएका छन् । फाष्टट्र्याक आयोजनाका प्रमुख जर्नेल खाँडले अरबौं रूपैयाँको ठेक्कामा ठूलो अनियमितता गरेको आरोपसमेत लाग्दै आएको छ ।
खाँडले फाष्टट्रयाकमा आयोजना प्रमुख भएपछि प्राप्त कमिशनबाट मात्रै श्रीमती सरिता शाह खाँड र ससुराली खलकका नाममा काठमाडौं उपत्यकामा मात्रै २ सय रोपनी भन्दा बढी जग्गा खरिद गरेको आरोपसमेत लाग्दै आएको छ । ललितपुरको टीकाथलीमा मात्र ५० रोपनीभन्दा बढी जग्गा श्रीमती शाहका नाममा खरिद गरिएको कुरा सार्वजनिक भएको छ ।
उनले फाष्टट्र्याकको निर्माणदेखि परामर्शदाता छनोट गर्दा ४० प्रतिशतसम्म कमिशन लिने गरेको कुराहरू सञ्चारमाध्यमहरूमा आइरहेका छन् । हरेक ठेक्कामा उनले यसरी कमिसन लिने गरेको आरोप लागेको छ । फाष्टट्र्याक आयोजनामा करोडौं करोडको भ्रष्टाचार हुने गरेको तथ्य बारम्बार बाहिर आइरहँदा पनि त्यसको छानविनमा कसैले ध्यान दिएको पाइँदैन । फाष्टट्र्याकको बजेट र त्यसबाट प्राप्त हुने कमिशनको कारण नै खाँड अवकाशपछि पनि करारमा नियुक्ति हुनका लागि दौडधूपमा सक्रिय भएका हुन् ।
यसका लागि उनले रक्षामन्त्री ईश्वर पोखरेललाई प्रयोग गरिरहेका छन् । अवकाशपछि पनि करारमा नियुक्ति हुनका लागि करोडौंको चलखेल भइरहेको तथ्य उजागर हुन पुगेको छ । फाष्टट्र्याकमा असफल भइसकेका उनी पुनः मन्त्रिपरिषद्बाट निर्णय गराएर करारमा नियुक्त हुन यस्तो चलखेलमा लागेका हुन् । खाँडलाई अवकाशपछि पनि नियुक्ति दिनका लागि रक्षामन्त्री ईश्वर पोखरेल सक्रियरूपमा नै लागिपरेका छन् । स्रोतका अनुसार मन्त्री पोखरेलले खाँडलाई पुनः नियुक्ति दिने आश्वासन दिइसकेका छन् ।
प्रधानसेनापति पूर्णचन्द्र थापाले सेनाभित्र भ्रष्टाचार नियन्त्रण गर्ने प्रतिबद्धता पटक–पटक जनाएका छन् । तर फाष्टट्र्याक आयोजनामा करोडौंकरोड भ्रष्टाचार हुँदा पनि सेनापति थापा यसमा निरीह देखिएका छन् । रक्षामन्त्री पोखरेलले नै घुसको भागबण्डा बुझेर खाँडलाई संरक्षण गरेको आरोप लाग्दै आएको छ । फाष्टट्र्याक आयोजनामा भ्रष्टाचार गर्ने जर्नेल खाँडलाई प्रधानसेनापति थापाले आउनासाथ हटाउन खोजे पनि मन्त्री पोखरेलकै कारण हटाउन नसकेको सेनाका उच्च अधिकृतहरू बताउँछन् ।
अवकाशपछि पनि त्यस्ता विवादित र बदनाम भएका खाँडलाई करारमा आयोजना प्रमुख बनाएर ब्रम्हलुट गर्न छुट दिने खेलमा मन्त्री पोखरेल लागेबाट नै प्रष्ट हुन्छ कि ठूलो आर्थिक लेनदेन हुँदैन । सुशील कोइराला प्रधानमन्त्री हुँदा नरेश बस्नेतले गरेजस्तै जर्नेल खाँडले रक्षामन्त्रीलाई करोडौं रूपैयाँ हिस्सा बुझाएर करारमा आयोजना प्रमुख हुन लागेको आरोप सञ्चारमाध्यमहरूमा आइरहेको छ । फाष्टट्र्याक आयोजनाका प्रमुख जर्नेल खाँडले कन्सल्टेन्सी छनोट गर्दा पनि भ्रष्टाचार गर्न लागेको तथ्य बाहिर आएको छ ।
उनले इआरएमसीसँग अग्रिम ४० प्रतिशत कमिशन लिएर फाष्टट्रयाकको १ अर्ब ९० करोडको ठेक्का दिन लागेको कुरा बाहिर आएको छ । इआरएमसीले आफ्नो इशारामा चल्ने कोरियन, चाइनीज र इटालियन कम्पनीलाई टेण्डर हाल्न लगाएको छ । र, सम्झौता गर्दा एशोसिएन भनेर आफ्नो नाममा गरी ठेक्का लिन खोजेको छ । सिक्टा सिँचाई आयोजनाको सुपरभिजन नगरी भ्रष्टाचार गरेको आरोपमा इआरएमसीविरुद्ध अख्तियार दुरूपयोग अनुसन्धान आयोगले विशेष अदालतमा २०७५ मंसिर २१ मा मुद्दा दायर गरेको थियो । अख्तियारले मुद्दा दायर गरेको इआरएमसीसँग ४० प्रतिशत कमिसन लिने गरी खाँडले परामर्शको ठेक्का दिन लागेको स्रोत बताउँछ ।
परामर्शको १ अर्ब ९० करोडको प्याकेजमा ४० प्रतिशत कमिशन माग्दा निर्माणको ठेक्कामा कति भ्रष्टाचार होला अहिले यो प्रश्न गम्भीररूपमा उठेको छ । खाँडले फाष्टट्रयाकमा आयोजना प्रमुख भएपछि प्राप्त कमिशनबाट मात्रै श्रीमती सरिता शाह खाँड र ससुराली खलकका नाममा काठमाडौं उपत्यकामा मात्रै २ सय रोपनी भन्दा बढी जग्गा खरिद गरेको आरोपसमेत लाग्दै आएको छ । ललितपुरको टीकाथलीमा मात्र ५० रोपनीभन्दा बढी जग्गा श्रीमती शाहका नाममा खरिद गरिएको कुरा सार्वजनिक भएको छ ।
यस्ता विवादास्पद आयोजना प्रमुख खाँडलाई स्वच्छ छवि भएका प्रधानसेनापति थापाले विभागीय मन्त्री ईश्वर पोखरेलकै दबाबमा म्याद थप गर्न सिफारिश गर्लान् त भन्ने प्रश्न एकातर्फ उठेको छ भने अर्कोतर्फ भ्रष्टाचारविरुद्धको भाषण गरेर नथाक्ने प्रधानमन्त्री केपी शर्मा ओलीले यस्ता विवादास्पद आयोजना प्रमुख खाँडको म्याद थप गर्लान् त ? प्रश्न अनुत्तरित छ । नव जनप्रहारबाट
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार