याे पटककाे धान दिवसको मूल कार्यक्रम बर्दियाको राजापुरमा

काठमाडौं । सरकारले ‘धान खेतीमा प्रविधि र यान्त्रिकीकरण, चामल आयातमा न्यूनीकरण’ नाराका साथ राष्ट्रिय धान दिवस तथा रोपाइँ महोत्सव भव्य रुपमा मनाउने भएको छ ।

बुधबार कृषि बिभागले ललितपुरमा पत्रकार सम्मेलन गर्दै धान दिवसको मूल कार्यक्रम बर्दियाको राजापुर नगरपालिका वडा नम्बर ८ धोविनीपुरमा गर्ने समेत जनाएको छ । बिभागले दिवस मनाउनका लागी सबै सरोकारवाला निकायसंग आग्रह पनि गरेको छ ।

पत्रकार सम्मेलनमा कृषि बिभागका कृषि बिभाग डा. रेवतीरमण पौडेलले यो बर्ष धान उत्पादनमा ९ प्रतिशतले बृद्धि भएको जानकारी दिए । अहिले नेपालमा गरिने कुल खेती मध्ये ४८.५ प्रतिशत जमिनमा धानको उत्पादन हुने उहाले बताए ।

नेपालमा मनाङ्ग र मुस्ताङ्ग बाहेक सबै जिल्लामा धान खेती हुँदै आएको छ । नेपालमा मौसमको आधारमा चैते धान, वर्षे धान, भदैया धान, घैया धान र बोरो (हिउँदे) को रुपमा खेती गर्ने गरिन्छ ।