भारतको विहारमा लू लागेर १४३ भन्दा बढीको मृत्यु !

काठमाडौं । भारतको विहारमा गर्मीले लू लागेर १४३ भन्दा बढीको मृत्यु भएको छ । शनिबार र आइतबार गरेर मृत्यु हुनेको संख्या १४३ पुगेको छ ।

यता आइतबार मात्रै औरंगावादमा ३३, नवादामा १२, पटनामा ११, गयामा ९, बक्सरमा ७ तथा आरामा ५ जनाको लू का कारण मृत्यु भएको छ ।

आइतबार पटनामा ४५, गयामा ४४.४, मुजफ्फरापुरमा ४२.६ र भागलपुरमा ४१ डिग्री गर्मी रह्यो । ती क्षेत्रका अस्पतालमा पंखा तथा कूलर राख्न निर्देशन दिइएको छ ।

तीन स्थानहरुमा सबै विद्यालय ठप्प छन् । बिहीबार पछि मौसममा सुधार हुने भारतीय मौसम विभागले जनाएको छ । यो आपतको बेलामा अस्पतालमा भने चिकित्सकको अभाव छ ।

पश्चिम बंगालका डाक्टरको समर्थनमा सोमबार देशभर अस्पतालमा डाक्टरले सेवा दिने छैनन् ।  उनीहरु हड्तालमा रहेका हुन् । मौसमका कारण पानीको थोपा खोज्न पनि समस्या भएको छ ।