नेबिसंघद्धारा भिरकोटका १ सय जना विद्यार्थी सम्मानीत

स्याङ्गजा । नेपाली कांग्रेसको भातृ सस्था नेपाल विद्यार्थी संघ भिरकोट नगरकार्य समितिले भिरकोट नगरपालिका भित्रका करिब १०० विद्यार्थीहरुलाई सम्मान गरेको छ।

गत २०७५ चैतमा सम्पन्न माध्यमिक शिक्षा ‘एसइइ’ परिक्षामा उत्तीर्ण विद्यार्थीहरुलाई बिहीबामर सम्मान गरेको हो।सम्मान कार्यक्रममा बोल्दै भिरकोट नगरपालिका प्रमुख छायाराम खनालले विद्यार्थीको हक र हितको निम्ति नेपाल विद्यार्थी संघले निरन्तर सिर्जनात्मक गतिविधि गरिरहेको र समाज बिकास नेतृत्वको निर्माणका लागि लोकतान्त्रिक बन्न जरुरी रहेको बताए ।

साथै उनले नेबिसंघ लाई जस्तो सुकै समस्यामा नगरपालिका साथमा रहने प्रतिबद्धता व्यक्त गरे।  कार्यक्रममा नगर उपप्रमुख सिमा केसि कर्माचार्य,नगर प्रबक्ता दिपेन्द्र केसि,वडा न ५ का अध्यक्ष याम प्रसाद अधिकारी लक्ष्मण,९ न वडाका अध्यक्ष भिम ब गुरुङ ,नेपाली कांग्रेस भिरकोट सभापति तोयनाथ अर्याल,गोबिन्द कर्माचार्य,बिष्णुमाया काफ्ले,पिताम्बर श्रेष्ठ,नेबिसंघ स्याङ्जा सभापति अजित क्षेत्री, स्वबियु सभापति सुनिल चापागाईं लगाएतले उच्च शिक्षाको लागि शुभकामना ब्यक्त गरे।

नेपाल विद्यार्थी संघ भिरकोट नगर कार्यसमिति सभापति लक्ष्मण अधिकारीको सभापतित्व र यसिब सरण महतको स्वागत सङ्गै सुरु भएको कार्यक्रमको सन्चालन सचीव नवीन केसि ले गरेका थिए।