राम्रो काम गर्दागर्दै पनि छवि धमिल्याउने प्रयास भयो : प्रधानमन्त्री ओली

काठमाडौं । प्रधानमन्त्री केपी शर्मा ओलीले सरकारले राम्रो काम गर्दागर्दै पनि छवि धमिल्याउने प्रयास भएको बताएका छन् । सिंहदरबारमा बुधबार साझ बसेको राष्ट्रिय समस्या समाधान समितिको ४५औँ बैठकमा प्रधानमन्त्री ओलीले सरकारलाई असहयोग गर्ने वतावरण सिर्जना गरिएको समेत आरोप लगाए ।

राजनीतिक रूपमा मात्रै नभइ सरकारी संयन्त्रबाट समेत हमला हुने गरेको उनको भनाई छ । उनले वित्तीय संघीयता कार्यान्वयनको सवालमा सरकारले सफलता प्राप्त गरेको दाबी पनि गरे ।

प्रधानमन्त्री ओलीले जिम्मेवारी व्यक्तिको गलत ब्रिफिङका कारण ठूला आयोजना समयमै नसकिने गरेको बताए । कुनै पनि आयोजनाहरु बिभिन्न बहानामा रोक्न नहुने उहाले स्पष्ट पारे । प्रधानमन्त्री ओलीले निर्माणाधीन अन्य ठूला आयोजना भने निर्धा्रित समयमै सकिने लक्ष्यसहित काम भइरहेको दावी गरे ।