हुवावेले रुसमा ५-जी सेवा विस्तार गर्दा चिनियाँ कम्पनीलाई राहत
इन्द्र रिजाल
जेठ २४, २०७६ शुक्रबार १८:५८:१९
एजेन्सी । चिनियाँ दूरसञ्चार कम्पनी हुवावेले रुसमा ५-जी सेवा विस्तार गर्ने भएको छ। आगामी वर्षबाट सेवा विस्तार गर्नेगरी हुवावेले बिहीबार रुसको टेलिकम कम्पनीसँग सम्झौता गरेको हो।
चिनियाँ राष्ट्रपति सी चिनपिङको ३ दिने रुस भ्रमणका क्रममा उक्त सम्झौता भएको हो। सम्झौतापछि जारी विज्ञप्तिमा भनिएको छ, ‘५-जी टेक्नोलोजी र पाँचौं जेनेरेसन नेटवर्कको पाइलट प्रोजेक्ट सन् २०१९ वा २०२० मा सुरु हुनेछ।’
राष्ट्रिय सुरक्षामा खतरा हुनसक्ने भन्दै अमेरिका तथा केही पश्चिमा मुलुकहरुले हुवावेलाई कालो सुचीमा राखेका थिए। रुससँगको यो सम्झौतापछि भने गत महिनादेखि अन्तर्राष्ट्रिय बजारमा साख गुमाइरहेको हुवावेलाई केही राहत मिलेको छ।
हुवावेको ५-जी नेटवर्क विस्तार चीन-अमेरिका व्यापार युद्धको केन्द्रबिन्दुमा रहेको विषय पनि हो। अहिलेको समयसम्म आइपुग्दा यसले विश्वको सूचना तथा प्रविधिको क्षेत्रमै ठूलो प्रभाव पारिरहेको छ।
सूचना प्रविधि क्षेत्रमा विश्वकै ठूलो बजार मानिने अमेरिकाले चीनले ५-जी नेटवर्क विस्तारका नाममा यहाँ निगरानी बढाइरहेको भन्दै हुवावेलाई कालो सूचीमा राखेको थियो।
हुवावेले भने अमेरिकको यो भनाइलाई खण्डन गर्दै आएको छ। उसले आफू चिनियाँ सरकारबाट स्वतन्त्र रहेको बताउँदै आएको छ। सूचना प्रविधिका क्षेत्रमा विश्वमै ठूलो बजार ओगटेको हुवावेमाथि अष्ट्रेलिया, न्युजिल्यान्डलगायत केही देशले पनि ५-जी नेटवर्कका लागि आवश्यक सामाग्रीको कारोबारमा प्रतिबन्ध लगाएका छन्।
ट्रम्प प्रशासनले हुवावेलाई अमेरिकामा ‘अविश्वसनीय कम्पनी’को सूचीमा राखेपछि विश्वकै सबैभन्दा बढी स्मार्टफोन उत्पादन गर्ने कम्पनी हुवावेलाई समस्या त परिरहेको छ नै। त्यसमाथि हुवावेले उत्पादन गर्ने चिप्सहरुको आधाभन्दा बढी अनुपातमा खरिद गर्ने अमेरिकी कम्पनीहरुलाई समेत यसले अप्ठेरोमा पारेको छ।
अमेरिकी व्यापार नीतिअनुसार अविश्वसनीय सूचीमा राखिएका कुनै पनि कम्पनीसँग कारोबार गर्न पाइँदैन। हुवावेमा प्रतिबन्ध लागेसँगै ५-जी विस्तारमा अमेरिकी कम्पनीहरुले ठूलो बजार हिस्सा गुमाउने आँकलन समेत गर्न थालिएको छ।
विश्वभर बढ्दो चिनियाँ प्रभावलाई कम गर्न पनि अमेरिकाले यस्तो कार्य गरेको आरोप समेत लगाइएको छ। गत वर्षदेखि नै अमेरिकाले चिनियाँ सामानमा कर वृद्धि गरेसँगै यी दुवै मुलुकबीच व्यापार युद्ध चलिरहेको छ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
शुक्रबार हुने सेमिफाइनलमा नेपालको प्रतिद्वन्दी युएई
बैशाख ५, २०८१ बुधबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार
चीनको केन्द्रीय बैंकका पूर्वडेपुटी गभर्नरमाथि घुस लिएको आरोप
बैशाख ६, २०८१ बिहिबार
सहसचिव अधिकारी, शर्मा र खरेललाई सचिवमा बढुवा गर्ने मन्त्रिपरिषदको निर्णय
बैशाख ६, २०८१ बिहिबार
लुम्बिनीमा ११ सदस्यीय मन्त्रिपरिषद, सात जनाले आज लिए शपथ
बैशाख ६, २०८१ बिहिबार
शरतसिंह भण्डारी मन्त्री हुँदा गरेका तीन विवादस्पद निर्णय श्रममन्त्री अर्यालद्वारा खारेज
बैशाख ६, २०८१ बिहिबार
सुदूरपश्चिम प्रदेशको मुख्यमन्त्रीमा दीर्घ सोडारी नियुक्त
बैशाख ६, २०८१ बिहिबार