प्रदेश नं २ सरकारको नीति तथा कार्यक्रम : कृषिलाई प्राथमिकता
इन्द्र रिजाल
असार १३, २०७६ शुक्रबार १६:२९:३४
लहान । प्रदेश नं २ का भूमि व्यवस्था तथा कृषि सहकारीमन्त्री शैलेन्द्रप्रसाद साहले प्रदेश नं २ लाई कृषि प्रधान प्रदेश बनाउने गरी नीति तथा कार्यक्रममा कृषिलाई प्राथमिकता दिएको बताए ।
आँप उत्पादनको दृष्टिकोणले अग्रणी मानिने सप्तरीको सुरुङ्गा नगरपालिका–६ श्रीपुर कुशहामा शुरु भएको राष्ट्रिय आँप महोत्सव २०७६ को उद्घाटन कार्यक्रममा मन्त्री साहले प्रदेश नं २ लाई कृषिमार्फत नै समृद्ध बनाउन सकिने भएकाले प्रदेश सरकारको नीति तथा कार्यक्रममा कृषिलाई प्राथमिकता दिइएको बताए ।
सबै खेतमा सिँचाइ, हरेक किसानको हातमा पानी पु¥याउने उद्देश्यले प्रदेश सरकारले व्यापकरूपमा डिपबोरिङ जडान गर्नुका साथै पाँच हजार साना किसानलाई स्यालो ट्युवेल वितरण गर्ने योजना बनाएको मन्त्री साहले बताए ।
कृषिलाई आत्मनिर्भर नबनाएसम्म प्रदेश वा देश नै समृद्ध बन्न नसक्ने उल्लेख गर्दै मन्त्री साहले कृषिलाई आत्मनिर्भर बनाएर स्वदेशमै युवालाई रोजगारीको वातारण बनाउने योजनाका साथ प्रदेश सरकार अघि बढेको जानकारी दिए ।
सप्तरी, सिरहा, धनुषा र महोत्तरीलाई आँप जोनको रूपमा विकास गर्न लागेको उल्लेख गर्दै उनले प्रदेश नं २ का तीन जिल्लामा निर्माण हुने आँप प्रशोधन केन्द्रमध्ये एउटा सप्तरीको श्रीपुरमै स्थापना गर्ने प्रतिबद्धतासमेत व्यक्त गरे ।
नगरपालिकाका प्रमुख मुक्तिनाथ चौधरीले प्रशोधन केन्द्र नहुँदा स्थानीय किसानले उत्पादन गरेको आँप सस्तोमा बिक्री गर्न बाध्य रहेको बताए । उनले आँप उत्पादनको अग्रणी रहेको सुरुङ्गा नगरपालिकालाई आँप जोनको रूपमा विकास गर्नुपर्नेमा जोड दिए ।
स्थानीय आँपको प्रचारप्रसारसँगै आँपखेतीलाई प्रोत्साहित गर्दै आँप उत्पादनमा वृद्धि गर्ने उद्देश्यले शुरु भएको महोत्सवमा स्थानीय किसानद्वारा उत्पादित विभिन्न जातका आँपको छ स्टल राखिएको छ ।
सप्तरीमा कूल पाँच हजार हेक्टर क्षेत्रफलमा आँपखेती हुँदै आएको छ । सुरुङ्गा नगरपालिका–६ श्रीपुरमा मात्रै ५०० हेक्टर क्षेत्रफलमा आँपखेती भइरहेको वडाध्यक्ष लीलाकान्त चौधरीले जानकारी दिए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपचैते धानमा किसानको आकर्षण बढ्दै
चैत १५, २०८० बिहिबार
किसानले यस वर्षको कुचो नकाटी बगानमै छाडे
चैत १५, २०८० बिहिबार
अन्न उत्पादन घटेपछि म्याग्दीका किसान फलफूलखेतीमा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार