स्याङ्गजा । भीरकोट नगरपालिकाको आर्थिक वर्ष ०७६/७७ को नीति तथा कार्यक्रम नगर सभाले पारित गरेको छ । आगामी आ.व ०७६/७७ का लागि उत्कृष्ट निति तथा कार्यक्रम सहितको बजेट ल्याइने बताउछन् भीरकोट नगरपालिका वडा नं ५ का अध्यक्ष याम प्रसाद अधिकारी ‘लक्ष्मण’
उनि भन्छन,‘‘हामिले निति र नियममा आधारित रहदै स्थानिय सरकारबाट निर्दिष्ट प्रकृया अनुसार नै गाँउ बस्ती स्तरका योजना संकलन छलफल परामर्श गर्दै नितान्त जनताको आवश्यकता अनुरुपका योजनाहरु बनाएर आगामी आ. व का लागि बजेट ल्याउने तयारी गरेका छौ । यो बजेट जनमुखी छ ।’’

साथै उनले हाम्रो चाहना समृद्ध भिरकोट निर्माण भएकोले हार्दिकता सहितको एकता सङ्गै विकासका निमित्त हातेमालो गर्दै अघि बढ्न अनुरोध समेत गरेका छन् ।

भीरकोट नगरपालिकाले असार १० गते चौथो नगर सभामा प्रस्तुत गरिएको आर्थिक वर्ष ०७६/७७ को नीति तथा कार्यक्रम नगर सदस्यहरुको राय,सल्लाहा र सुझाव वमोजिम परिमार्जन गरी स्वीकृत गर्ने निर्णय गरिएको थियो । सोही निती तथा कार्यक्रमलाई हिजो बसेको नगर सभाले पारित गरेको छ ।नगरपालिकाले २२ गते सम्म छलफल सकेर बजेट ल्याउने तयारीमा जुटिरहेकाे छ ।

भीरकोट नगरपालिकाको आर्थिक वर्ष ०७६/७७ को नीति तथा कार्यक्रम पारित 

भीरकोटनगरपालिकाले आर्थिक बर्ष ०७६/७७ मा पुर्वाधार विकास,कृर्षि, स्वास्थ्य, शिक्षा, रोजगार र पर्यटनको क्षेत्रमा विषेश कार्यक्रम ल्याएको वडाध्यक्ष याम प्रसाद अधिकारी (लक्ष्मण)ले जानकारी दिएका छन् ।
९ वटा वडाहरु रहेको भिरकोट नगरपालिकामा कुल २५५८३ जनसंख्या रहेको छ भने बा्ह्मण,क्षेत्री,नेवार,मगर लगाएतका जातिहरुको बसोबास रहेको पाइन्छ ।