उपत्यकामा सवारीसाधनको गति तोक्दै ट्राफिक प्रहरी
इन्द्र रिजाल
जेठ २४, २०७६ शुक्रबार १४:२५:३
काठमाडौं । तपाईंले काठमाडौँ उपत्यकाका सडकमा प्रतिघण्टा ५० किलोमिटरभन्दा बढी गतिमा सवारी साधन चलाउनुहुन्छ भने ट्राफिक प्रहरीको कारवाहीमा परी पाँच सयदेखि एकहजार पाँचसय रुपियाँसम्म जरिवाना तिर्नु पर्नेछ ।
महानगरीय ट्राफिक प्रहरी महाशाखाका प्रमुख वरिष्ठ प्रहरी उपरीक्षक वसन्तकुमार पन्तले यसबारे जानकारी गराए । उनले भने, “प्रतिघण्टा ५० किलोमिटरभन्दा बढी गतिमा सवारी साधन चलाउन नपाउने प्रावधानको पहिलो चरणअन्तर्गत विस्तारित चक्रपथको कोटेश्वर–कलङ्की खण्डमा लागु भइसकेको छ, दोस्रो चरणमा भक्तपुरमा र तेस्रो चरणमा काठमाडौँ उपत्यकाभरि नै यो प्रावधान लागु गरिने छ ।”
विस्तारित चक्रपथको कोटेश्वर–कलङ्की खण्डमा सवारी साधनको गति तोकी सकिएकोमा सो मापदण्ड उल्लङ्घन गर्ने चालकलाई मङ्गलबारबाट दण्ड जरिवाना व्यवस्था गरिसकिएको जानकारी महाशाखा प्रमुख पन्तले दिए ।
चक्रपथको सो खण्डमा अहिले ‘लेजर स्पिड गन’ को सहयोगमा सवारी साधनको गति मापन गर्ने कार्य भइरहेको बताउँदै उनले गति सीमा उल्लङ्घन गर्ने सवारी चालकलाई अहिले कारवाहीको सट्टा सम्झाउने र बुझाउने काम भइरहेको जानकारी दिए ।
सवारी साधनको गति मापन गर्ने यस प्रविधिले सवारी साधनको गति, स्थान र समयलगायतको विस्तृत जानकारी दिने गर्दछ । यो यन्त्रले एक सय पचास मिटरसम्मको दूरीमा रहेका सवारी साधनको गति मापन गर्ने गर्दछ ।
चक्रपथको सो खण्डको मुख्य लेनमा प्रतिघण्टा ५० किलोमिटर र ‘सर्भिस’ लेनमा प्रतिघण्टा बीस किलोमिटरको गति तोकिएको छ ।
गत वर्षको फागुनदेखि सञ्चालनमा आएको ९.९ किलोमिटरको चक्रपथको सो खण्डमा अहिलेसम्म ६६१ वटा सवारी दुर्घटना भएका छन् भने १२ जनाले ज्यान समेत गुमाइसकेको महानगरीय ट्राफिक प्रहरी महाशाखाले जनाएको छ । त्यसैगरी, सो अवधिमा २३ जना गम्भीर र ४५८ जना सामान्य घाइते भएका छन् ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसुक्खा पहिरोले अवरुद्ध करिडोर सञ्चालनमा
फागुन २८, २०८० सोमबार
नेपालगञ्ज–गुलरिया सडक विस्तारको काम एक वर्षमै ५७ प्रतिशत सम्पन्न
फागुन १६, २०८० बुधबार
बेनी-जोमसोम-कोरला सडकको तिप्ल्याङ खण्डका घरटहरा भत्काउन ताकेता
फागुन १३, २०८० आइतबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार
दैविक प्रकोप उद्वारका सामग्री हस्तान्तरण
चैत १५, २०८० बिहिबार
हवाई टिकटको भ्याट र होटलमा लगाइएको विलासी कर हटाउः महासंघ
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
चैते धानमा किसानको आकर्षण बढ्दै
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार