प्रहरी र विप्लव समूहबीच दोहोरो भिडन्त हुँदा जिल्ला इञ्चार्ज पौडेलको मृत्यु !
इन्द्र रिजाल
असार ५, २०७६ बिहिबार २२:३५:४९
काठमाडौं । सरकारले विप्लवका कार्यकता माथि बढाएको निगरानीमा विप्लव समूहका सर्लाही जिल्ला इन्चार्ज कुमार पौडेल मारिएका छन्। बिहीबार दिउँसो सर्लाहीको लालबन्दीमा प्रहरी कारबाहीमा उनी मारिएको प्रहरी प्रवक्ता डिआइजी विश्वराज पोखरेलले नेपाल बहस डटकमलाई जानकारी दिए।
उनका अनुसार मोटरसाइकलमा आइरहेका चार जनाले प्रहरीमाथि गोली प्रहार गरेपछि प्रहरीले जवाफी कारबाहीमा गोली हानेको थियो। ती चारजना मध्ये प्रहरीको गोली प्रहारबाट एक जना मारिएका थिए भने तीन जना भागेको पोखरेलले जानकारी दिए।
दुईवटा मोटरसाइकलमा आएका उनीहरु प्रहरीसँग भिड्न नसकेपछि जंगलतिर भागेका थिए। उनीहरुका दुईवटा मोटरसाइकल अहिले प्रहरी नियन्त्रणमा छन्। तीमध्ये एउटा अनटेस्ट लेखेको एफ जेड मोटरसाइकल छ भने अर्को ना २२ प ६४ नम्बरको १५० सिसीको पल्सर रहेको प्रहरीले जानकारी दिएको छ। पौडेलको झोलाबाट थ्री नट थ्री पेस्तोल र कटुवा बन्दुक बरामद भएको दाबी पनि प्रहरीले गरेको छ।
विप्लव समूहका ५ जना नेता पक्राउ
यसैबिच, नेपाल कम्युनिष्ट पार्टी विप्लव समूहका ५ जना नेता उपत्यकाबाट बिहीबार पक्राउ परेकाे महानगरीय अपराध अनुसन्धान महाशाखाले जानकारी िदएकाे छ ।
पक्राउ पर्नेमा रामेछापका पार्टी इन्चार्ज कुलदीप तामाङ, दोलखा इन्चार्ज यादव दाहाल, सेक्रेटरी विशाल जिरेल, विद्यार्थी संगठनको ताम्सालिङ ब्युरो अध्यक्ष मुकुन्द श्रेष्ठ र उदयपुर जिल्लाको विद्यार्थी संगठन अध्यक्ष विशाल तामाङ छन्। उनीहरुलाई काठमाडौँ र भक्तपुरका विभिन्न स्थानबाट पक्राउ गरिएको हो।
उनीहरुका साथबाट विप्लव समूहको पर्चा भेटिएका छन्। समूहले बिहीबार साँझ उपत्यकामा राँके जुलुस निकाल्ने घोषणा गरेको र त्यही सिलसिलामा उनीहरु काठमाडौँ भित्रिएको हुनसक्ने प्रहरीले आशंका गरेको थियो।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार