कुलेखानी तेस्रोले साउन पहिलो हप्तादेखि विद्मुत उत्पादन गर्ने

हेटौँडा । उत्तरी मकवानपुरको भीमफेदी गाउँपालिका–१ स्थित सानुटारमा रु चार करोड ५० लाखको लागतमा निर्माण गरिएको कुलेखानी तेस्रो जलविद्मुत आयोजनाले आगामी साउन पहिलो हप्तादेखि विद्मुत उत्पादन गर्ने भएको छ ।

विद्मुतगृहमा बाँकी उपकरण र तार जडान गरिएपछि छिट्टै विद्मुत उत्पादन गरी मुख्य प्रसारण लाइनमा जोड्ने लक्ष्य रहेको आयोजनाले जनाएको छ । कुलेखानी दास्रो आयोजनाबाट निस्किएको पानीलाई चार किलोमिटर सुरुङ मार्गबाट ल्याई सफलतापूर्वक विद्मुतगृहमा राखी परीक्षण उत्पादन गरिएको आयोजनाले जनाएको छ ।

चौध मेगावट क्षमताको सो आयोजना नेपाल विद्मुत प्राधिकरणको रु चार अर्ब ५० करोडको लागतमा निर्माण गरिएको हो । चिनियाँ प्राविधिक टोलीले यही असार महीनाभित्र विद्मुतगृहको बाँकी काम केही दिनभित्र सक्ने र नियमित विद्मुत उत्पादन हुने आयोजनाका प्रमुख सुवास मिश्रले जानकारी दिए ।

तोकिएको समयभन्दा ढिला हुनाको मुख्य कारण ठेकेदार कम्पनी जिम्मेवार रहेको बताउँदै उनले यसलाई पूरा गर्न धेरै मेहनत गर्नुपरेको जानकारी दिए । विद्मुतगृह नियमित सञ्चालनमा आउने भएपछि स्थानीयवासी पनि खुशी भएका छन् ।