गुठियारको प्रदर्शन चर्केपछि प्रधानमन्त्री ओलीले बोलाए बैठक, आजै महत्वपूर्ण निर्णय हुने अनुमान

काठमाडौं । सरकारले सदनमा प्रस्तुत गरेको गुठी विधेयकको विरोधमा प्रदर्शन चर्केपछि प्रधानमन्त्री ओलीले काठमाडौंबाट निर्वाचित सांसदहरुलाई छलफलका लागि बोलाएका छन्।

आइतबार यूरोपबाट फर्केका ओलीले गुठी विधेयकले संस्कृतिमाथि धक्का पुगेको भए विचार गर्न सकिने अभिव्यक्ति दिएकै भोलिपल्ट सोमबार बिहान यसबारे भूमिसुधार मन्त्री पद्मा अर्यालसँग परामर्श गरेका थिए।

त्यसपछि आजै तीनबजे उपत्यकाबाट निर्वाचित नेकपाका सांसदलाई छलफलका लागि बोलाइएको बालुवाटार स्रोतले बताएको छ।

गुठी विधेयकबारे सरकारले आज ‘सोमबार’ नै महत्वपूर्ण निर्णय लिने दाबी नेताहरुले गरेका छन्। प्रधानमन्त्री निकट मानिने नेकपाका नेता योगेश भट्टराईले गुठी विधेयकका विषयमा प्रधानमन्त्रीले थप सक्रियता देखाएको र साँझसम्म राम्रो परिणाम आउने बताएका छन् ।

सामाजिक सञ्जाल ट्विटरमा उनले धमिलो पानीमा माछा मर्न खोज्नेको भागमा भ्यागुत्तो मात्र हात लाग्ने बताएका छन् ।